ام يحيى تطلب مساعدتكم

[ام يحيى]

السلام عليكم
اختكم في حيرة ماصايرة بس الله يدري بيه
اولا اجانه اتصال من ال يو ان انه ملفنا بالتوطين تحرك
ثانيا اخو ابو يحيى مقدم على iom واجتي بيه موافقة وابو يحيى ايضا تقديم مباشر من قبل اخوه
ثالثااحنا كنا نريد توطينا على كندا لعدة اسباب من ضمنها بنات خلتي وعمي هناك ومميزاتها  الكل يعرف احسن من امريكاوايضا عندي ولد معوق صغير
لكن الحيرة وين يصير نبقى على المفوضية ونمشي معاملة ويا اخو بال iom
ومعاملتنا بالمفوضية تمشي اذا كملنا ويا اخو لو لا؟
ومرات نكول اخاف هاي فرصة جتنا واذا نرفضها احتمال مايطلع النا توطين بغير مكان لان (ابو يحيى عسكري وخاصة كندا)ارجو منكم اخوتي تجاوبوني باسرع وقت (الله لايحير عبده )مثل حيرتنا
الكم مني جزيل الشكر وكل التقدير لوكفتكم ويايه وللجميع التوفيق

[Revolver]

أم يحيى عيوني الله يصبركم ان شاء الله ويريح بالكم, ان شاء الله يجون اصحاب الخبرة وينصحوج وان شاء الله ترتاحين ..

ريفولفر

[توتاتي]

اختي القرار راجع الكم بس برأيي عصفور باليد خير من عشرة على الشجرة

[بغداد بقلبي]

السلام عليكم ام يحيى  انتو باي بلد حاليا وهل قصدك انه اجتكم موافقه بالاي او ام معناها انه انتو تم قبولكم يعني قابلتوا المحلفين وانقبلتوا اذا كان هيج قصدك فاتوكلي على الله لان مثل ما كلتي تره العسكريين معاملتهم صعبه جدا واكثر الدول متقبل بيهم فاذا انقبلتوا على امريكا اتوكلي على الله وبالنسبه الى ابنك المعوق فهناك العديد من المنظمات الحكوميه والاهليه التي تهتم بهاي الحالات ومجانيه وبالنسبه الى اقرباءك من الممكن ان ياتون لزيارتكم وان شاء الله لمن تاخذون الكرين كارت ممكن ان اتروحين يمهم اتشوفيهم  وان شاء الله خير

[عكعك التطوى]

اختي اذا مشيتو ب iom  راح يتوقف ب un ملفكم لحين معرفه نتيجه المحلف فلو لا سامح الله انرفظتوا سوف يتحول الملف للامم المتحده التي بدورها تحولكم على غير دوله وبهالحاله تصير عدكم فرصتين للسفر كما انه لو استمريتوا ب un دون ال iom فليس شرط ان تحولكم على كندا يجوز امريكا ايضا بهذه الحاله تكونون خسرتو وقت وجهد لحين تحويلكم على iom والخيار بالاول والاخير لك