من ام يحيى الى الاخ الفريدو

[ام يحيى]

 
السلام عليكم
ما اريد اطولها عليك اختك بحيرة بس الله يدري بيها
اولا اجانه اتصال من iom يكولون اذا تردون اتقدمون ويا اخو زوجي فارسلوا الجوازات النا علما انه اخو ابو يحيى تقديم مباشر
ثانيا احنا ملفنا صار فترة بالتوطين ويوم الاحد عدنا مقابلة تجديد
ثالثامثل متعرف احنا كنا نرغب يكون توطيننا لكندا لعدة اسباب لكن المشكلة وين اذا بقينا على المفوضية هل ممكن اذا انتظرنا وكلنا نريد توطيننا يكون كندا يحولنا على كندا وهل  كندا تقبل بينا لان ابو يحيى كان عسكري
واكو ناس يكولون لا يمكن تقبل بيكم علمود ابني الصغير معوق ومحتاج رعاية خاصة يعني من الحالات الخاصة
اخوية العزيز بالنظر لمعلوماتك القيمة عن اللجوء والتوطين اريد تنطي رأيك نبقى على المفوضية لو نمشي ويا اخو ابو يحيى اريد تساعدني على الي تكدر عليه والك كل الشكر والتقدير ويارب الله يسهل كل امورك وين متروح

[اينشتاين العراقي]

السلام عليكم اختي
وانشالله اخ الفريدو الورد يجاوبج
بس بالنسبه لابنج اني اعرف ومتأكد انو كندا تريد مثل هالحالات الانسانيه يعني اذا جان الطفل بي (متلازمه داون) او بي توحد او مثل هالشغلات لان كندا من اكثر الدول تقدما في مساعدت هذا الحالات الانسانيه
وبالنسبه للاي او ام ما ادري هل يتعارض تقديمهم مع التوطين اولا؟؟ وانشالله الاخوةان الي يعرف يجاوبج
والله يوفقج اختي
اخوج اينشتاين

[الفريدو]

اختي العزيزه ام يحيى السلام عليكم

بصراحه انا اتفق مع اخي اينشتاين بالراي لان كندا تسحب في حالتين وهي :
اولا : للذين عدهم اقارب درجه اولى وهي تساعد على لم الشمل
ثانيا : تسحب للذين عدهم مرضى وخاصتا الاطفال مثل حالتك وهي تحب تساعد الاطفال ذو الامراض المستعصيه
واما عن رايي فبصراحه هي مجازفه انك تعوفين سفره عن طريق ال اي او ام ومحتمل تكون اكيده ولكن اذا بقيتي وحالفك الحض وانقبلتي على كندا فهذه يرادلها( ذبيحه) لان كندا تفرق امريكا هوايه يعني من ناحية الرواتب والعنايه بيها فرق هوايه واني اتركلك الراي لان هاي شغلة مصير وانتي تحبين تجازفين او لا ؟؟؟
و اي استفسار ثاني انا جاهز وتدللين
والله يوفقك يارب وييسر امرك



اخوك : الفريدو