الدخول الى امريكا

[ethan texas]

السلام عليكم اخواني وخواتي طبعا اني اسف جدا جدا من عدم تمكني من الدخول للمنتدى وطبعا انتو اتعرفون السبب 

احب اليوم احجيلكم عن تفاصيل الرحلة من مطار القاهرة لحد رود ايلاند

مثل متعرفون احنى سفرتنا صارت بيوم 26_10_2009 رحنى للمطار ساعة 8 مساءا وسلمنى الموضفيين مال الاي او ام الاكياس وراها خلصنة الوزن والخروج  وقلعت الطيارة ساعة 1 بليل تقريبا

على خطوط دلتا طببعا الطيارة مكانت كلش مريحة  بس الحمدالله المهم وصلنا وكانت الرحلة 12 ساعة ضبط  وصلنا مطار نيويورك واستلمنا موضفيين الاي او ام ودخلنا بغرفة واخذو الاكياس الخاصة بينة

وسلمونة الباجات الي بيهة كل المعلومات الكيس نمبر اسمك الولاية الي راح الهة عنوان الكفيل رقم تلفون الكفيل ساعة الطيارة الي تقلع للولاية المتجهة الهة

وطبعا اني صدافتني مشكلة انو صار تشابهة اسماء  وسيم وجين واتصالات طبعا اني وكف كلبي والحمدالله فضت السالفة  وانتضارنة سيارات تجي تاخذنة كل واحد لولايتة او للمطار الي رايح الة

اجتي السيارات ساعة 2 الضهر بتقوييت نيويورك ورحنى لمطار ثاني غير المطار الي نزلنا الة  وقلعت الطيارة المتجهة للولاية مالتي ساعة 4 و45 دقيقة بتوقييت نيويورك وطولت الرحلة نص ساعة لورد ايلاند

طبعتا كانت الطيارة صدك تاتة اجرقع طول الرحلة بس كلشي الحمدالله والشكر بس المهم وصلنا طبعا استلموني اهلي من المطار   وياهم موضف الاي او ام  وصلنا للبيت بالسيارة مالت المنضمة

شفت المنطضة كلش حلوة وهادئة والجو حلو كان( بالنسبة الي اني احب هيجي جو )  مثل جو رود ايلاند

ثاني يوم رحنى وية المنضمة كملنا الاوراق الخاصة بية مثل سوشر سكيورتي والفود ستامب والمديكل   والويلكم وثاني يوم جابلي الصك بمبلغ 475 دولار ويلكم وصرفتا من البنك

وعندي باجر  موعد مستشفى لا اخذ الفحوصات  وبعد 4 اسابيع استلم انشاء الله السوشر سكيورتي  ويوم 5_11 استلم الفود ستامب والمديكل

وانشاء الله احجيكلم عن كل شي بوقت اخر لان والله العضيم كلش مشغول  ودا اكعد ساعة 7 الصبح يادوب الحك اخلص كلشي 

ملاحضة المنضمة انطتني فلوس اشتري الاغراض مثل البطانية والمخدة وباقي الشغلات لان كالت اني مشغولة وما اكدر اوفرلك هذة الشغلات

ارجو ان اسامحوني لتاخري بس هذة الحقيقة وانتو تعرفون كلش زين اول منوصل

اخوكم جوزيف

[Revolver]

أخوية العزيز جوزيف شايف كل الخير ان شاء الله والف الحمدلله والشكر على سلامتك, ومبروك وصولك اخوية العزيز وان شاء الله اتشوف كل الخير بوطنك الجديد والله يفتحهة بوجهك ويحققلك الاماني .

ريفولفر

[haitham40]

مبروك اخي وشايف الف خير وانشآ الله الحياة السعيده الجديده في رود ايلند

[good sniper]

اخي العزيز جوزيف الف الف الحمدلله  على سلامة وصولك بسلام والله فرحتلك هواية انشاالله نتمنى الك الاستقرار الدائم والحياة السعيدة وربي يفتح عليك ابواب الرزق



تقبل تحيات اخوك
ابو فهمي

[angie-dawood]

الف حمداللة على سلامة الوصول انشاءللة يارب تكون ولاية الخير والسعد ربي يوفقك اخي جوزيف تستاهل كل الخير

[ابو خالد]

الف الحمدلله على سلامة وصولك اخوي جوزيف وبالتوفيق انشالله ويفتحها بوجهك

[مريمانه]

اخيويه العزيز..جوزيف


الف الحمدلله والشكر ياربي ..على سلامة وصولوك والله فرحتنا..ياربي يكون مكانك الجديد عتبه خير عليه ..وتشوف بي كل الراحه والاستقرار والرزق نشالله..ونشالله ياربي يوم يلم شملك بالاهل وتصير الفرحه فرحتين..وربي ليحرمك منهم نشالله..تستاهل كل الخير ياطيب...



افرحك... بوصول موافقاتنا الامنيه ونحن في انتظار موعد السفر...ربي يتممها بالخير نشالله



اختك مريمانه

[volca]

الحمد لله ع سلامه وصولك اخي العزيز
واتمنالك الموفقيه انشاء الله

تحياتي

[اهلي ياعراقين]

الحمدلله على السلامة اخويا وبالتوفيق انشاءلله ويفتحها بوجهك

[ام عبداللة العراقية]

مرحبا اخويه جوزيف
ااااااااااااالف الحمدلله على وصولك والله ان شاءالله يوفقك ويسهلك كل امر خير ااااااااااامين يا رب العالمين
والله ان شاءالله يكتبلك حياة حلوه جديده مابيه اي تعب
وان شاءالله نسمع عنك كل الاخبار الحلوه
ومره ثانيه وثالثه ...................... الف الحمدلله على سلامة وصولك



                                                     اااااااااااااااااااااااااااااااااااااااااااا لف

                                                              ممممممممممممممبروك 

[Abo Andrew]

حمد الله عالسلامة

واتذكر نصايحي اللي كلتلك ياهة قبل

الله ايوفقك واتشوف كل الخير

[Vet2009]

جوزيف ..... السلام عليكم

   الحمد لله على السلامة ، و ان شاء الله توفق في بلدك الجديد.

vet2009

[maitham70]

حبي جوزيف الف الحمد لله على سلامتك اخويه العزيز
اسال الله العلي القدير ان يفتح ابواب الارزاق بوجهك انشاء الله

اخوك ميثم الكفائي

[ابو محمود]

ابني العزيز جوزيف

      مليون الحمد لله على سلامتك عمو .... الله اييسر امورك وترتاح بمكانك الجديد وتحقق بيه كل امالك واحلامك ....وبالموفقية حبيبي....

عمك ابو محمود

[الخالدي الاصيل]

اخي العزيز جوزيف ان شاء الله بالموفقيه والف مبروك
اخوكم ايو عادل الخالدي

[القرش الاسود]

اخي جوزيف الف الحمد لله على السلامة واتمنالك الموفقية وشايف كل الخير

[ابو عبد الله التكساسي]

لحمد لله ع سلامه وصولك اخي العزيز
واتمنالك الموفقيه انشاء الله

تحياتي

[ethan texas]

 مشكوريين اخواني الاعزاء وبارك الله بيكم  ويارب يوم الي اسمع وافرح بموعد سفركم يارب 


اخت مريمانة الف الف الف الف مبروك ويارب السفر القريب يارب ونسمع عنج اخبار حلوة  يارب


اخوية العزيز ابو اندرو مشكور اخوية العزيز ياوردة   

 
كلش كلش مشتاقلكم ويارب اسمع عنكم اخبار حلوة يارب 

اخوكم جوزيف

[lionofiraq]

الف الف مبروك جوزيف و شايف كل الخير بطيرقك بامريكا و الله يوفقك

[سامسونغ]

الحمد لله على سلامة الوصول اخ جوزيف وشايف كل الخير وتتوفق بتحقيق كل الأماني بعون الله .

[صابرين]

الف الف حمد الله على سلامة الوصول اخ جوزيف وان شاء الله تكون فاتحة خير وتتوفق بكل اعمالك ونسمع دائما اخبارك الطيبة
صابرين