سؤال لجماعة الـ SIV بخصوص تكتات الطيارة

[صوفيا]

السلام عليكم ياجماعة
عندي سؤال كلش مهم بالنسبة لجماعة الـ SIV واللي مقدمين على برنامج المساعدات شلون ياخذون تكتات الطيارة , يعني همة لازم يحجزون الطيارة والمنظمة تدفع الاجور لو المنظمة تحجز وتدفع الاجور واذا همة يحجزون شلون نستلم التكتات ؟
شكرا جزيلا للمساعدة مقدما
اختكم صوفيا  

[untitled.man]

اختي العزيزة...

انتي ما دام مقدمة على المساعدات فالمنظمة هي اللي راح تتكفل بكل شي وتجيج الزبدة... لا تدوخين نفسج...

تحياتي

[blackwater]

كلشي ما تسوين ..همة يخابروج ويطيروج لا تفكرين اوكي

[freemann]

من راح تروحين للمطار الي كالولج عليه بالتلفون او الايميل راح تلكين هناك مندوب ال اي او ام هو الي راح تكون بيده كل التكتات راح ينطيج ياها وياها كيس مكتوب عليه شعار اي او ام

فلتشيلين هم هاي الشغله لان اسمج يكون مسجل عنده بالمطار

[Abo Rami]

اختي العزيزة اذا انت مقدمة على المساعدات راح ترتب حجز التذاكر الج بنية اسمها خلود الحموي هذه موظفة عند IOM  كوني على اتصال بيها بعد ان تستلمين انشيورنس فورم وهي الباقي علية تتصل عليج وتحدد مكان وموعد تاريخ السفر ----------------وبالموفقية انشاء الله
ابو رامي

[freemann]

  عاشت ايدك ابو رامي  هاي فاتتني والله

[مازولا]

زين اخواني الاعزاء عندي سؤال عن الموضوع ... اني مو بالعراق ... و منا اكو خط طيران مباشر الى هيوستن نيويورك لوس انجيليس و غيرهه بامريكا ... زين اكدر اني اطلب خط السفر لو لازم همه يحددوه النه ... مع الشكر ... اخوكم مازولا