الحكوني بنصيحتكم اخوان ريفولفر وينك ابو اندرو الكني عمو وينك ماجلان وشو

[echo 9]

الفزعة اخوتي .
انا من قدمت على ال IOM ارسلوا لي ال IZ NUMBER وبعد فترة ارسلت لل SIV وجاوبوني وانتظر الكوم بس انا ما ذكرت لهم انه واحدة من بناتي متزوجة بعقد من المحكمة ولهسه ما تمت الزواجة يعني ما حصل العرس لهسه يمكن بعد عشر ايام بس هم عاقدين بالمحكمة ولكن هوية الاحوال المدنية ما مبدليها لهسه يعني بالجنسية بعدها ما متزوجة ( عزباء - بكر ) .
زين هذوله راح يتزوجون الاسبوع القادم شنو الحل شاسوي انا انتظر المقابلة وابلغهم او اغلس ما دام الجنسية ما مذكور بيها متزوجة لان اريد اخذها وياي وبعدين زوجها ندبر له طريقة
اظن افتهمتوا مشكلتي ارجو منكم افادتي افادكم الله ز
الحكوني لان دايخ بهالمسالة شنو الاسويه محتار
اخوكم
Echo 9

[y.a.r.a]

اخecho 9
هل قدمت العقد مالت الزواج  بالمعامله ام لا
لان الهويه متهم اذا ممبدلها
هل انت اتريد تستبعد زوجها من الحاله
اذا مردت ادخله بالقضيه ماكو مشكله وميحتاج تخفي موضوع زواجها او عقدها
فالافضل ان تذكر الموضوع  بالشكل الصحيح ومراح اياثر عليك وميحتاج اتضم الحقيقه لان مالها اثر
اختك يارا

[Abo Andrew]

اخي العزيز

انت لا اتحاول اتلوص الامور عليك

بالنسبة لل SIV في حالة زواج بنتك فهي ما مشمولة بالسفر وياك

ثانيا اذا انت اتريد تتحايل عليهم وتاخذ بنتك وبعدين ادبر طريقة حتة يطلع زوجها فهاي بقت يمك اني ما اعرف بهل طرق بس بكل الاحوال متكدر اتكلهم متزوجة لان مراح تاخذهة وياك وخاصة ببرنامج ال SIV

بالنسبة لل اي او ام الموضوع عادي وسهل تكدر اتكلهم اتزوجت وادزلهم بالايميل تحديث المعلومات حتة اتضيف زوجهة وهاي الحالة الوحيدة اللي يكدر يطلع وياكم ( واعتقد انه الافضل الكم من ال SIV ) وبما انه انت بعدك ما مقابل دز عقد المحكمة واخلص من هسة حدة من ايحددون موعد مقابلة ايحددوهة الكم كلكم وية زوج بنتك

بس دير بالك مو اتكول للاي اوم بنتي متزوجة ولل SIV  لان راح تنعلس قضيتك ويجيك رفض 100000000000 بالمية وتنرفض راسا


تحياتي

[echo 9]

العفو اخت يارا
اولا شكرا على الرد
انا من ارسلت الاوراق الوثائق الخاصة بي وبعائلتي والسيرة الذاتية لكل واحد بيهم ذكرت انه ابنتي غير متزوجة وارسلت نسخة من جناسينا ومن ضمنها جنسية البنت المذكورة ومكتوب بيها عزباء يعني غير متزوجة وبالحقيقة مسوين عقد زواج بالمحكمة بس لهسه ما متزوجين فعليا انشاء الله الاسبوع القادم يتم زواجهم
انا سؤالي ما دام بالجنسية ما مذكور متزوجة اعوف الوضع على ماهو عليه لو هاي اتاثر بالحالة مالتي
واذا اذكر لهم متزوجة يريدون اثبات مني اذا انطيهم عقد الزواج مكتوب بيه التاريخ قبل ما اقدم على IOM  SIV

[y.a.r.a]

اخي echo 9
اذا اتريد تستمر على الIOM ماكو اي مشكله بالموضوع بس اتدز العقد مع هوية الزوج ويرفق ويه المعامله بكل سهوله
اما اذا اتريد اتمشي معاملة ال SIVفهل بنتك فوق ال 21 لان هذا البرنامج يشمل بس الزوجه والابناء لا يشمل ازواجهم
وبهاي الحاله شلون اتزوج بنتك واتخليها معلقه هيه بمكان وزوجها بمكان لا ن اذا ردتوا  اتسوون معاملة السحب راح تضطر اتقدم  العقد وايكون تاريخه باثر رجعي
يعني همه ميهتمون لواقعة لزواج الي ايهمهم الاوراق وتواريخها
ولتنسى راح ايصير فحص طبي قبل السفر وايجوز ايكون عدها حمل بذاك الوقت
اختكم يارا

[Revolver]

اخوية العزيز  echo,

اعذرني اخوية العزيز والله ماعندي اي معلومة عن القضية مال زواج بنتك, الله يسعدها ان شاء الله وشايفة كل الخير والموفقية بحياتهة وتفرحكم انشاء الله .


كل مااطلب منك ان تسمع نصائح الاخ العزيز ( ابو اندرو ) لأن ماشاء الله خبرة لأن عندة عائلة الله يستر عليهم . اني مقدم وحدي فماعندي اي معلومة . وان شاء الله الاخوة ميقصرون وياك اخوية العزيز

اني جداً اسف واعذرني اخوية العزيز .
بارك الله بيج اخت ياراا على المجهود, الله يوفقج ان شاء الله
أخوية ابو اندرو اطلب منك كأخ صغير الك ان تساعد اخونة echo قدر المُستطاع . والله يوفقك .

ريفولفر

[echo 9]

شكرا اخي ابو اندرو والشكر موصول للاخت يارا الله يحفظها
شكرا حبيبي واخوية ريفولفر
هسه انا وصلت لقناعة انه حبل الكذب دائما قصير . اللي حصل انه انا اثناء كتابتي للسيرة الذاتية لعائلتي كنت اسوي كوبي وبست للمعلومات وخليت البنات بالاول والاولاد بالاخير حسب مبدا ليديز فيرست يمكن وحصل انه البت المعقود عليها ما غيرت الحالة الزوجية ومشت عزباء واجت عدله لان نسخ الجناسي اللي ارسلتهن ما مذور بجنسيتها متزوجة
هسه اللي اسويه شنو واشلون ارسل للاس اي في تحديث وايضا للاي او ام ابلغهم بيه بالخطا الحاصل واصحح موضوع البنت وهل ارفق مع الرسالة نسخة من عقد الزواج شتكولون الخطا يصحح ببدايته مو احسن من الاستمرار بيه لان يمكن تنلاص عليه مثل ما كال ابو اندرة الله يحفظه
Echo 9

[Abo Andrew]

اخي هية مو شغلة حبل الكذب

انت المسالة وبما فيها انه صارت تغيرات ومنها شغلة زواج بنتك

هاي هواية اتصير اخي مثل حالة المراءة الحامل من اتجيب طفل ترجع ادز بيان الولادة واتضيف ابنهة على القضية مالتهة وهسة انت في نفس الحالة
ترجع ادز للاي او ام عقد الزواج واتكلهم بنتي اتزوجت واريد اضيف زوجهة وخلص ماكو اسهل منهة
وهسة مراح ايطلبون جناسي مكتوب بيهة متزوجة لان راح يمشون على عقد الزواج عود بعدين من ايغيرون الجناسي دزهة براحتك الهم وايجوز حتة ميريدوهة

يعني اذا الناس تنتظر مقابلات الاي او ام وتقبقة متتزوج لو ما عدهة اطفال ايصير عدهم كآبة

انت بعدك بالبداية والموضوع كلللللللللللللش عادي

هسة اجي على نقطة مهمة واللي هية عن سؤالك شراح ادز لل SIV

اخي مثل مكالت الاخت يارا ومثل ما انت قاري التعليمات فمتحتاج ادز شي بعد الهم حتة لو عقد زواج بنتك لان مياخذون زوجهة وراح ياخذوهة هي فقط في حالة كان عمرها اقل من 21

واعتقد هذا الحل ميفيدك نهائيا لذلك في وضعك هسة لازم تستغني عن ال SIV او اذا متريد تستغني عنة فاكو حلين الك اذا اتريد تستمر على هذا البرنامج وهما :

1- تطلع وية بنتك بدون زوجهة اذا كانت اقل من 21
2- او تبقة بنتك وية زوجها وتطلع وحدك وية العائلة

هاذ الحل الوحيد في حالة اتريد اتكمل وية جماعة ال SIV

لا اتكلهم اكو خطأ لان هذا مو خطأ بنتك اتزوجت بعد مدزيت المعلومات المطلوبة وهمة الاجراء الرسمي اللي يعترفون بي هو  من يطلع عقد زواج المحمة وليس الاتفاق اللي صار بينكم وبين اهل الولد يعني الشي الرسمي اللي يمشي يمهم هو عقد المحكمة واكيد انت ما مطلعة لي هسة فهذا الشي عادي انت مغلطان ابد
واني بالخدمة لكل سؤال بعد

تحياتي

[Revolver]

بارك الله بيك اخوية العزيز ابو اندرو, دومك طيب او وكفاتك ذهب .

اخوية العزيز echo,

مثل ميكلون خوالنة : It's Your Call, ,واي شي تحتاجة اخوك ابو اندرو موجود .


ريفولفر

[Abo Andrew]

لحظة اخي العزيز انت جان عندك عقد زواج من المحكمة قبل مدز اوراقك للمرة الاولى ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟  

[Abo Andrew]

اوكي اني شوية جانت مليوصة يمي هسة قريت اول موضوع والظاهر انت جان عندك عقد زواج من البداية

علية اية حال هو المفروض جان اتكلهم من البداية بس ترة مو هذيج المعضلة ارجع دزة وكلهم بنتي اتزوجت واريد اضيف معلومات زوجهة بدون متتعذر او تحجي اي شي واذا رجعو كلولك ليش مكلت من البداية كلهم لان مجانو مغيرين الجناسي واني عبالي الا ايغيرون الجناسي يلة بس بعدين سئلت وكلولي عقد الزواج كافي لذالك اريد احدث معلوماتي

يعيني سطر واحد مو اكثر والموضوع سهل لا اتخاف

اخوان هذا عقد البنية واريد اتضيفوهة وخلص

ولا تنتظر لحد ميحددولك مقابلة لا من ايحددون راح ايخلوهم بكيس واحد منفصل عنكم مثل مصار وية اهلي طلعت اني وهمة صارلهم سنة ينتظرون بعدهم بالعراق

اما فيما يخص ال SIV فمثل مكتلك لازم تنساهم في حالة سفر زوج ابنتك معاك

[y.a.r.a]

اخي echo 9
مثل متفضل الاخ  ابواندروا اتسوي رساله اخبار وليس رسالة تصحيح
يعني بس اتبلغهم بواقعة الزواج وترسل المستمسكات بدون داعي لتنبيههم بحدوث خطا
واذا استفسروا عن تاريخ العقد كلهم الى ان صار الزواج الفعلي يله نرفقه بالمعامله
وايجوز بعد المقابله ايسووهم كيسين وايخيروكم اذا اتريدون ايكون ربط قوي او ضعيف
 علما ان الهويه لا يؤخذ بها  في تحديد الحاله الزوجيه احنا صار معنا نفس الحاله واثناء سير المعامله اتزوج اخي وارسنالهم الاوراق وهوية الزوجه ومشت معاملتهم وسافروا قبلنا وهويتهم ضلت تقرا باكر
ارجو ان ايكون الموضوع واضح
واذا احتاجيت اي استفسار اخر احنا ممنونين
اختك يارا

[echo 9]

شكرا الاخت العزيزة يارا
شكرا اخوية العزيز ابو اندرو
ربي يخليكم
وشكرا على الايضاح من جنابكم انا راح اسوي مثل ما شرحتوا لي والله كريم
ربي يحفظكم
اخوكم
Echo 9

[echo 9]

شكرا حبيبي واخوية ريفولفر
شكرا جزيلا الك ولبقية الاخوان والاخوات المشاركين بهذا المنتدى الراقي بناسه كلك ذوق يا طيب
والله لو ما انتم ماكان عرفت اشلون اقدم على الهجرة ولا كانت ببالي اصلا لان ما اعرف طريقتها والجماعة اللي نشتغل وياهم الخوال على كولتك يعني ما كو احد منهم بلغنا بهذا الشي مو مثل الاستراليين من انسحبوا اخذوا المترجمين الوياهم لا اس اي في ولا اي او ام ولا اخاف اغلط اخاف تنلاص اموري من انسحبوا بلغوهم يجيبون عوايلهم اللي يريد ويطلع وياهم هذا الشغل العدل مو استمارات واخطاء وارقام وانتظار على الاعصاب ما تعرف متى تجيك التايهة وتروح بيها يالواحد
الله كريم اخوان واللي بدوا يصير يصير . ما تعرف قسمة ربك وين تصير
اخوكم
Echo 9