نبدة عن رود ايلاند

[ethan texas]

 السلام عليكم اشونكم اخواني وخواتي يارب بخير

اليوم احب احجيلكم عن الولاية الي اني بيهة 

طبعا الولاية صغيرة اصغر ولاية با امريكا  وهية بالشمال  اغلب سكانهة اسبان 

الي شفتة من هذة الولاية كلشي مابيهة  ما اعرف اذا بيهة حياة او لا لان مشوف بشر كلهم بالبيوت  بس يوم السبت ويوم الاحد ايطلعون وباقي الايام كلهم بالبيت
اغلب منطقتي الي ساكن بيهة كلهم سود الجو مو كلش بارد  وبعد كم يوم ثلج رح ينزل ويكولون الثلج من ينزل ميبين الرصيف من الشارع  ورح اتكون الدنيا باردة كلش
بالنسبة للبيوت   العامير متكونة من 3 طوابق  الطابق الاول الة باب وحدة والثاني والثالث اتكون بنفس الباب  وينفصلون بدرج  اسعار الشقق غرفتيين وصالة ومطبخ وحمام والبسمنت مشترك اب 650 دولار
الغاز والكهرباء والتلفون وهذة الشغلات  تقريبا 200 الى 250 بالشهر طبعا بالشتا اصير اغلى 

اما الاربع غرف وصالة وحمام ومطبخ وبسمنت وهوة بيت منفصل بية حديقة وكراج اب 1200 الى 1400 دولار بالشهر مع البلات اقصد الغاز والكهرباء وهذة الشغلات
ارقى منطقة برود ايلاند هية ( وورك وكانيسون ستريت ) مابيهة سود قليل جدا واغلبهة بيوت

اما بالنسبة للشغل فة الشغل متوفر بس بقلة

الشغل الي هنا  بالروندري او مطاعم عربية او بانزين خانة تتراوح اسغار الساعة من 8 الى 9 و50 سنت بالساعة
اوقات العمل اكو من ساعة 7 الى ساعة 2 الشهر واكو من ساعة 4 الى ساعة 8 بليل 

وانشاء الله  كل ما اعرف معلومة  اكولهة الكم

واعتذر عن التقصير اخوكم جوزيف

[Revolver]

اخوية جوزيف حمدلله على السلامة مرة ثانية, وعاشت ايديك ياذهب, والله يوفقك ان شاء الله ويحميك اهناكة, حبيبي كلما يصيرلك مجال اريدك تحجيلنة عن شي بولايتك حتى انسوي ارشيف بولايتك . واتمنالك الموفقية اخوية العزيز واريدك اتبشرنة من تلكة شُغل ..

اخوك ريفولفر

[ethan texas]

 اخوية العزيز  ريفولفر

مشكور اخوية العزيز وبارك الله بيك واكيد مرح انساكم وانشاء الله اي شي اتعلمة رح اكولة

واني منتضر الايدي نبمر وترخيص العمل حتى اكدر اشتغل

وانشاء الله خير

اخوك جوزيف

[AbU.SaRa]

 بارك الله بيك أنشاء الله تحصل الأيدي وتلكه شغلة حلوة وتبدي حياتك.........

[صابرين]

الف حمد الله على السلامة مرة اخرى وشكرا على المعلومات وان شاء الله تتسهل امورك وتلقى شغل باقرب فرصة
صابرين

[fddd]

الحمد الله على السلامة وانشاء الله ترتاح بالولاية الجديدة وتمنياتى بحياة سعيدة

[دانةزيونة]

اولا الحمدلله على السلامة ولومتاخرة شوية وثانيا شكرا لك على سردك لما تراه في امريكا لما فيها فائدة للجميع وانشاءالله تتوفق يارب بحياتك وتلاكي شغل باقرب فرصة وعاشت ايدك                                                                                                                                                      اختك دانة من مصر

[lionofiraq]

جوزيف حشاك من التقصير انت وردة بارك الله بيك

[show]

ولو التهنئه متاخره بس هسه يله عرفت انت سافرت لان كنت منقطع كم يوم


الف مبروك سلامه الوصول
اتمنى لك الاستقرار و النجاح الدائم

بالتوفيق للجميع

[good sniper]

عاشت ايدك اخوية جوزيف على المعلومات والله يفتحها بوجهك انشاالله



فهمي

[عكعك التطوى]

الف مبروك وحمدالله على سلامتك اتمنالك التوفيق والنجاح بحياتك

[Vet2009]

جوزيف العراقي ....... السلام عليكم

   شكرا لك على هذا الموضوع الذي بالتاكيد سيعطي انطباعا عن الحياة في الولاية التي تتواجد فيها ، و مع احترامي للجميع ، لو كل واحد يتحدث عن الولاية ، المقاطعة او حتى المدينة التي يسكن فيها ، سيغنونا بالكثير من المعلومات المفيدة و التي بالتاكيد ستكون مصدر مهم للقادمين الجديد. اكرر شكري لك اخي الكريم جوزيف. و اخيرا ، ماذا عن قطتك ، هل تاقلمت مع القطط الامريكية ؟

vet2009

[abomagid]

السلام عليكم
الحمد الله  على السلامه اخويه
واخيرا وصلت امريكا اللله ايوفقك انشاء الله واتحقق كل الي تحلم بيه وربك مايخيب ظنك . اكو فقره اشو ياهو الي ايروح يتشام من السود شنو القصه ؟
احنا شعلينى بيهم
اني اسف هذا مو تدخل بس اريد اعرف شنو الموضوع يعني الكل صاحبين مشاكل ؟
احنا نعرف ( ان خليت قلبت ) مو ؟
اخويه جوزيف ياعراقي يابطل الحمد الله على السلامه واتوكل على الله وربي  نسمع منك اخبار حلوه اتكون انت مرتاح بيها يارب انت والباقين في بلاد الغربه
اخوكم
ابو ماجد
تحياتي

[ethan texas]

السلام عليكم

اشكر جميع الاخوة والاخوات على هذة الادعية الحلوة وبارك الله بيكم ويارب سفركم يارب وتحقيق جميع الاماني

اخوية العزيز بو ماجد بالنسبة للسود  ماكو اي مشكلة بيهم بالعكس من يوم الي هذا  اليوم محد باوع علية ومحد الة علاقة باحد

بس بالنسبة للاسبان همة الي ايضوجون وهم مع ذالك ميعترضون طريقك فقط اشوفهم بالباصات ايكلبون الدنيا والدك والركص والتصفك  وشغلات احنى ممتعلميين عليهة بس ماعدهم اي اذية هذا الي شفتة اني  والايام كفيلة انو  اتعرفني اكثر واكثر


اخوية العزيز فيت والله القطة زينة بس هنا اكثر شي كلاب  واكثر شي كلاب مال سباقات بس جدا جميلة


واشكركم مرة ثانية يا اعز اخوة

اخوكم جوزيف

[نهاد احمد]

اخونا العزيز
اولا \الحمد لله على السلامه
ثانيا \بارك الله  بيك اخي على المعلومات القيمه  والمفيده
ثالثا\ ان شاء الله تلكه شغل وتستقر وترتاح  
والموفقيه للجميع
اخوك ابو علي -مصر

[مريمانه]

اخويه العزيز..جوزيف..الف الحمدلله والشكر مليون مره على سلامتك ..ياطيب..ونشالله يوم يلتم شملك ويه الاهل..ز.والله فرحتنا برجوعك ومشاركتك...ياربي تكون ولايه خير عليك و..ونشالله تلكي شغل يناسبك باقرب وقت...على فكره تم وصول موافقاتنا الامنيه ونحن الان في انتظار موعد السفر..اذا الله راد


اختك مريمانه

[ethan texas]

 اختي العزيزة مريمانة

الله ايبارك بيج ياطيبة وبارك الله بيج وعلى اخلاقج الحميدة ياوردة 

وانا اسف جدا جدا على عدم تمكني من الدخول للا انترنت الى قليل من الوقت لان مثل متعرفيين الحياة هنا تختلف 

الف الف مبروك ويارب يوم سفرج يارب وتحقيق جميع الاماني ياوردة

اخوج جوزيف