اريد جواب من الطيبين !!!

[انيس80]

مساكم الله بالخير اخواني واخواتي الاعزاء
عندي اسئله ومحتاج اجابه متتصورون شكد راح تشيلون جبل من على صدري
اولا : اني صارلي سنتين اشتغل مترجم (مثل ما تفضلتوا حضرتكم (عميل) ) وهسه قدمت على ال siv وطلبوا اسم الكفيل وعنوانه واني ما عندي كفيل لان صاحبي الامريكي النغل صرفت عليه بكد عشيرته  سنه كامله اني اعلف بي واشتريله هدايا حتى يتكفلني من احتاجه تال طلع نغل ودك الناقصه وفلت ماكو اي خبر منه
المهم سؤالي هو : يصير اطلع بدون كفيل ؟ وشنو اكتب بالخانه اللي طالبين بيها اسم الكفيل وعنوانه ؟
وشنو يتغير بالحاله اذا ما عندي كفيل ؟

ثانيا : من اطلع شلون اطلع فلوس ويايه لهناك لان يكولون ياخذوهن بالمطار واني معندي احد حتى اخلي يمه وبعدين يحولي ؟


جاوبوني جواب شافي الله يخليكم ولتصيرون انتوا والحظ علية


شكرا جزيلا للجميع ولاسرة هذا المنتدى الرائع

[ابو عبد الله التكساسي]

عمي
انت متحتاج كفيل بس تحتاج كفيل معنوي واي اي شخص مممكن ان يكون الكفيل مالك بعد ان تتصل بيه وتخليلي عنوانه بالفورم مال نبراسكا الا اي 360
بالنسبه لل  اس اي في ميحتاجلهم كفيل

اخوك ابو عبد الله التكساسي

[انيس80]

اخي ابو عبد الله الغالي
اشكرك تاج راسي على سرعة الجواب بس همه طالبين مني اسم وعنوان كفيل والمترجمين اللي ويايه يكولون لازم تكتب اسم احد وبصراحه معندي احد هناك غير هذا الشريف اللي فلت ولاحس ولا خبر
الله كريم وحسبي الله ونعم الوكيل على كل واحد يأذي بريء

[ابو عبد الله التكساسي]

حبييب انيس
اني   اذا تريد اتخلي اسمي اكتبلي عالخاص واني برسم الخدمه ولا تشيل هم لصاحبك ولا غيره
اني بتكساس اذا عاجبك تجي لهنا فعين غطا وعين فراش
من بغداد الى تكساس

اني راح اكون كفيلك المعنوي الي كتلك عليه
 وتدلل

اخوانهذا الحجي مو بس لانيس اي واحد يريد كفيل اني برسم الخدمه ((فقط من اعضاء المنتدى))

ابو عبد الله التكساسي

[بغداد بقلبي]

عاشت ايديك ابو عبد الله الله ايوفقك ويفتحها اب وجهك والله موقف اصيل

[نهاد احمد]

السلام  عيكم
والله تسلم ايدك يا ابو عبدلله الورده وربي يوفقك
ويطيك الصحه والعافيه
اخوك ابو علي -مصر

[echo 9]

والنعم منك ابو عبدالله التكساسي
اويلي علينا العراقيين بالمواقف الصعبة والله تلاكي الواحد من عدنا بالف من هذا صاحب اخونا انيس بس شكو فايدة مع الاسف الشديد جاي يهجولون بينا والله لو هاي الكفات هنا بالعراق ما كان وصلنا لهالحال بس شنكول حسبي الله ونعم الوكيل
اخوي ابو عبدالله التكساسي اخواني العراقيين الشرفاء اللي هسه بامريكا وعدهم المقدرة على كفالة اخوانهم العراقيين المحتاجين لكفالة مثل اخونا انيس لا تعوفوهم لزموا ظهرهم
بارك الله بيك يا ابو عبدالله نيابة عن الاخ انيس الله يبيض وجهك ويسهلها عليك يا رب
اخوك
Echo 9

[angie-dawood]

بارك اللة بك اخي ابو عبداللة ربي يوفقك ويرزقك دنيا واخره

[انيس80]

مســــــاء الخيـــــــــــــــر ,,,,
والله يا اخي الغالي يا ,,, ابو عبد الله ,,, بحياتي مشفت انسان مثلك شريف وصاحب غيره وضمير حي
الله يحفظك ويبارك بيك وينطيك على كد نيتك الصافيه يا رمز الغيره العراقيه
قليل هسه اكو مثل هيج شخصيه طاهره اللهم ربي يحفظك ويرزقك ويسهل كل امورك ويحفظلك كل غالي على قلبك
آميـــــــــــــــــــــــــــــــــــن رب العالميـــــــــــــــــــــــــــــن

وللعلم هذا موقفك ما انساه ليوم القيامه

اللهم ربي يكثر من امثالك

تقبل فائق احترامي واجلالي لشخصك

[lionofiraq]

انيسسسسسسسسسسسسس حياك الله بين اخوتك العملاء و والهم اني عميل اربع سنوات وية الأمريكان و هسة اخوك بماليزيا يجدي معاملة من اي او ام لأن هنا كلش بطيئين و تعبانين

بس لا تنسى اتسلملي على بدر ههههههههههههههههههههه

[ابو عبد الله التكساسي]

اخواني واله حيييييل ممنون الكم جميعا
والله اني والحمد لله ساعدوني هوايه من المنتدى ومن برا المنتدى من وصلت لامريكا
واني مستعد لفعل الخير لاي عراقي
وان شاء الله لا تنسونا بدعائكم لاني مقدم على خطوه جباره لمساعده الناس الي جايين لامريكا من العراقيين

تحياتي للجميع
اخوكم ابو عبد الله

بس اريد دعائكم وبشده

[صابرين]

مبروك اخ انيس على ايجادك الكفيل الله ما يقطع ونشكر الاخ ابو عبد الله على موقفه الجليل و الله يفتحها بوجهكم وتتسهل اموركم ان شاء الله
صابرين

[ابو عبد الله التكساسي]

شكرا اختي صابرين والله يوفق الجميع
واكرر الدعوه للك من اعضاء عين كاوه المحترمين
اي واحد يريد يجي لتكساس اني اكون كفيله وبالخدمه وانشاءالله ما اقصر وياكم

[الفريدو]

اخويه ابو عبدالله انته اصيل والنعم منك والله يوفقك دنيا واخره لان انته تحب الخير والله يجازيك ما سويته ويه اخونه وانشالله الله يوفقك ويفتجلك باب الرزق ويبعد عنك اولاد الحرام

ومبروك عليك اخويه انيس وهذا اجاك من السماء وانشالله التوفيق بحياتك






اخوك : الفريدو

[اسيرالروح]

بارك الله بيك ياعراقي ياشهم اني مشترك جديد  ممكن اني تقبلوني عضوي عدكم