قصتي (باختصار
)
بالنسبة الي مخلص من قبل اكثر من سنة
اتذكر انطوني موعد الطيارة 13 / 8 / 2008
خبرتهم بعدني طالب وما اسافر اذا ما اخلص دراستي
المهم ضربت موعد الطيارة
الحجي جان باقيلي سنة كاملة يلة اخلص دراسة واستلم الشهادة كلت بلكت ينسون ملفي سنة كاملة
مرت تقريبا سنة واجة شهر السابع 2009 جنت نايم كالعادة واذا يدك تلفوني من الصبح رديت عليه اريد ارزله شو طلعت بنية صوتها حلو فما كدرت اتعارك وياهة واكوللها ليش تخابريني بثمانية الصبح
كلتلي بس اريد افتهم شنو سالفتكم
كلتلها شكو يا ستار من الصباحيات هم تخابريني واني نايم وهم تريدين تتعاركين وياي
كالت ملفك جاهز صار سنة تريد تسافر 29 / 7 لو لا كلتلها ولو انتي عصبية بس لا ما اريد اسافر
لازم اخلص الدراسة لو مخابرتني بعد شكم شهر بيها وجهة نظر
كلتلي ما اكدر ااجل عندك موعد فحص طبي فلان يوم كلتلها اوكي
المهم اجلت الفحص الطبي
مرت الايام وقريب ما اخلص الدراسة فحصت فحص طبي مرة ثانية لأن الاول مر عليه سنة وصار اكسباير
واذا تخابرني يوم 3/10 2009 تكولي عندك موعد طيارة يوم 7/10
كلتلها ما اكدر اسافر بهاي السرعة اجلي الموعد .. كلتلي حاضرة وبكل سرور
.. لا داشاقة همة يتخبلون من واحد يكوللهم اجلوا الموعد
المهم البنية بالموت اجلتلي موعد الطيارة من 7 عشرة الى 13 عشرة
كلتلها هماتين ما اكدر اسافر .. كلتلي بهاي الحالة راح اسكر ملفك وصعب ينفتح .. كلتلها سكري لأن لو يجي القعقاع ما اسافر اذا ما استلم شهادتي من الجامعة
المهم تسكر الملف .. خابرتهم ثاني يوم كلتلهم افتحوا ملفي .. كلولي صار تؤمر
المهم سووا تحقيق بالتلفون كلولي ليش سكرته كلتلهم ما جنت مستعد للسفر جان يخابروني ثاني يوم كلولي انفتح الملف
كلتلهم يعني راح يكون موعد الطيارة قريب جدا
كلولي لا الموافقة الامنية مالتك صارت اكسباير واظطرينه نسوي اعادة جيك امني على ملفك
كلتلهم يعني شنو هماتين يتاخر مثل اول مرة كالوا لا بالمرة الثانية ما يطول يجوز خلال شهر تجي
هذه قصة حياتي مع IOM وحاليا بانتظار الموافقة الامنية الثانية بعد ان ضربت اربع مواعيد للطائرة وتخرجت والحمد لله
تحياتي وبالموفقية للجميع ..
