اخي حمودي
اهلا وسهلا بيك وبالعراق العظيم
هيه اسهل واونس فقره الفحص الطبي وهلكد خليتلها اسئله لعد لو توصل للامنيه شراح اتسوي
وهاي الاجوبه ان شاء الله اتوضحلك الصوره
. وين يصير الفحص الطبي ؟؟ بيا مكان ؟؟
اما بمستشفى ابن البيطار او ايحولوك على الحارثيه وقسم كان فحصهم بمستوصف داخل المنطقه الخضراء وهاي راح ايبلغوك بيها بايميل
2. انا اخذ نتيجة الفحص ادزها لل IOM ؟ لو هم الي يدزوها مباشرة ؟؟
انت بس تفحص وبعد مالك علاقه لاتعرف شنو النتيجه ولا تستلم شي بايدك تخلص وتطلع
3. كم هي مدة الفحص ؟؟ يعني يوم واحد يومين او اكثر ؟؟
الفحص ايكون على مرحلتين بيناتهم يوم او يومين
4.مواعيد الفحص هل تكون مستمرة(يومية) ام هناك ايام محددة بالاسبوع او الشهر؟ ام لا ؟
لاغير محدده لان الية المواعيد اتكون بوجبات يوميه مستمره عدا ايام العطل
5.شنو مطلوب مني من مستمسكات اخذها للفحص الطبي ؟
الجواز
واذا عندك نظارات طبيه تجلبها باول موعد
والتقارير والادويه كلها تجلبها بالموعد الثاني
6. تكالبف الفحص .. اعتقد وعلى حدود علمي انه مجاني على حساب المنظمة .. فما مدى صحة هذه المعلومة ؟ مجانيه جداااا
7. اي معلومات ممكن تفيديني في الفحص الطبي . من الاخوان اهل الخبرة . ما يقصرون دوما ويانا ..
الفحص الاول يختص بالنظر والايدز واشعة صدر فقط
الفحص لليوم الثاني سريري وايقوم بالفحص اطباء عراقيين اثنين وهوه يقتصر على الاسئله عن كل تاريخك الطبي
واتمنى اكون اجبتك عن الاسئله الي تخطر ابالك واذا اي استفسار اني ممنونه
اختك يارا
