مفاجعة

[طوطي]

اليوم اتصلت بالمنضمة حتى اشوف الكيس وين وصل كالتلي عدكم اعادة محلف  .... انصدمت كلش وابصراحة قررت الغي الموضوع كلهة

[lionofiraq]

طوطي الله يساعدك انت ليش استسلامي على كيفك حتى لو عادولك مقابلة المحلف هاي مو نهاية العالم اصبر شوية شوف بلكت يريدون منك شيء اذا زعلان على اعادة المحلف تعال لماليزيا و شوف القهر الماينماريين يطلعون بستة اشهر و  احنة العراقيين انخيش العفو سنتين و 3 سنوات

بس هم شوكت كالولك مقابلتك؟؟؟؟؟؟؟؟؟؟

[طوطي]

كالو منعرف شوكت يجون المحلفين احنة انخابر من يجون والله يكون ابعون الجميع ويسهلهة على الجميع المشكلة انو حسب ماافتهمت   بس اني واكو واحد من الوجبة مالتي الي هو مهاجر انشالله اجانة اعادة محلف شنو الفلم مندري   الله كريم واشكرك على الرد   اخوية taif

[عكعك التطوى]

هذا شي عادي ويتكرر وغالبا يكون لسبب تافه ولكن خلي عندك صبر وطوله بال لان الواحد صبر هوايه وتحمل الصعوبات وانشاءالله هذا الاجراء يقدم قضيتك بعد هذا التاخير اتمنالك التوفيق

[hopeforall]

اخي العزيز

كول يا الله وعيد المقابلة واصبر وشوف وين توصل وياهم ان شاء الله كل تأخير وبي خير وتوكل على الله .....


الله يسهل علينا اجمعين يارب

hopeforall

[عاشق تراب العراق]

اخوية طوطي كول يا الله و روح شوف شنو الشغلة و ملرات مثل مكال عمدتنة عكعك السبب يكون تافه و حتى اني بيوم مقابلتي مال محلفين جان اكو ولد شاب جاي يعيد محلفين و طلع السبب تافه فتوكل على الله و شوف شنو الفلم و حرامات تضيع تعبك ورة كل هالشي

اخوك ابو نور

[أ.ج.ت]

اخي العزيز كول ياالله وروح للمقابلة وحتلكه السبب فدشي يضحك.بعدين انت لازم يكون عندك طولة بال لان الحياة موسهلة وبيه المر مثل مابيه الحلو .لاياس مع الحياة.

[ابو خالد]

اختي طوطي لاتهتمين وترى شغله عاديه مال اعادة مقابلة المحلف كما حصل مع اختي وماتأخر يم المحلف اكثر من 10 دقايق ولوجود خطأ عندهم بالمواليد وارادو الاستفسار لا اكثر فأنتم اعتقد شي تافه وراح تشوفين وتتذكرين كلامي وبالتوفيق انشالله

[طوطي]

اشكر الجميع على الردود الطيبة  ومشاركتنا في همومنا والله  يوفق الجميع ويسهل امركم انشالله

[ام عبداللة العراقية]

اخويه طوطي دير بالك تلغي الموضوع ترى والله دائما يصير غلط يعني يتصلون وتروح ويقولولك احنه ما متصلين واذا اتصلنه بلغلط لانه احنه صار ويانه هيج قبل فتره رنت علينه المفوظيه ومع العلم احنه ما عدنه شي بلمفوظيه
لانه احنه شغلنه مع ال iom
اتصلت بنت من المفوظيه قالت عندكم مقابلة توطين قلنالها احنه متقابلين وتقريبا مخلصين كل شي قالت شويه وارجع اتصل ولما اتصلت بعد 5 دقائق قالت عندكم مقابله مكمله للمقابلات الاخرى ولما رحنه ثاني يوم قالوا احنه ما رانين عليكم وماكو هيج كلام
اسفه لو طولت بس حبيت اقلك اطمئن لان كثير صارت مثل حالتك فاتوقع شي عادي
والله ان شاءالله يسهل عليك وتمشي امورك مثل ما تريد واحسن
وان شاءالله نسمع عنك كل الاخبار الحلوه

[القرش]

                                  السلام عليكم

اخي العزيز هاي مسأله جدآ طبيعيه وتحصل دائمآ ..انت ليش ضايج وراح تشوف يمكن لسبب تافه يمكن اكو نقص بالفايل مالتك  ويمكن يكون المحلف ناسي يسألك فد سؤال وهسه تذكروه ..اخويه لاتشيل هم ابد وروح وقابل وانت متفائل كلش ..واتمنى اسمع اخبارك الحلوه واتمنالك كل الخير والموفقيه .

ابو انس
شيكاغو

[نهاد احمد]

اخي العزيز
بعد التحيه والسلام
ولو اني جديد بهذا المنتدى الرائع والمفيد
بس حبيت انصحك لوجه الله
اني اأيد اخواني  الي كالوللك شوف شنو القصه وان شاء الله فد شي بصيط
واصبر فان الله يحب الصابرين  والله يسهله على الجميع
اخوك ابو علي -مصر

[بغداد وبس]

طوطي اختي العزيزة ليضل بالج وانشاء الله بل مقابلة مال المحلفين نهايت مشواركم وسفر باذن الله واني اعتقد  حيعيدون عليكم البصمات على حسب عتقادي والله يفرج علينة وعليكم يارب

[bee bee]

هاي شغلة عادية وهسه صايرة مودة
داعيك حلفت 3 مرات اول تحليف بشهر 6/2008 والثاني 10/2008
والثالث 6/2009    وكان الموضوع تشابه أسماء فقط والتحليف ماطول
عشر دقايق

بس المشكلة انك راح تتأخر شوية عالسفر
لأنه ورة التحليف ..ترجع المعاملة من جديد لأمريكا
وتكعد تنتظر الموافقة الأمنية من جديد مثل ماصار ويايه

لأنه آني من الشهر السادس ليهسه ماجى الموافقة
والله كريم ...علما اني مستلم الظرف بشهر 7/2008

ان شاء الله شغلتك بسيطة وتفض سلامات
وعود طمننا عنك والله كريم


تحياتي

[ايات]

اختي ان شاء الله سهلة لان  صارت اكثر من مرة ويه الاخوان وكان هناك اكمال بعض المعلومات الناقصة في المعاملة ون شاء الله تسافرون وصير سوالف ......اختك ايات