تغير الاسم بعد الوصول الى امريكا

[osama5477]

السلام عليكم ،

اخواني بس حبيت اسئل الاخوان الي وصلوا لآمريكا والي عندهم معلومات هل ممكن الواحد يغير اسمه من يوصل لآمريكا ، لان اني اسمي (اسامة ) ومن وراه راح اتصيرلي مصايب هواية ، واني متأكد بسبب الاسم موافقتي الامنية اتأخرت لحد الان ( صارلة شهرين ونص ولاحس ولاخبر )

[volca]

اخي العزيز تكدر اتغير اسمك عند استلام الجنسيه وهذه الشي متاكد منه بس قبله ما عندي علم

تحياتي

[Abo Andrew]

عمي دكول يا الله شتغير

واذا اتريد اتغير روح البوتان احسنلك هههههههههههههههه

[osama5477]

والله ابو اندروا اني متأكد راح ايسببلي مشاكل بالعمل وبكلشي داخل امريكا ، لأن اسمي غير مرغوب به بامريكا ، زوعندي صديق اردني اسمة صدام حسين ( اسمة الاول مركب ) هوة يدرس بأمريكا ويكول اول ما ارجع للأردن بعد شهرين اغير اسمي يكول عانيت هواية ومشاكل هواية صارتلي اهناك غير السخرية ، فأني افكر بموضوع تغيير الاسم حيل

[حمودي ابن زيونه]

اي صح بيه مشاكل فالافضل تحط اسم ابوك اول شي واللقب واسمك حط ثاني شي

اتصور يصير تغيره.

[angie-dawood]

اخي ما تكدر تغير اي شي الا بعد حصولك على الجنسية وانشاءللة ماكو اي مشاكل

[القرش]

                                 السلام عليكم

اخي العزيز من حقك تغير الاسم بس بعد ماتحصل على الجنسيه الامريكيه . وبألنسبه لاسمك ماله اي علاقه بتأخير الموافقه ..وان شاء الله قريبآ تصدر الموافقه ونسمع موعد سفرك .

ابو انس
شيكاغو

[نهاد احمد]

السلام عليكم
اخي ايصير اتغير بس بعد ما تأخذ الجنسيه
لان صديقي بالفعل غير اسمه بس بعد الحصول على الجنسيه
ودائما يحمل الاوراق ماته ويايه (الموافقه على التغير الاسم )
واللله كريم
اخوك ابو علي --مصر

[الناسك]

عندي حل غيرة الى زرقاوي !!!هههههههههههه
لا تخاف ترة ما كو شئ وهو مجتمع امريكا مجتمع كبير وما ملتهين بهاي الاشياء التعبانة مثلنه ذيج الصفحة وهاي الصفحة ؟؟؟ لعد الله يكون بعون العراقيين هسة شديعانون من الاسماء الدينية والسياسية خصوصاً في دوائر الدولة وبالتعيينات !!!
اخوك الناسك

[eng.a7med]

الاخ اسامة

سلام و تحية

اخي العزيز حسب معلوماتي و الي شفتة و متاكد منة انه اسمك الاول ميستخدم هواية الا بين الاصدقاء و المقربين اما رسميا بكل الاعمال و الدوائر و المعاملات ينادوك باسم الجد او الفاميلي نيم هاي وحدة الشغلة الثانية ترا محد بحال هاي السوالف هناك الا ما ندر او بالشقة ايجوز المهم تحياتي الك و اتذكر انه امريكا بلد جبير و القانون الي بي قوي و يحمي الناس يعني محد ايضوجك مو لان همة  زينين بس ايخافون من القانون .

و تقبل مروري

[/b]