نصدق منو ونجذب منو

[windy]

السلام عليكم .....موافقتنا الامنية طولت هواية لحد هسة صار تسعة اشهر بعد "اعادة المحلفين "كلما نتصل على منظمة الهجرة بعمان او القاهرة يكولون "لسة الموافقات الامنية مكاتش يافندم " طبعا بعد انتظار على التلفون مو اقل من عشر دقائق وجهاد حتى يفتحون علينا خط فكرنا نسال باميركا  ومن خلال ناس موثوق منهم ومعلومات مؤكدة  طلع اسمنا موجود وموافقتنا الامنية واصلة للمنظمة المسؤولة علينا باميركا وطلعوا مجهزينا كلشي ومنتظرين وصولنا فقط حسب كلام المنظمة نفسها رجعنا اتصلنا بالهجرة بعمان والقاهرة....وكالعادة "لسة الموافقات الامنية مكاتش يافندم".......ثم سالت الموظفة بالهجرة   معقول يحددونا منظمة وبيت باميركا وموافقتنا مو خلصانة  فاجابتني ممكن ......زين هسة منو نصدق ومنو نجذب .....علما انه قد تم تحديد لنا الولاية والمدينة بعد استلام المغلف او الموافقة المبدئية با ???سبوعين تقريبا

[Revolver]

ان شاء الله يطلع الخبر الي جايبي من الناس الموثوق بيهم صحيح وياربي يخابروكم بأسرع وقت ويحددولكم موعد سفر . وتوصلون بلسلامة .

ريفولفر

[Abo Andrew]

زين اختي ممكن اتكولينا على العنوان اللي اتصلتي بي بامريكا وكلولج الموافقة الامنية موجودة

لان اني بصراحة حتة خابرت مكتب باربارة اللي اسمهة مكتوب بالورقة اللي ايدزوها الاي او ام واللي ايكون الاختيار الرابع مؤشر بيهة وهم منطوني جواب ؟؟

فيا ريت لو اتكوليلي شنو الوسيلة الموجودة بامريكا لمعرفة احوال الطركاعة الامنية؟؟

تحياتي

[النسيم المهاجر]

[hصحيح ةاذا الامنيه كامله جان خابروك

عن تجربتي اني محصل الموافقه يوم 4-10-2008 وبتاريخ الشهر الاول من سنه 2009 دزو على الكفيل ووقع الاوراق وكلشي وكالو يمكن يوصلون خلال شهر شهر ونص بالكثير, والامنيه وبعدين طولت القصه وتأكدنا لغايه الشهر التاسع من 2009 صحيح هية بالامنيه بواشنطن اكيد والمنظمه تكول الصحيح ومن تجي يخابرون مايكدرون ياخروها بس هية داتتأخر بامريكا بواشطن .


               النسيـــــــــــــــــــــــــــــــــــــــــــــــــم الجاثم بسبب الامنيه r]

[المتمني]

اخوان السلام عليكم
كلام ويندي صحيح واني صار وياية نفس الشي دزيت شخص صديق الى المنظمة اللي مسولة عن استقبالي وسال عن اسمائنا وكالو اي اسمائهم يمنا واحنا محظرين الهم كلشي من زمان هواية وكال كلشي كامل بس ليش ما اجو مندري فشنو رايكم اليوم صارلي 7 اشهر من استلمت الموافقة وحتى كايلين لصديقي المفروض يجون من قبل 5 شهور الله عليكم العلة وين بس فهموني يم منو التاخير وليش مسفرونا الى حد الان ممكن احد يشرح

اخوكم المتمني

[Majid Radhaa]

اخواني الاعزاء
كل الكلام اللي قيل صحيح و المشكلة انه الموافقة الامنية لم تصدر بعد لانه من صلاحية وزارة الامن الداخلي اللي تنطي اشعار الى دائرة خدمات الهجرة والتجنس The US citizen immigration and services. اخي ابو اندرو هذا هو عنوان المكتب اللي سميته مكتب بربارة و هو المكتب المسؤول عن منح الفيزا لكن بعد وصول الموافقة الامنية. هذه المعلومات عن تجربة خاصة و اتمنى ان يصحح لي الاخوان اي معلومة ليست صحيحة من التي ذكرتها اعلاه.
مع امنياتي للجميع بوصول الموافقات الامنية باسرع وقت و التوفيق في حياتهم

[حسين السالم]

الله يسهلها لج ويسهلها عالجميع امييييييييين يارب تقبلوا مروري اخوكم حسين السالم

[ام فائز]

اخوان تره تحديد المنظمه ما الا علاقه بالموافقه الامنيه اصلا المنظمه تتحدد من يدزون على الكفبل ويوقع وكلهم يبلغون الكفيل انو خلال اربع الى ست اسابيع يوصل المكفول
صححوني اذا خطا

[mayada2009]

اخواني  اني نفس الشي صار ويايه همين منتظره الامنيه هنا بمصر مع العلم اهلي وصلوا لاريزونا وسالو على ملفي هناك كالولهم خلصان كلشي وباقين على موعد الطيران ومن اتصلت بال  iom  مصر يكولولي ماكو هيجي شي
ولسه الامنيه مجتش
اختكم حنين ام مصطفى

[راهب الحب]

أخي العزيز ونــدي ::
حبيبي الغالي هذا كلام دائرة الهجرة بأمريكا كلش عادي إحنـا همينة بعد عشرة أيام من الفحوصات يعني يوم 18/6/2009 إتصلوا بكفيلنا وراح وقــّع على الأوراق وگالوله بعد شهر يجون وحتى حضرنالهم شقة 3 غرفة وصالة لأنهُ عددنـا 7 أفراد .....
لكنهُ إحنا لي هسة بالإنتظار  وفات هسة فوك 3 أشهر من توقيع أوراق الكفالة  !!! يعني كلام أمريكا كلام عابر ومو مسؤول والموافقة الامنية محّد يدري شوكت تجي واحب أن أضيف شغلة ثانية ترة جماعة عمان لو القاهرة لو أي دولة جنت بيها ما دخلهم بالتأخير يعني شعدهم وياك بس تجي موافقتك وينختم ملفك يحولوك لقسم السفر وبدورهم يحطوك على جدول الرحلات ومن يقترب موعد السفر راح يتصلون بيك على الدورة التثقيفية فالشغلة مو قصة تصّدك منو وتجـذّب منو الشغلة شغلة تجييك أمني ويمكن تشابُه أسماء محــّد يدري ؟؟؟؟
تمنياتي إلك بالتوفيق والإستقرار والسفر القريب ودمت بألف الف خيـــر ..... †






                                       أخــوكــُم / وسـام بهنـام داؤد الخابـــوري

[عكعك التطوى]

كل الكلام الي كلتو صحيح جدا 100% وقلنا مرارا ان توقيع الكفيل وبلاغ المنظمه (الموجوده في امريكا ) له انهم جاهزين باستقبال المعني لا يدل على صدور الموافقه الامنيه وانما تدل على موافقه الولايه فقط والمنظمه سوف تنتظر اشعار اخر من مصلحه الهجره لتجهيز واستأجار الشقه وباقي المستلزمات الضروريه لاستقبالهم ففي الحاله الثانيه نستطيع ان نقول بان الموافقه الامنيه قد صدرت

ففي حاله الاخ windy اذا قامت المنظمه بتجهيز واستأجار شقه بشكل عملي لكم فهذا معناه الموافقه الامنيه صادره وتحتاج بعض الوقت لحين وصول هذه المعلومه لمنظمه الهجره iom لتبلغكم بها لاحقا سواء في مصر او عمان او العراق ولكن اذا كان الكلام شفوي من قبل المنظمه الموجوده بامريكا للكفيل بانهم جاهزين لترتيب امورهم واستأجار شقه لهم فهذا لا يعني بان الموافقه الامنيه صادره

تحياتي

[windy]

اخونا النسيم سمعت من معارف في اميركا انه اكو تغيير في موضوع تقديم الخدمات يعني زيادة الخدمات واختيار الافضل لان هواية عراقيين رجعوا وديرجعون فقبل فترة صاروا يجمعون العراقيين ويسالوهم عن معاناتهم ويسجلون ملاحظاتهم ويجاوزون الاخطاء .....ولهذه السبب او احد الاسباب بدوا يؤخرون السفر المهم انت مستلم الامنية وانشاءالله خير

[Abo Andrew]

اخونا النسيم سمعت من معارف في اميركا انه اكو تغيير في موضوع تقديم الخدمات يعني زيادة الخدمات واختيار الافضل لان هواية عراقيين رجعوا وديرجعون فقبل فترة صاروا يجمعون العراقيين ويسالوهم عن معاناتهم ويسجلون ملاحظاتهم ويجاوزون الاخطاء .....ولهذه السبب او احد الاسباب بدوا يؤخرون السفر المهم انت مستلم الامنية وانشاءالله خير

ما اعتقد هذا الحجي دقيق والدليل انه قبل كم يوم استلمت ورقة من المنظمة اللي جانت اتساعدني واني اصلا مخلص من عدهم هسة دزولي ايريدون ارجعلهم فلوس لان بشهر السابع واللي هو اخر شهر ساعدوني بي نزلت قرارات قللت من المساعدات وكولولي انت عندك overpayment ولازم اترجعة

تحياتي

[Abo Andrew]

لا زلت انتظر الجواب من صاحب الموضوع عن طريقة معرفة صدور الموافقة الامنية من داخل امريكا ؟؟!!

[windy]

الاخ راهب المحترم نشكركم على توضيحكم وتطمينا هي اول وتالي لازم نصبر نتمنالكم الموفقية وانشاءالله يخابروكم هالشهر على خط سفر

[windy]

اخونا ابو اندرو المحترم ترى انت يمكن افتهمتني خطا اني اقصد المنظمة نفسها اللي تكفلتنا لحد الان بعثنالهم ثلاثة معارف وكلهم على نفس الحجي "اسمكم واصل لتلك المنظمة في كذا مدينة وسالناهم مخصوص على الموافقة الامنية security وردونا انه "في اقل من شهر انتم عدنا"ومحضرينا البيت وكلشي مثل مذكرت ......ترى اكو شي نكدر نسعى بيه واكثر الاشياء عند الله هذهالامور الامنية مو بسهولة نعرفها .....نتمنالك التوفيق اخونا   

[Abo Andrew]

هسة افتهمت

هذا الحجي قديم والمنظمة دائما اتكول هيجي بس الشغل مو هيج

هاي اني لعد كايليلي انه فيزهم صادرة ومن اسالهم شنو يعين صدور الفيزا قبل الموافقة الامنية ميعرفون ايجاوبون

المنظمة اصلا ما عدهم علم بهل مواضيع وهاي اني من يوم 17 اب 2009 رحت وقعت كفالة اهلي ولي هسة الحبل عالجرار واكو ناس كايلين للكفيل خلال شهرين يجون وصارلهم سنة ماكو

تحياتي وانشاء الله الموفقية

[hussein5582]

كل الكلام الي كلتو صحيح جدا 100% وقلنا مرارا ان توقيع الكفيل وبلاغ المنظمه (الموجوده في امريكا ) له انهم جاهزين باستقبال المعني لا يدل على صدور الموافقه الامنيه وانما تدل على موافقه الولايه فقط والمنظمه سوف تنتظر اشعار اخر من مصلحه الهجره لتجهيز واستأجار الشقه وباقي المستلزمات الضروريه لاستقبالهم ففي الحاله الثانيه نستطيع ان نقول بان الموافقه الامنيه قد صدرت

ففي حاله الاخ windy اذا قامت المنظمه بتجهيز واستأجار شقه بشكل عملي لكم فهذا معناه الموافقه الامنيه صادره وتحتاج بعض الوقت لحين وصول هذه المعلومه لمنظمه الهجره iom لتبلغكم بها لاحقا سواء في مصر او عمان او العراق ولكن اذا كان الكلام شفوي من قبل المنظمه الموجوده بامريكا للكفيل بانهم جاهزين لترتيب امورهم واستأجار شقه لهم فهذا لا يعني بان الموافقه الامنيه صادره

تحياتي

كلام سليم

[المتمني]

كلام الاخ عكعك سليم وجيد جدا المنظمة كالو لصديقي انه احنا مكملين كلشي حتى انه كلو اشياء هواية تدل على سفري في وقتها لكن بعد فترة من مااجاني سفر راجعهم وحجى وياهم وكال بس فهموني شنو الموضوع كالو اله صحيح كلشي كامل والمفروض يجي من نهاية الشهر الخامس بس ما اجانا اشعار او اخطار من واشنطن لقدوم هذه العائلة فكل الحجي هو توقعات المنظمة بمجي هاي العائلة خلال شهر او شهرين لان المعروف انه بعد استلام الظرف يتوقع والاغلبية كما شاهدت وسمعت انهم يسافرون بعد موعد الظرف بشهرين او ثلاثة  الا في الحالات الشاذة واللي تتاخر مثل قضيتي وقضية الاخوة الموجيدين في دولاب الضياع واتمنى ان لايزعلو من كلامي ودمتم سالمين

اخوكم المتمني السفر والمستلم الموافقة في 6 ابريل2009

[ام سما]

السلام عليكم اخوانى كل الكلام الى انكتب من الاخوان صحيح والمنظمة ماعدها اى علم بالموافقة الامنية الى ان يجيها اخطار من الهجرة تبلغها باستقبال الاجئ الفلانى وميعرفون شكد المدة الى يوصل بيها الاجىء بعدتوقيع الكفيل واحنة من ظمنهم وقعت بنتى قبل منستلم ظرف الموافقة باسبوع والمنظمة كالتلهم خلى يحظرون نفسهم للسفر من يوم 1/4/2009 واستلمنا الظرف يوم 6/4 /2009 والى حدالان شايلين جنطنا وواكفين بالباب  ننتظر السفر فيااخوة ويااخوات سووا مثل مسوينا عيشوا حياتكم وارتاحوا وخلوا حملكم على صاحب الحمل سبحانه وتعالى والله يفرجها على الجميع 


                       اختكم ام سما