ارجو المساعدة هل يكفل ان نذكر بالقصة اني خائف من الانفجارت ام يجب ان اكون مهدد شخصبا

[عليكو]

اني اريد ان اقدم على الجوء الى امريكا ولكن لااعرف القصة التي سوف اقدمها هل هي اني مهدد شخصيا ام يكفي ان اقول ان الوضع في العراق اصبح خطر بسبب الانفجارات والميليشبات ولا اذكر اي تهديد شخصي

[الفهد السباح]

اخي العزيز عليكو بعد التحية والسلام

يجب ان تكون القصة التي ترويها تكون تهديد شخصي وليس الانفجارات لانها عامة تشمل الكل واذا كانت قصتك موثقة تكون افضل  تحياتي لك

[سوسن كليانه]

اخي عليكو اهلا وسهلا بيك بالنسبه الي ماكان عندي اي تهديد ولاشي كلتهم الحياة صعبه جدا بالعراق والظروف ماتسمحلنا انعيش اهناك واكيد هو كل الشعب العراقي مهدد حاليا يعني باي لحظه يروح بيها,,,بس المهم الواحد يكون صادق بكلامه ومايخترع قصه خاليه لان اخر المقابله راح يكون اكو حلفان ,,,واتمنالك الموفقيه والله يبعدك عنكم كل مكروه يارب

[drlexa]

مرحبه اخ عليكو
القصه لازم يكون بيهه تهديد شخصي لحضرتك يخلي بقائك بلعراق خطر على حياتك...ميقتنعون بلاوضاع الامنيه والخدمات التعبانه بصورة عامه.

مع تمنياتي الك بلموفقيه

اختكم من عمــّــان drlexa

[ابو عبد الله التكساسي]

مرحبه اخ عليكو
القصه لازم يكون بيهه تهديد شخصي لحضرتك يخلي بقائك بلعراق خطر على حياتك...ميقتنعون بلاوضاع الامنيه والخدمات التعبانه بصورة عامه.

مع تمنياتي الك بلموفقيه

اختكم من عمــّــان drlexa

كلام صح 100 100

[Baghdady73]

اخي العزيز..

من اولويات قبول الشخص كلاجيء هو وجود خطر حقيقي يهدد حياته بصورة مباشرة وشخصية اما الظروف العامة فهي تشمل الجميع..
عند اخذ افادتك في الامم المتحدة او دول اللجوء الاوربية فاول سؤال يخص سبب خروجك من العراق هو توضيح السبب المباشر والذي شكل الخطر الذي يهدد حياتك في حال بقائك في العراق..

بغدادي

[angie-dawood]

واللة يااخي صدكني كلها معتمد على انت وحضك وي المحلفين وحسب الشخص الي يقابلك واللة اكو مرات قصص تهديد تكسر الظهر ومن صدك يكون لكن تشوف انرفض الشخص كلها تعتمد على قناعة الشخص الي يقابل ومثل ما كتلك انت وحضك وقدم قصة اكتب كل شي صراحة حتى لو ما عندك تهديد كول اريد ابني حياة اعيش بامان اريد اكمل دراستي اي شي المهم تكون صادق وما تنسى اي كلمة تكتبها قبل التقديم وربي يوفقك انشاءللة ومليون هلا بيك بين اخوانك واخواتك

[Abo Andrew]

اذا دتقدم من داخل العراق اعتقد لازم ايكون تهديد شخصي والا جان كل العراقيين قدمو اذا الاوضاع مو زينة

اذا خارج العراق اعتقد تكدر اتكلهم هذا الحجي مال وضع ولو هو هم مو كلش دليل قوي

ومثل مكلتلك الاخت انجي هية بيد المحلف وانتة احجي الصدك لان اكو هواية امور حقيقية مر بيهة العراقي وخلتة ايكون معرض للخطر

يعني مثلا اني ابوية انخطف
سيارتين مفخخة اباب الصيدلية مالتنا
وووو

هو اكو عراقي ما عندة مصيبة ؟؟

تحياتي وكل الموفقية

[vincenzo]

كلام ابو اندرو جدا دقيق بس حبيت اضيفله انه للتقديم من داخل العراق على برنامج اللجوء لازم تكون مشتغل وية الامريكان وتكدر تثبت هذا الشي بوثيقة مكتوبة مو شرط من ال human resources

كأن تكون باج قديم اصلي او مستنسخ او حتى ايميل بينك وبين مسؤول امريكي (وهذا اللي صار وية احد اصدقائي قبل فترة)

[بغداد بقلبي]

السلام عليكم اخي الغالي علي اهلا وسهلا فيك بالمنتدى انته باي بلد حاليا هل كنت تعمل مع الاميريكان او اي شركه او منظمه  متعاقده معهم بصوره مباشر اذا كنت تعمل معهم فمن  الممكن التقديم الى منظمه الهجره الدوليه او عن طريق الاس اي في اما اذا كنت انسان عادي فمن الممكن ان تسافر الى اي بلد من دول الجوار وتقدم  وتسجل نفسك في مكتب المفوضيه الساميه لشؤون اللاجئين وطبعا تكتب قصتك وتم مقابلتك وبعدين همه اذا شافوا انك وفق معايير التوطين فطبعا راح تنقبل وبالنسبه الى سؤالك الاساسي يجب ان تكون في جميع الحالات مهدد لشخصك انت ولي اي اسباب عاديه او عامه وتقبل مروري