مجرد تحية وسلام ( مساكم فل وياسمين )

[echo 9]

السلام عليكم اخوان
انا الليلة ابشركم مزاجي مرتاح وكويس خالص واعصابي بثلاجة مثل ما يريد ابن اخوية ابو اندرو .
امس ارسلت لل اس اي في وال اي او ام تحديث بخصوص موضوع زواج بنتي مع عقد الزواج والجناسي مالتهم وما اجاني رد بس الاوتو ريبلي وراح اطبق راي اختي انجي وانتظر واصبر لان الصبر مفتاح الفرج وما كو بيدينا شي عليهم
بس حبيت ادخل للمنتدى لالقاء تحية المساء على الجميع وخصوصا الاخوة ريفولفر وابو اندرو وابو عبدالله التكساسي وماجلان وشو واخواتنا يارا وانجي وعلى ادارة ومراقبي هذا المنتدى الاكثر من رائع بمليون مرة
ويعذرني بقية الاخوان الماذكرتهم بس الله اعلم انه انتم دخلتوا بقلبي ولو انا شايب مو مثل ابن اخوية ابو اندرو لساته بعده شاب بس من نتلاكى انا وانت ابو اندرو تشوف عمك الشايب شكد روحه طرية وبعده يحس روحه بال 18
على العموم مساكم فل وياسمين وربي يخليكم لشبابكم ويحرسكم من من كل سوء ويوفقكم
اخوكم
Echo 9

[angie-dawood]

حمداللة اخي اهم شي لا تروح تنكطع الكهرباء  وترجع تطلع اعصابك من الثلاجة عود استعمل مولده ماكو مشكلة ربي يصبرك اخي وانشاءللة يوم تبشرنا بموعد سفرك بالتوفيق

[y.a.r.a]

الحمد لله اخ echo 9 على تحسن حالك
وهذا المنتدى هوه ملجائنا بكل حالاتنا ويوم الكل تفرح على فرح واحد ويوم الكل مقهورين لان احد الاخوان ضايج لو صاير عصبي وتنعكس على كل اعضاء المنتدى والكل ايشاركون سواء بالتخفيف عنه او بالمباركه والترحيب
وان شاء الله ياربي على طول اتكون مرتاح وتبقى دائما روحك شباب ان شاء الله وترفد المنتدى بمشاركاتك الحلوه
اختك يارا

[Abo Andrew]

انشاء الله دائما هادي والاخوة والاخوات بالمنتدى ميقصرون وياك ابد