طلب مساعدة ظروري وبسرعة

[الفلكي]

بسم الله الرحمن الرحيم

ان شاء الله سفري يكون هذا الشهر

سؤال مهم ارجوا الاجابة من اصحاب التجربية

عائلة من اربع نفرات اب وام وطفلين يحملون معهم 50الف دولار هل يوجد مشكلة في المطار ؟واين يضع المبلغ افضل ؟ ارجوا الاجابة اخواني الامر مستعجل

[/size]

[الفريدو]

اخويه الفلكي بالنسبه للمبلغ كبير وحسب كلام المنظمه يكولون كل شخص يحمل اكثر شي 5000$ حتى لاتاثر على مساعداتك .. اني انصحك ان تحول المبلغ عن طريق مكتب وبهذه الحاله محد راح يعرف انته محول او لا ..

اذا عندك احد تثق بيه اترك المبلغ عنده ولما توصل يحولهن الك او انته حولهن هسه الى شخص هناك وخلي يستلمهن ولاتحول عن طريق اي بنك لانه راح يعرفون المنظمه بيهن

مع العلم كل شخص يكدر يحمل 10000$ بس المنظمه اذا شافت هذا المبلغ يمكن تاثر على المساعدات مالتك


اخوك : الفريدو

[سامسونغ]

اخي اذا عندك هذا المبلغ تكدر تستثمر نصه وتطلعلك اقامه بالأردن وتعيش ملك لأن نعرف كثير اخذو وياهم اكثر من 50 الف ومافادتهم وهسه اهلهم يحولولهم بعد مرور سنه عليهم بامريكا ومامشتغلين لأن الفلوس طول ماهيه كدام عينك وانت صاحب عائله لازم تصرفهم لأن مايقلك تشتري وتبيع الا تحصل الكرين كارد ولا تخلهين بالبنك لأن يكطعون عنك المساعدات فامريكا مثل ماهي بلد الفرص هي بلد الصرف.والله يوفقك

[ام فائز]

اخونا الفلكي
ان شاء الله اتروح بالسلامه والموفقيه
بس تره مبلغ الخمسين كثير  لان هو يحق لكل شخص 10000  دولار  عدا الاطفال فانتبه الى هذا
واحسن شي ان تسال بالدوره التثقيفيه
زمثل ما بينوا الاخوه الاحسن ان اتخلي شخص يحولها الك واذا عندك صديق قريب حاليا هناك في الولايات المتحده فالافضل ان اتحولها من الان واتروح اتشوفها كدامك
طبعا قصدي قبل فد يومين من السفر
تحياتي

[john simon]

عزيزي الفلكيي
تحية طيبة
اود ان ازيدك علما اذا جان عندي مثل هذا المبلغ احاول ان اسستثمرا اب اي بلد او اعيشش معزز مكرم. لانه تعرف الدول اللي تنطي المساعدات اشكد ادقق على الشخص اللي عندا افلوس او اذا حسست عندا افلوس اتحاول تغريمه بمبالغ كبيرة او يضيع الطاس والحمام وتقبل تحياتي
جوسي البغدادي المانيا

[مازولا]

اخواني الاعزاء ... تحيه مني ... الصدك غير اني مو اريد ارد على ابو الموضوع لكن على الاخوان اللي ردو على ابو الموضوع ... اخواني ... انتو شنو يعني تعتبرون اللي يروح لامريكا لازم ياخذ مساعدات و اذا ما اخذهه شنو راح يطلعوه مناك لو ما ادري شيصير بيه ... واحد منكم يكلله هاي الفلوس اذا تاخذهه وياك راح تخلص و الثاني يكول روح استثمرهه في بلد ثاني ... زين ليش ما يستثمرهه بامريكا ... لو الاستثمار بغير بلدان احسن ... زين انتو من تكولون استثمرهه و عيش معزز مكرم قصدكم يروح لامريكا و يستثمر فلوسه بغير بلد لو ما يروح لامريكا و يبقه ويه فلوسه ... و زين اذا يريد يطلع اقامه بالاردن مو يرادله 25 الف علمود الاقامه ... زين مو هم راح يصرف الباقي على نفسه و على عائلته و بالاخير هم راح تخلص الفلوس ... اخواني الاعزاء ... اني متاسف منكم اذا حجيت شويه بنرفزه ... بس اني دا اشوف الكل اللي يريدون يطلعون هدفهم الاول هوه المساعدات ... و كلشي ممكن الواحد يسوي بس لا يندك بالمساعدات ... اخواني تره مو هيجي الدنيا ماشيه ... على كيفكم ... الواحد ياخذ هاي المساعدات بس حتى يوكف على رجليه و تره مو هيه سبب هجرتنه و بهذلتنه ... و اني متاسف مره ثانيه

اخويه العزيز الفلكي ... اذا عندك فلوس زايده 50 الف و تريد تستثمرهه ... روح لامريكا و هناك استثمرهه ... اشتريلك بيت زين بيهه و بهالحاله تخلص من هم كبير يواجه كل من راح لامريكا و هوه "خلصت المساعدات و شلون راح ادفع الايجار"

مح التحيه و متاسف مره لخ ... اخوكم مازولا

[دنفش]

اخي العزيز
كل شخص بالغ لة الحق عند السفر في مطار بغداد 10000 دولار فقط  هذة المعلومة اكيدة لان احد اقربائي يشتغل بالمطار   تحياتي

[عكعك التطوى]

اخي بالنسبه للتفتيش كل الي وصولو محد فتشهم على المبالغ النقديه الي حامليها وبعض منهم يسالو بالمطار في امريكا اذا شايل فلوس او لا فقط(بدون تفتيش ) واكوا ناس اخذت مبالغ اكثر من الرقم الي ذكرته محد فتشهم  وطبعا اكيد الفلوس متكدر تخليها بالجنط الي راح تنشحن لان معرضه للضياع والهاند باك تتفتش في بعض المطارات في امريكا فيفضل ان تقسم المبلغ بينك وبين زوجتك وتضعها في ستره او جاكيت او قمصله واذا اردت تحويل المبلغ فتوجد مكاتب اهليه يمكنك التحويل من خلالها بالاضافه الى انه المنظمه يجب ان ما تكون عدها علم بانك تملك مبلغ كبير

[eng.a7med]

الاخ العزيز محد ايفتش بالمطارات الامريكية عن الفلوس و ميطالبوك بتفريغ جيوبك من الفلوس بالتتفتيش

تحياتي الك

[y.a.r.a]

اخي الفلكي
لو كنت مكانك امامي خيارين
اما اجازف واشيلها معي واعتقد اكدر اخفيها ومتنكشف بالتفتيش ومن خلال ماعرضوه الاخوان من خلال كتاباتهم ان التفتيش عن الفلوس غير دقيق
والخيار الثاني اذا عندي احد وكيل معتمد في العراق افضل اترك الفلوس في البنك ويحولياها حين الحاجه الها وهذا افضله لان اذا اخذت الفلوس معي لامريكا مااكدر اخليها بالبنك ومن الخطر اتركها في البيت وبالبدايه مااكدر اصرف بشكل ملفت للنظر
وحضرتك تكدر اتشوف الاختيار الي ايناسبك
اختك يارا

[Revolver]

اخواني الاعزاء ... تحيه مني ... الصدك غير اني مو اريد ارد على ابو الموضوع لكن على الاخوان اللي ردو على ابو الموضوع ... اخواني ... انتو شنو يعني تعتبرون اللي يروح لامريكا لازم ياخذ مساعدات و اذا ما اخذهه شنو راح يطلعوه مناك لو ما ادري شيصير بيه ... واحد منكم يكلله هاي الفلوس اذا تاخذهه وياك راح تخلص و الثاني يكول روح استثمرهه في بلد ثاني ... زين ليش ما يستثمرهه بامريكا ... لو الاستثمار بغير بلدان احسن ... زين انتو من تكولون استثمرهه و عيش معزز مكرم قصدكم يروح لامريكا و يستثمر فلوسه بغير بلد لو ما يروح لامريكا و يبقه ويه فلوسه ... و زين اذا يريد يطلع اقامه بالاردن مو يرادله 25 الف علمود الاقامه ... زين مو هم راح يصرف الباقي على نفسه و على عائلته و بالاخير هم راح تخلص الفلوس ... اخواني الاعزاء ... اني متاسف منكم اذا حجيت شويه بنرفزه ... بس اني دا اشوف الكل اللي يريدون يطلعون هدفهم الاول هوه المساعدات ... و كلشي ممكن الواحد يسوي بس لا يندك بالمساعدات ... اخواني تره مو هيجي الدنيا ماشيه ... على كيفكم ... الواحد ياخذ هاي المساعدات بس حتى يوكف على رجليه و تره مو هيه سبب هجرتنه و بهذلتنه ... و اني متاسف مره ثانيه

اخويه العزيز الفلكي ... اذا عندك فلوس زايده 50 الف و تريد تستثمرهه ... روح لامريكا و هناك استثمرهه ... اشتريلك بيت زين بيهه و بهالحاله تخلص من هم كبير يواجه كل من راح لامريكا و هوه "خلصت المساعدات و شلون راح ادفع الايجار"

مح التحيه و متاسف مره لخ ... اخوكم مازولا

أتفق معاك اخوية مازولا 10000000%

[ابو عبد الله التكساسي]

اخي الغالي
اني من اجيت وهاي للمره الثامنه اذكرهه اتندمت لان ما جبت ويايه فلوس هوايه وضليت خايف من التفتيش ومن مطار بغداد تحديدا
طلعت من المطار مال بغداد ومحد كلب الفلوس لان جانو يم ام عبد الله
بمطار عاليع بعمان نفس الشي بس بالمغادره سالوا ام عبد الله هاي شنو كالتلهم فلوسنا (( حتى بدون ما يجيكوها او يفتحوها)) كالولها اتفضلي
بمطار شيكاغو محد يفتح الجنطه ولا بطيخ بس اتذب كل الجنط بالجهاز وتستلمهن من الجهه اللاخ ويمكن اني اتعطلت بالتفتيش الشخصي 3 دقايق والتفتيش مال الجنط صار بحدود 15 ثانيه ومدا ابالغ (بس مسافه الحبل الدوار بالجهاز مال السكنر))
بمطار دلاص لاحد كلبني ولا احد كلب الجنط
ومن وصلت هيوستن اتندمت ما جبت ويايه فلوس اكثر

حبييب اسمع كلام اخويه العزيز مازولا
اسمع كلام عكعك
وانت الربحان وهاي تجربتي الشخصيه اني
ا احد كلي ولا احد حجالي والسلام

بالمناسبه اذا اتدخن جيب وياك 20 تكه جكاير محد يكلك ليش
ولا تنساني بجم تكه اذا جاي لتكساس 
اخوك ابو عبد الله التكساسي

[الفلكي]

اشكركم كل الشكر على مساعدتكم لي والاجابه على اسئلتي واراح اجازف واحملها معي ان شاء الله

[Abo Andrew]

اخواني الاعزاء ... تحيه مني ... الصدك غير اني مو اريد ارد على ابو الموضوع لكن على الاخوان اللي ردو على ابو الموضوع ... اخواني ... انتو شنو يعني تعتبرون اللي يروح لامريكا لازم ياخذ مساعدات و اذا ما اخذهه شنو راح يطلعوه مناك لو ما ادري شيصير بيه ... واحد منكم يكلله هاي الفلوس اذا تاخذهه وياك راح تخلص و الثاني يكول روح استثمرهه في بلد ثاني ... زين ليش ما يستثمرهه بامريكا ... لو الاستثمار بغير بلدان احسن ... زين انتو من تكولون استثمرهه و عيش معزز مكرم قصدكم يروح لامريكا و يستثمر فلوسه بغير بلد لو ما يروح لامريكا و يبقه ويه فلوسه ... و زين اذا يريد يطلع اقامه بالاردن مو يرادله 25 الف علمود الاقامه ... زين مو هم راح يصرف الباقي على نفسه و على عائلته و بالاخير هم راح تخلص الفلوس ... اخواني الاعزاء ... اني متاسف منكم اذا حجيت شويه بنرفزه ... بس اني دا اشوف الكل اللي يريدون يطلعون هدفهم الاول هوه المساعدات ... و كلشي ممكن الواحد يسوي بس لا يندك بالمساعدات ... اخواني تره مو هيجي الدنيا ماشيه ... على كيفكم ... الواحد ياخذ هاي المساعدات بس حتى يوكف على رجليه و تره مو هيه سبب هجرتنه و بهذلتنه ... و اني متاسف مره ثانيه

اخويه العزيز الفلكي ... اذا عندك فلوس زايده 50 الف و تريد تستثمرهه ... روح لامريكا و هناك استثمرهه ... اشتريلك بيت زين بيهه و بهالحاله تخلص من هم كبير يواجه كل من راح لامريكا و هوه "خلصت المساعدات و شلون راح ادفع الايجار"

مح التحيه و متاسف مره لخ ... اخوكم مازولا

هذا الانسان العملي والناجح بالحياة

[emadmrr]

اخويه الفلكي بالنسبه للمبلغ كبير وحسب كلام المنظمه يكولون كل شخص يحمل اكثر شي 5000$ حتى لاتاثر على مساعداتك .. اني انصحك ان تحول المبلغ عن طريق مكتب وبهذه الحاله محد راح يعرف انته محول

اخوك عماد اشمري..