سوال مهم ومحيرني وراح يسببلي جلطه من كثر التفكير

[susu2u]

اريد اعرف جواب هذا السوال الي ديدور ببالي صارله فتره مو قليله ابد

اريد اعرف شككو اخبار عن التوطين هل اكو عوائل ديتصلون بيهم?? وهل اكو توطين?? وهل يوجد مقابلات هجره ع ستراليا لو لا?? يعني اكو احد متصلين بيه لو ماكو?? اردوكم انطوني فد خبر فد امل راح انجلط


الاشوريه

[ام فائز]

عزيزتي سوسو
تره احنا دائما داانكول الصبر يا اختي العزيزه ماكو بيدنا غير الصبر وتره من انتي اتكولين راح انجلط عبالج مو صدك من كثر التفكير الواحد يصير بيه ميت مرض
فياعيني على كيفج ويا نفسج
واقترح ولو اني ما عندي اجابه لسؤالكي ان تكتبين رساله اتوضحين بيها ظروفكي وتتركيها بصندوق البريد مال المفوضيه الساميه للاجئين
 وان شاء الله تتوفقين

[angie-dawood]

سلامتك حبي من الجلطه الصبر انطي شويه صبر ياعمري وانسى التفكير بيه وهي تجي من كيفها كل شي تظلين تفكرين بيه هواي ما يصير اتركيه وانسى واشغلي وقتك بغير شي مثل تعلم اللغة وما شابه راح تشوفين على غفلة الشي الي تريده يصير ياحبيبتي انطي صبر لروحك وانشاءللة بقوة الرب راح نسمع منك خبر عن توطينك بالنسبة اكو ناس خابروهم على التوطين اي اكو اخواني اتصلوا بيهم قبل شهر ونصف على التوطين وسوو مقابلتين بنفس اليوم وهسى دينتظرون مقابلة المحلفين هذا الحجي قبل شهر ونصف بعد هسى ما اعرف اكو لو لا وهما بسوريا

[мαяyαи]

اختي العزيزة susu2u بالنسبة للتوطين احنا قبل شهر خابرونا واتوطنا يعني اكو توطين ليهسة اما اذا على استراليا فما عندي اي معلومات عليها لان احنا اتوطنا على كندا بس اهم شي اختي الصبر لان احنا هواية انتظرنا صارلنا سنين وهسة يلة اتصلوا بينا ويارب يفرجها عليج وعلى كل الي ينتظرون اختك ماريان

[Revolver]

اختي يمج العافية ان شاء الله, وربي يسهل امورج ويسمعكم الاخبار الحلوة .. ربي يفرجها عليكم .

ريفولفر

[alprince1980]

اختي العزيزة اصبري اشويا واكيد حيخابروكي اسع بهاي الفترة من كل سنة تقل سالفة التوطين يركزون اكثر شي على الملفات الي موطنيهم حتى يسفروهم ويخلصون منهم
وحسم ما اعلنت المفوضية انو اكو اشويت خربطة عدهم فاكيد راح يخابروكي بداية السنة الجديدة
انتظري واكيد قريبا حتبشرينا بانو جاكي توطين على فد دولة بس انتي ادعي واكيد الله حيسمعك

تحياتي الك al.prince

[john simon]

عزيزتي  سوسو 2
تحية طيبة وبعد
انتي بعدج شابة او الجلطة انشاء الله ماتوصل يم صوبج اذا اشوييا طولتي خلكج او تعرفين الصبر مفتاح الفرج, او حاولي اشوييا اتقوين لغتج او اذا انكليزييتج قوية حاوليي تتعلميين فرنسي اذا الله نطى نصيب او حصلتي توطين في فرنسسا او كندا القسم الفرني او ما اتشوفيين الا الوقت ابسرعة يمر او ماتشوفين نفسج الا في بلد اللي اتحبي او تبدين بداية حلوة باذن الله والسلام
جوسي البغدادي

[US2010]

الصبرررررررررر مفتاح الفرج

ماضاقت الا فرجت اختي العزيزه

 

[blackwater]

الصبر مفتاح مدري شنو

[بغداد بقلبي]

السلام عليكم  سوسو اول شيء اكله الج ديري بالك على صحتك تره محد ايفيد لاتوطين ولا غيره على كيفك ويه نفسك انتي شنو ملفك متحول لاستراليا يعني قابلتي توطين وكلولج انه راح ايحولون ملفك على استراليا او انتي طلبتي وهمه وعدوكي بان ايحولون ملفك وبجميع الحالات التي ذكرتها اكلج  شيء واحد انه معاملات استراليا لمى يتم تحويلها من مكتب المفوضيه الساميه لشؤو ن اللاجئين الي السفاره الاستراليه تستغرق مدة سنه ومن بعد السنه بالضبط يتم الاتصال بصاحب المحلف وتبليغه بموعد المقابله والمقابله وحده وكلش سهله وعندي اصدقاء راحوا قب يمكن 10 اشهر فانتي كولي يالله واكو حل تاني اني اصدقائي كانوا يتصلون بالسفاره وايسالوهم عن ملفهم وكانت الاجابه انه الملف بدائره الهجره اب استراليا وانه بس تخلص الاجراءاا التي تستغرق سنه سوف نتصل بكم لتحديد الموعد المقابله واكو عضو بالمنتدى اسمه سمير 1966 هيج اسمه بالمنتدى اتحول الى استراليا ووره شهر اتصل بالسفاره وسالهم عن كعاملته وكلوةله انته مرفوض كلهم اشلون كلوله اكو موظف يجي من استراليا ايكلب الملفات والملفات الي تنقبل ايدزها والتي خارج المعايير مالته تنرفض وراح وانطوه ورقه واخذها للمفوضيه طبعا هو بالاردن وموضوعه موجود بالمنتدي وتقبلي مروري والله ولي التوفيق

[emadmrr]

اختي يمج العافية ان شاء الله, وربي يسهل امورج ويسمعكم الاخبار الحلوة .. ربي يفرجها عليكم

اخوك عماد الشمري

[alprince1980]

اختي العزيزة طبعا اكو مقابلات بس انتي اذكري باي بلد انتي حتى نقدر انساعدك واذا عندك قبول او تحويل ع استراليا اذكر التاريخ

تحياتي