سؤال لخبراء ال IOM وخصوصا بغداد حول اعادة "المحلفين"

[vincenzo]

السلام عليكم اصدقائي
كلفني صديق عزيز من خارج المنتدى ان اسأل عن فد شي غريب صار وياه واتمنى تساعدوني بتوقعاتكم او تحليلاتكم او اللي صاروياكم او ويه ناس تعرفوهم
الولد متزوج وعنده طفله
اشتغل ويه اكثر من شركه امريكية
قدم اي او ام بغداد بشهر ال 11 سنة 2008
شغلة مشت بسرعة نسبتا لاي او ام بغداد
فقابل بشهر الثالث هالسنه مقابلة اولى
وبعدين ما يعرف بال "محلفين" او الثانية والثالثة سوية بشهر السادس
بشهر السابع اجاه الاختيار الرابع وكالوله خلي يحضر نفسه للسفر
قبل 10 ايام اجاه ايميل انه لازم يقابل محلفين (مرة ثانية)!!!
اني شككت بالموضوع واتوقعت اكو خطأ فانطيته ارقام عمان وحاول يخابرهم بس ميجاوبون غير بanswering machine
فدزلهم ايميل وجاوبوه انه لازم يقابل وما ذكروا اي سبب
شنو نصيحتكم وشتتوقعون شنو السالفة ؟؟؟؟؟؟؟؟

ملاحظة: اني اتذكر انه صارت اعادة محلفين مع بعض الاعضاء في المنتدى من فترة اشهر بس مو ببغداد وبعد فترات طويلة من المقابلة الاولى بس اللي صار وية صديقي شوية غريب

شكري وتقديري مقدما لكل اللي راح يساهم بحل مشكلته

[مهاجرين انشالله]

والله اخوية اني هم نفس الشي صار ةياية اني قابلت المحلفين بالسابع وكملت موافقة المحلفين وخلصنة فحوصات واجتي الامنية لزوجتي وابني  وهسة قبل اسبوع تقريبا المنضمة خابرت كالت عدكم اعادة محلف وطبعا اتفاجئنة جداااااااااااااا بس شنسوي  ماكو حل لازم انعيدهة

[ابو خالد]

شلونك اخوي الغالي انشالله بخير وصحه والله بالنسبه للي حصل مع صديقك اعتقد انه حصل مع اخوان كثيرين وهذا امر عادي اعادة المحلف في بعض الاحيان لنقص بعض المعلومات او التأكد من شيء معين من مواليد او من غيرها المهم راح يكون السؤال بسيط جدا وماراح يطول وياهم اكثر من 10 دقايق ولاداعي للقلق وسلم لنا على صديقك وانشالله تفرج عليه واذا يوجد معلومات عند الاخوان انشالله مايقصرون وياك

[vincenzo]

جدا اشكركم اخواني الاعزاء
صديقي مهاجرين (تذكرني باخونه ابو محمد مهاجرين بلا حدود اللي رجع للعراق انشاء الله تنحل شغلته) اتمنى ان يفيدك هذا الموضوع اذا اصحاب الخبرة اللي مقابلين مرتين يسولفونه شنو القصة

الورد ابو خالد
عاشت ايدك والله يكثر من امثالك لان طمنتني ولو هو الولد وصل لهالمرحلة وما سامع بعين كاوا وياما كتله تعال شارك بس هو ابو خابصهه ويشتغل خمسين شغله بنفس الوقت ويتحجج بانه ما عنده وكت
المهم جفصلة جفصة عنيفة بالمقابلة الاولى ... هو جان عضو عامل بس كايللهم نصير متقدم
ههههههههههه ومو بس عضو عامل وانما من ذولة اللي جانو لوكية ويكرب عليهم الحزب القائد وجنه ننصب عليه قبل السقوط لان فطير وما مأذي احد واحنه نعرف انه النجاة في الصدق وخصوصا وية الامريكان بس هو جان خايف
وحسب اللي افتهمته من الاعضاء هنا وخصوصا خبير المنتدى عكعك انه هيجي شغلات متأثر واصلا همه ماعدهم قاعدة بيانات لكل العراقيين من ناحية الدرجة الحزبية لو الخدمة العسكرية وشيكول الواحد يصدكون بيه

[عكعك التطوى]

فينوس (ابو حسيبه)شويه يراد توضيح على هاي الجمله  (اجاه الاختيار الرابع وكالوله خلي يحضر نفسه للسفر) يعني تقصد بشهر الرابع استلم النتيجه وبعدها بفتره اجت موافقته الامنيه وبعدها كالوله تحظر للسفر؟؟

على العموم اعاده المقابله شي شائع وليس غريب وعادتا تكون المقابله الثانيه قصيره بالوقت وتافه وبسيطه وهي عباره عن سوؤال او سوؤالين يا اما عن اسمه وكيف يكتبه او هل له كنيه ينادى بها او عن مواليده او هل زار بلد او سكن ببلد اخر او عن عمله ومكان عمله او نقص توقيع او معلومه يعني اسئله عاديه وسبق ان ذكرها بالمقابلات السابقه وطبعا بعدها ايضا يستلم نتيجه وقرار محلف
واكو حاله غريبه يمكن تحدث لاول مره بالتاريخ  لعائله بمصر بعد ان حددولهم موعد سفر تفاجئوا بتلفون انه عدهم اعاده محلف وهاي يمكن اول حاله تصير اعاده مقابله بعد صدور الامنيه وتحديد موعد سفر فاذا صاحبك شغلته مشابه لهذه الحاله فا اعتقد ان هذه الشغله جديده وما حدثت الا في الاونه الاخيره وهذه الحاله اتصورها ابسط وتختلف عن سابقتها لانها حدثت بعد صدور الامنيه واعتقد انه بعد المقابله يتم تحديد موعد سفر له والله اعلم ونعيش ونشوف شغلات جديده

[vincenzo]

عكعك الرهيب صدك ردت ادزلك عالخاص بس كلت هسه هو ميقصر بس يشوف الموضوع
والله يبشرك بالخير لان اكدت كلام ابو خالد
جوابا على سؤالك...هو لا امنية ولا حسيبة مجرد انطوه الاختيار الرابع بنتيجة المحلفين و وراهه ب3 اشهر كالولة تعال قابل النوب
مشكورين تعبناكم واني مقصر لان ما جنت انتبه زين على مواضيع اعادة المحلفين اللي هواي انكتبت سابقا

[lfaa65]

السلام عليكم