شلون اسجل ابني بالمدرسه بامريكا وشنو لازم اسوي.يا ريت تفيدوني بسرعه

[sweet dream]

السلام عليكم
اني اخوكم ابو الشوك حددو موعد سفري وما اعرف شلون انقل ابني هناك واذا السنه حتفوته لو شلون وشنو لازم اسوي ما دام بعدني بالعراق .هو بالثاني ابتدائي واخاف السنه تروح علي.واي شخص ممكن يفيدني بمعلومه عن الاشياء اللي راح احتاجهه بالسفر. اي معلومه ولو بسيطه راح تكون قيمه. ومشكووورين.

[angie-dawood]

اخي العزيز ابو الشوك اولا اهلا وميت سهلا بيك بالنسبة لابنك شون تخلي بالمدرسة عادي انت بس من تجي بعون الرب جيب وياك اوراق ابنك واي مرحلة واصل بالدراسة يعني اوراق المدرسة الي هو حاليا ديداوم بيها ومن تجي هنا راح يسون اختبار للطفل هما يقررون اذا يبقى نفس المرحلة لو يحتاج تقويه هي بكل الاحوال يخلوه نفس المرحلة الي واصل الها بس ينطوهم انثاء الدارسة يكون مدرسة خاصة يتكلم العربي هو يساعدهم بالبداية بس ما متاكدة انه كل الولاية نفس الشي بس بمشكن هيجي يسون اذا يجي طفل جديد يخلون مدرس عربي يساعدهم بالبداية الى ان شويه يتعلمون لغة اثناء الدراسة يعني كم ساعة ياخذون الى صف خاصة كل الاطفال الاجئيين الجدد كل يوم ثلاث ساعات الى ان يتعلم الطفل اللغة قراءة وكتابة هاي بمشكن بس غير ولايات بصراحة ما اعرف شنو نظام التعليم بالنسبة لطفل الاجئ الجديد وهو الطفل  بسرع راح يتعلم المهم بس جيب الاوراق والتلقيحات كلها وياك من تجي بخير وسلامة

[angie-dawood]

السلام عليكم

أهلي الأحبة ..

حفظكم الله من كل سوء .. وأبعد عنكم سهام الغدر
بين فينة وأخرى .. أكتب لكم بعضاً من المواضيع أو المعلومات .. والتي أعتقد تفيدكم حين الوصول .. لأمريكا
وأتمنى بإن تستفيدوا منها ..
وسوف أواصل بالكتابة وعلى حلقات أو مراحل .. لإنها كثيرة ولا يمكن جمعها بموضوع واحد .. ولا تسيئوا الظن !
وقبل أن أقوم بكتابة الأسئلة والإجابة عليها .. سأكتب مقدمة بسيطة عن التعليم للأطفال في أمريكا


**  التعليم  **

تحرص الولايات المتحدة .. على أن يكون جميع الأطفال مستعدين للنجاح , فتقدم لهم التعليم العام المجاني .. وتعطيك هذه المعلومات البسيطة , عن كيفية تسجيل أطفالك في المدراس .. وستتعلم كيف تعمل المدارس الأمريكية .. وكيف تساعد طفلك على التعلم .

إلحاق طفلك في المدرسة
إن معظم المدارس العامة في الولايات المتحدة مختلطة .. وتعني عبارة ,, مختلطة ,, أن البنات والبنين يحضرون الصفوف سويا , وفي الولايات المتحدة قوانين متعلقة بالحضور الإلزامي إلى المدرسة , وهذا يعني إن قوانين الولايات تفرض على جميع الأطفال من سن  5  إلى سن  16  أرتياد المدارس في معظم الولايات , ويمكنك الإستعلام من وزارة التعليم في ولايتك .. لتعلم السن المطلوب لإرتياد المدرسة في ولايتك .
وأيضاً ...
بإمكانك إرسال طفلك إلى مدرسة عامة أو خاصة , وفي معظم الولايات , بإمكان أولياء الإمور أيضاً تعليم أطفالهم في منزلهم .. ويشار الى هذا الإجراء بــــ ,, الدراسة المنزلية ,, ..
المدارس العامة مجانية ولا تقدم التعليم الديني , وما يتعلمه أطفالك تحدده الولاية .. إلا أن المعلمين وأولياء الأمور يقررون كيف يتم تدريسه .. وتغطي تكاليف هذه المدارس ضرائب الدخل الفدرالية .. والخاصة بالولاية وضرائب الملكية المحلية التي تدفعها .
على الطلاب دفع رسم ( الرسوم المدرسية ) لحضور المدارس الخاصة .. وتقوم بعض المجموعات الدينية بإدارة مدارس خاصة عديدة .. بعضها مختلط والبعض الآخر للبنين فقط أو للبنات فقط .. وتقدم بعضها المساعدة المالية للطلاب غير القادرين على دفع الرسوم المدرسية .
يبقى معظم الأطفال الأمريكين في المدرسة .. لمدة 12 سنة , وسيوضع أطفالك في صف ( يشار إليه بـــ ,, الصف ,, grade ) بناء على سنهم ومستوى التعليم السابق .. الذي حصلوا عليه , وفي بعض الأحيان , قد تخضع المدرسة طفلك لإختبار .. لتقرر الصف الذي يجب وضعه فيه .

أخواتي وإخوتي العراقيين الكرام .. وسوف أتناول لاحقاً .. بعض الأسئلة والتي تراود الكثيرين وكذلك ستكون إجاباتها موجودة
( تم إقتباس هذه المعلومات من كتيب وبتصرف ) .. لأجلكم ياأهلي الأحبة
تقديري لكم

أخوكم .. أبـــو دجــــلة