شباب عندي مشكلة ومحتاج نصيحة وكلشي

[eng_ammar]

السلام عليكم شباب المنتدى
بعد كم يوم عندي مقابلة محلفين الاردن واموري مضبطها وكلشي تمام بس عندي مشكلة وحدة.....

مشكلتي

اني متزوج من شهر سبعة بس عقد ازواج شهر ٣  (فترة الخطوبه) المهم طبعا زوجتي متقبل تجي تسافر لان باقيلها سنة وتخلص جامعتها واذا جتي متضمن رح تكدر ترجع تكمل لاسباب اني اقتنعت بيها فتريد اتضل يم اهلي

المشكلة اني ورا يومين من زواجي (بشهر ثمانية) قابلت اي او ام وماكتلهم اني متزوج لاسباب عرفتها من نفس الموظفة انو لو تتاخر معاملتي الى ان تكمل جامعه لو اذا سجلت وما جتي رح تنحرم من السفر بعد ودخول امريكا(طبعا اني سالت الموظفة بصورة غير مباشرة)
 زين هسه اني شسوي اشو البارحة كالولي احتمال يعرفون من الحكومة الاردنيه بالحاسبه انو اني متزوج لان العقد بالاردن
زين اذا كتلهم اني متزوج بالمحلفين واشرحلهم ليش هيه متريد تجي مرح يكلولي لعد ليش انته مذكرت هالشي قبل.

اذا كتلهم اني بس عقد بيناتنا لان احنه من نخطب نسوي عقد وبالمقابلات القبل كالولي انته منتزوج ما كالولي انتة خاطب
رح يقتنعون؟؟؟؟؟ (المشكلة مكتوب عقد زواج)

واذا مشيتها وما متزوج وخلص رح فعالا يعرفون هالشي من الاردن؟؟؟؟

 دوخه مو؟؟
 

[ام عبداللة العراقية]

اخويه المحترم شلونك ان شاءالله بخير
والله الصراحه هي مال دوخه دوخه بس اكيد اله حل وان شاءالله الله ما يتخله عنك
اول شي العقد ما بي اي مشكله اذا كلتلهم اني خاطب وبل العقد مكتوب عقد زواج
يعني شي اكيد لازم ينكتب عقد زواج (همه مو غشمه)
بس المشكله همه ينجنون ولا واحد يكذب عليهم (مع احترامي الك)
نصيحتي الك صير صريح وياهم وقوللهم الحقيقه لانه بلاول والاخير راح يعرفون
اتمنالك الموفقيه وتسهيل الامور
وان شاءالله نسمع عنك كل الاخبار الحلوه

[راهب الحب]

حبيبي الغالي المهندس عمــّار :::
بكل الأحـوال لازم تُعرف شغلة كُلش مهمـّة ولو فرضنـا إنته قنعـّتهم ورحت بلا زوجتك وسافرت ومشى الحال ..
يعني زوجتك ما تريد تنحرم من أخر سنة دراسية لكـــن ؟؟؟
هل فكـّرت بعد شگد راح توصلك لأمريكـا ؟؟؟؟
إنته تدري إنهُ لـّمْ الشمٍـل ما يصير إلا يكون عندك جنسية يعني بعد خمس سنين ؟
وتگدر بعد الگرين كارد تسوي معاملة لم الشمل وهذا الحجي يأخذ مو أقل من 3 سنين يعني من تجي تحسب سنة وحدة گرين كارد و 3 سنين وشوية يلله يقبلون ومعاملة لـّم الشمٍل تأخذلها فد سنة وهذا المعروف للكل يعني الشغلة طلعت يـــَك حســـاب ؟؟؟
فأتمنى أن تعيد حساباتك من جديد وضيف مرتك وياك وإتأخر كم شهر أحسن من أن تنحرم منها كل هاي السنين وبالأول والأخير هذا القرار راجع إلك لوحدك وآني آسف إذا جان كلامي يهبط المعنويات بس هاي القوانين وتگدر تتأكد بنفسك ....
تمنياتي إلك بالتوفيق والإستقرار ودُمــت بألف الف خيـــر ..... †






                    أخــوكــُم / وسـام بهنـام داؤد الخابـــوري

[john simon]

عزيزي المهندس عمار
تحية طيبة وبعد,
اني من رائي انتو تمشون بالمعاملة مالتكم على اساس متزوجين او اتصور مو باجر راح يحددون الكم السفر او انشاء الله بعد سنة لو سنتيو اتحدد الموعد السفر مالتكم فانه زوجتك خلصة دراستها الجامعية او تأخذ الشهادة بالانكليزي لاجل معادلتها اهناك, او اذا الله نطى او حددولكم موعد السفر قبل ماتنهي دراسستها الجامعية ممكن تأخذ ششهادة من الجامعة مالتها او اتصدقها او من توصل اهناك خليي اتعادلها او اتكمل الدراسة الجامعية مالتها او النتيجة اتكون افضل العفو اذا كنت ابهذا الاقتراح ازحجت الاخت زوجتك بس هذا المتبع عدنا اب المانيا وشكرا.
اخيك
جوسي البغدادي اكاديمي

[عكعك التطوى]

اخويه eng_ammar انته بالبدايه لازم تحدد شنو تريد بسوؤالك
اذا كنت تريد تسافر وبعدين تسوي لم شمل لزوجتك فالعمليه مثل ما كلولك الاخوان تاخذ وقت ليس بالقليل ولازم تسوي عقد زواج بتاريخ جديد بعد ان ترجع لعمان او اي مكان اخر لاتمام الزواج والاوراق
على اعتبار انك غير متزوج لان اذا عرفوا بيك متزوج قد يسقط حقك باللجوء او تنحرم زوجتك من لم الشمل

اما اذا كنت تريد تنتظر زوجتك على ما تخلص دراسه وتسافرون سوا فافضل حل برأي هو تبلغ المنظمه بانك تريد تتزوج وتظيف زوجتك على المعامله وتقدملهم نفس العقد على اعتبار بانك كاطع مهر وبحكم عاداتنا وتقاليدنا بالعراق لاتعتبر هذه العمليه زواج وبهاي الحاله راح تنعاد مقابلاتك مع زوجتك وتستفاد من هذا التاخير لحين اكمال زوجتك دراستها وممكن تسوي عقد زواج جديد من العراق عن طريق عمل وكاله منك لشخص قريبك وشخص قريب زوجتك من جنابها

تحياتي

[echo 9]

اخي العزيز
انا طبعا ما اكدر افيدك بهالموضوع بس حبيت ادعي لك دعاء انه ربنا يسهل امرك ويهدي سرك وادليك على مفتاح هاي المشاكل لان انا قبلك تعرضت لهاي المشكلة بس ببداية المشوار والموضوع كان نفس موضوع بس من غير مقابلات ولا محلفين
انا اكول لك انه ما يفيدك بهالموضوع غير الاخ ابو اندرو الاخت انجي والاخ ابو عبدالله التكساسي وحبيبنا كل احنا النشيط جدا بلا حسد ريفولفر اسمع كلامهم وتوصياتهم وان شاء الله ربنا يسهل لك
تمنيت اكدر اساعد بس مابيدي حيلة انا رايد اللي يساعدنا واخاف اسوي روحي خبير وانطيك راي النوب تضيع واكون انا السبب
اخوك
Echo 9