استفسار عن الشهادة الدراسية ... نرجو من الاعضاء الرأي

[Safaa Alkhrkhy]

قبل فترة سألني صديقي وهو مقدم على الIOM مثلي ومن المحتمل ان يسافر بعد فترة قليلة انه خريج الدراسة الاعدادية فيفكر بأن يأخذ شهادته مترجمة معه الى امريكا وعندما راجع الاعداية المتخرج منها اخبروه بأنهم لايستطيعون تزويده بوثيقة بالدرجات الا بناءا على طلب من جهة رسمية كأن تكون دائرة حكومية او كلية وكل الذي يستطيعون ان يعطوه هو (تأييد تخرج) يثبت انه خريج اعدادية ... صديقي هذا تفاجأ ايضا انه نفس الشيء قد حصل مع زوجته عندما راجعت الكلية المتخرجة منها في بغداد لغرض الحصول على وثيقة تخرج بالدرجات وكذلك اطفاله في الدراسة الابتدائية ... فما العمل هل ان التاييد وحده يكفي اذا ماقام بترجمته من مكتب ترجمة ام لابد من الوثيقة بالدرجات وكيف  الحصول عليها هنا في العراق؟؟؟؟؟؟؟؟؟؟؟؟؟؟ افيدونا يرحمكم الله

[عكعك التطوى]

اخويه العزيز ابو الصوف قبل فتره كنت اتحدث ويه شخص بخصوص شغله معينه ونصحته با ن يجلب وثيقه السادس ويا المهم وصل الولد وما جايب الوثيقه من سالته كال مينطوها الا اذا تكون مطوع على الجيش او الشرطه ومثل متفضلت ينطون تاييد فقط وبصراحه تفاجئت من هذا الموضوع الغير عادل ولكن نوايا معروفه

فاخويه والواحد يطلع التاييد وامره ل لله ما باليد حيله وهذه احد مظاهر الديمقراطيه والحريه

تحياتي

[hussein5582]

اخويه اني قبل 3 اشهر ,, ام زوجتي سوتلي شهادة الاعداديه
راحة للاعداديه المركزيه واخذ صوره من الشهاده مالتي و الدرجات و بعده راحت لمكز بوزارة التربيه للترجمه وهو خاص عدهم لهيج سوالف كانت نص الصفه بالطول العربي وكدامه الانكليزي وطولت اسبوعين و انطوهيها مصدقه من الخارجيه
ما اعرف هذا يمكن تصرف شخصي من اداره المدرسه

[ابو عبد الله التكساسي]

اخي التاييد كافي وزياده
بس تره وراهمامتحان معادله الحصص والدروس الي ماخذيهه

[معضلة الكهرباء]

تحياتي  الى الجميع ولكن ماذا يفعل احدكم اذا كان مثل حالتي  فان مدرستي الاعدادية التي تخرجت منها الغيت تماما واصبحت دور  ( للحواسم)  هههههههه  و الله مو شقة وماكو لا ادارة ولا فايل  ولا هم يحزنون وحتة الحديقة هم بنو بيهة بيوت  وصارت اكبر مجمع للحواسم
 فشدكولون  اسوي  وحدة  تقليد  لو  ادز عليهة  من الصين   

مع فائق احترامي  لكم جميعا   اخوكم  معضلة الكهرباء

[roziraq]

تحياتي للجميع
اخي اول مره تروح لمديريته التربيه الي انته تابع الها كرخ لو رصافه لو باي محافظه جانت تدخل بالاستعلامات او من ابو الاستنساخ تقدم طلب وثيقه لغرض الترجمه والتصديق هيج يكون تكلهم مال دراسات خارج العراق يعني لا اريد هجره وغير شي راح يسون طلب يدوز على مدير الامتحانات العامه هو يوقع يحولك على المدرسه تاخذ الطلب وتروح للمدرسه وياك صورتين راح المدرسه تنطيك وثيقه طبعا اخر وثيقه انته طالع بيها من الاعداديه هم ترجع للتربيه يسولك واحد ويكملوه يخلوا بضرف ويدوز مركز التصديقات طبعا اني برمضان سويتها جان المركز باب المعظم ويه مديرة الدراسات الاهليه والمسائيه يعني بالشارع مال كليه التمريض وتطلع بي كبل راح تلكي البنايه واذا ما اندليتها بس تسئل يدلوك لان بنايه معروفه وقديمه طعا المكان كالوا مؤقت بعد ما ادري بعدهم هناك لو انقلوا ما ادري لكن على العموم اني انطيتك الخطوات بالتفصيل وره اسبوعين ينطوك موعد تستلمها تروح للخارجيه بنفس اليوم يصدقوها الك واتمنى اكون كدرت افيدك

[ريم عبد]

اخي صفاء
مثل مشرح الاخ roziraq بالضبط اني طلعت شهادات اعداديه لكل جماعتي والي ايضا عدا شهادات الكليه
وهيه بس تاخذ اللطلب من كاتب العرايض ادكله مال دراسات بالخارج هوه عنده فورمه
اذا بتربية الكرخ يم ساحة الطلايع بالجعيفر  واذا بالرصافه يم نادي التركمان واذا ثانوية صناعه بالاسكان يم كلية المامون
وايدزوك للمدرسه ايخلولك بيها الدرجات وتاخذها باليد اترجعها للتربيه وايايدولك عليها وتاخذها باليد للتصديقات
الي صايره يم اكاديمية الفنون الجميله مقابيل جريدة الثوره سابقا تدفع رسم 15 الف وتنتضر 3 ايام وترجع تاخذها
بس ملاحظه اكتبلهم الاسم مثل الجواز وخلي بيه اللقب لان همه اذا تنطيهم صورة الجواز ميخلولك لقب
واللقب ضروري باميركا
وتاخذها مكتوبه الدرجات بالعربي والانكليزي اتصدقها بالخارجيه ينطوكياها بنفس اليوم
يعني اذا تتفرغلها اسبوع تخلص اذا ماكو عراقيل

[الناسك]

مثل ما تفضل الاخ صحيح
بس اعتقد مال تتطلب تصديق من الخارجية
وبعد ما ادري ... وا تحتاج تصديق الخارجية العراقية . ارجو التصحيح
الناسك