سؤال عن منظمة Lutheran في اريزونا و ايجار لشقة لمدة شهر واحد لا غير

[mandooo]

السلام عليكم
انا جيت لاريزونا عن طريق اليو ان استقبلتني هنا منظمة اللوثرن يوم 20-10 بس شنو كالو انت اجرنالك الشقة بس شهر واحد و عندك الفود ستامبس نطيلك  165 دولار بالشهر فلوس و 200 دولار للاكل و كالو هاي ال 165 دولار تستعملها للايجار علما ان ال ايجار هنا هو 400 دولار بالشهر
اريد اعرف اكو طريقة اكدر احصل ايجار اكثر من شهر لو خلص ارضا بالنصيب  و شكراا

[ابو عبد الله التكساسي]

اخي \اختي ما مبين من الاسم

بس تره ماكو هيج شي
لازم يخلوك على برنامج مساعدات معين لو ماجنت كرانت او الا ار سي اي
واثنيناتهم ايدفعولك ايجار اربه اشهر قابله للتجديد في حاله ما عندك عمل
بس ياريت اتوضحلي حالتك شويه واني اعلمك شتسوي
اعزب لو ياك عائله
يا برنامج انت داخل لامريكا
واسم المنضمه مالتك بالكامل

اخوكم ابو عبد الله التكساسي

[volca]

اخي العزيز ابو عبد الله
الحجي الي حجاه الاخ ماندو صحيح
هنا باريزونا اكو مشروعين الاول ماج كراند والثاني الحكومي
وهوه مخليه ع الحكومي لان الحكومي ينطيه كاش اسستن 164 دولار للشخص البالغ بالضافه الى الفود ستام
هنا اذا ميحصل الماج كراند ايدفعوله شهر واحد ويكولوه الحك ربعك
welcome to Arizona

تحياتي

[ابو عبد الله التكساسي]

ادري الحكومي المساعدات مالته تستمر يمكن الى خمس سنوات
هذا اذا دتقصد الوول فير
اما اذا اكو غير برنامج فالكم الله يالعراقيين
عموما ممكن يقدم عالماجنت كرانت اذا عنده طفل قاصر

[volca]

والله اخي الي اعرفه الكاش هنا يستمر بس 8 اشهر بس الفود ستام والمديكيت يستمر
اما مشكله الماج كراند ع اساس ايكولون هيه حصص يعني الي يجي وميلكه حصه موجوده ايحولوه ع الحكومي
والله الي ايسهل ع الجميع انشاء الله

تحياتي

[ابو عبد الله التكساسي]

صدك تحجي
عمي واحد يروح منكم للمنضمه ويفتهم السالف زين شنو الموضوع
ادري فولكا الله يخليك هيه ركي وديوزعون حصص
عمي شوفوا شنو السالفه هاي منحه فيدراليه من الستيت ديبارتمنت مو مال ابو احد ويجيهم اشكد ما يقبلون لاجئيين
والله ضوجتني علمود الولد
والله خطيه

[volca]

والله ياخويه ما ادري شكلك
تره مو بس هوه هوايه هم مثله اعرف
ياما ايكولولهم ماكو حاليا ماج كراند او ايسوون لعبه عليهم ايكولولهم تشتغلون كلشي ويكولوهم اكو شغله تنضيف و ع اساس دورات فالعالم تخترع ويحولوهم ع الحكومي
المنظمات هنا يمنه لعبان نفس والله
الله ايساعد العالم الي بعدهم ويه المنظمه

[ابو عبد الله التكساسي]

يعني الغلط من العالم الي ما تطالب بحقوقه مو من هذولي الي يقشمروهم
هسه افتهمت
تسلم عالتوضيح

[صادق الحلاق]

شلونك اخوي
كلي حضرتك اذا بفينكس ما اكدر اساعدك
واذا بتوسان اني حاضر اخذك بسيارتي عاللوثرن يوم الثلاثاء
او الاربعاء واخليك اتقابل المديره او الكيس منجر مالتي او مقدسه هاي اسم البنيه اليوغسلافيه المسؤله عن برنامج الماجك كرانت ونفتهم منهم شنو حقوقك
وهذا رقم تلفوني 5203362716
واني بالخدمه
اخوك صادق الحلاق

[ابو عبد الله التكساسي]

الله يكثر من امثالك يا ورده
صادق الحلاق انت تاج عالراس عيوني
والله زلمه وابن ابوك ,, الله يوفقك يارب

[mandooo]

شكراا شباب على اجاباتكم الحلوه و شكرااا خ صادق لا اني ساكن بفنكس ساكاتسدل حاليا يلا ان شاء الله خير شميكون احسن من الدول العربية ال ما شفنا من عدهم لا فلس ولا كلمه حلوه ولا ابتسامة الحمدالله ع كل شي و تسلمولي

[volca]

اخي العزيز
انته واصل يوم 20\10 يعني عندك حق اطالبهم بسالفه الماج كراند لان انته ممكمل شهر
بس سولفلي انته شوداك لسكازديل لان المنظمات متكعد احد هناك لان الايجار غالي
بس الظاهر والله اعلم انته بنظرهم ممطابق شروط الماج كراند و حولوك ع الحكومي
لان شروط الماج كراند للاعزب ان ايكون وياه رووم ميت و اليجار ميتجاوز ال 600 $ اتوقع
بس اذا انته ماجر بسكازديل انسه ايخلوك ع الماج كراند

اذا اتحب  انطيك تلفوني واي شي تحتاج اني حاظر

تحياتي

[mandooo]

شكراااا vOLKA على السؤال
اني المنظمه اجرولي من يوم 20-10 الى يوم 20-11 يكلاندل ويايه روميت عراقي بس لان بيت خالي كاعدين بسكاتسديل و سكاتسدل تبعد خمسه و اربعين دقيقة عن كلاندل جيت كعدت ت خالي
بالنسبه للماج كراند حجيت ويه الموظفة جمانة كلتلي انت من جيت الماج كراند عدنا خلصان و عدنا بس البرنامج الثاني و كالت هذا البرنامج احسن لان هذاكا اذا تصير عليه اي شغله يجيبولك ياها لازم تشتغلها و من هل حجي .. و ذات از ات

[George W. Bush]

اخي بالنسبة لولاية ميزوري حاليا الي يجي مينطوه ماج كرانت رأسا يحولوه على الحكومي على اساس ميزانية ماكو او شي من هالخريط بس هي لعبة من المنظمة يخمطولهم بيها كم فلس

عموما كل العوائل الي جتي حاليا لولاية ميزوري مدينة كنساس ستي ما الهم ماج كرانت
و اكرر عوائل و عزاب كلهم نفس الشي
 فأعتقد بأريزونا هم هالشكل صارت