السلام عليكم ريفولفر اخوية العزيز ابو اندرو ( فزعتكم للاخ اكرم . لا تعوفوه محتار )

[echo 9]

السلام عليكم جميعا
اخوان رحمات لوالديكم الحكوا اخوكم اكرم لان الرجال عنده مشكلة وانا والله مثل ما تعرفون ما كادر احل مشاكلي لولاكم . الرجال ارسل ثلاث مواضيع يستجير بكم تكفون افزعوا له
اخر رسالة منه للاخ شوقي شمران يطلب فزعته وباين انه الاخ شوقي غير متصل الليلة
يمعودين غيرتكم خلكم ويا اكرم لما يقتنع بجواب منكم الله يرضى عليكم
والله لو اعرف اجاوبه كان جاوبته بس العين بصيرة والايد كصيرة
ريفو حبيبي واخوية فزعاتك للرجال ينتظر جواب
انا متابع
اخوكم
Echo 9

[ابو عبد الله التكساسي]

وصلت عمي
موجود وبالخدمه

[echo 9]

شكرا اخوية العزيز شوقي
ربي يبارك بيك
اكرم باخر رسالة منه طلب فزعتك بالاسم
على العموم انت كريم واكرم يستاهل
شكرا على ردك
Echo 9

[ابو عبد الله التكساسي]

لا تخاف عمي احنه مثل الصيطرات مال بغداد محد يخلص من عدنه
بس اني جنت دا اصلي والولد كتب الموضوع
الحمد لله وصلت الاخبار هسه


تحياتي الك يا ابو الغيره

[echo 9]

السلام عليكم اخوية شوقي
اولا تقبل الله طاعاتكم واعمالكم ان شاء الله تعالى
الله يديم عليكم نعمته ويكملها بالصحة والعافية
ويا محلاها من سيطرات سيطراتكم عمي سيطرات تنطي ما تاخذ
ربي يحفظك ويرعاك
Echo 9

[ابو عبد الله التكساسي]

رحمالله والديك
بس انت شعندك كاعد ليهسه مو الوقت متاخر يمكم
احنه بالنسبه النه دنيا مغرب والعالم توهه اجتي من الشغل

[echo 9]

والله عمي شوقي ما جايني نوم كلت خل اجرها للصبح مادام الجهال نايمين اخذ فرصتي بالنت شوية لان من الصبح هم مجلبين بيه ومعارك وياهم الله وكيلك خو ماكو بالليل يادوب اخذ لي ساعة منهم
وسلامتك ياعمي