الاخ انشتاين العراقي ممكن سؤال

[ام يحيى]

السلام عليكم
بعد التحية والسلام للجميع     ممكن أخي سؤال ولو دوختكم باسئلتي
اني حسب ماقريت من ردودك انه انته مقيم سنوي في الاردن السؤال هو
احنا ايضا عنده اقامة سنوية من 2006 في الاردن هل يؤثر في التوطين
السؤال الثاني     اللي عرفته انته متحول لكندا عندك اقارب هناك من الدرجة الاولى لو لا
السؤال الاخير      هل صحيح اذا واحد رايح للعراق في هذه الفترة يؤثر على ملفه من خلال كلام الناس يكولون اذا قابلتوا سفارة او  iom لازم واحد ميسافر بعد
اخي ادري طولتها عليك بس تدري هذا المنتدى خير سند للحايرين مثلي
والاعضاء ايضا اخوة اعزاء للكل    اسفة مرة ثانية على الازعاج ولك مني الف شكر وتقدير

[اينشتاين العراقي]

هلا بيج عيني اختي ام يحيى
وعيني لا تكولين هيج اسالي وميهمج وانشالله اي سؤال اني اعرفه اجاوبج
اولا بالنسبهه للأقامه السنويه متأثر عادة على التوطين بس ممكن اذاوضعج مهدد بالاردن يسرعون عمليه التوطين مو اكثر بس اني مثلا حولو ملفي للسفاره الكنديه بعد 7 اشهر بالضبط من التقديم واني مقيم سنوي
بس الي اعرفه انو ميصير يكون عندج اقامه دائميه مدكوكه بجوازج بدوله ثالثه يعني غير العراق والاردن
اما بالنسبه لأقارب الدرجه الاولى بكندا فلا اختي ما عدنا اني حولو ملفي بعد ان سالوني تروح لامريكا كنالهم لا منروح لان نعرف عدنا جان كيس قوي ولازم يطلعونا فما انصح الي ما عنده كيس قوي يرفض امريكا مثلي لان اني عندي بالكيس شهاده وفاه ابوه الله يرحمه ومكتوب بيه اثر عمل ارهابي
والله يا اختي اضن انو يأثر من تاريخ التقديم على اليو ان لان احنا عدنا بالسفاره كلش دققو على مسألت السفره للعراق ولو هيه جانت قبل وقت التقديم لليو ان وحتى قبل وقت وفاة ابويه المرحوم
واي استفسار اختي العزيزه اني حاضر ولتستحين مني كلنه هنا انشالله اخوان




اخوج اينشتاين

[ام يحيى]

السلام عليكم
اخوية العزيز اشكرك الف شكر والله يسهل امرك وتسافر باقرب وقت ان شاء الله والف رحمة تنزل على روح والدك وان شاء الله مثواه الجنة
اخوية ما عرفت شنو يعني كيس قوي (يعني اسباب قوية )اني ابني الصغير معوق ومريض يعني ممكن هذا يؤثر اشوية لان سمعت كندا تاخذ حالات انسانية
وبالاخير انكول الخير فيما اختاره الله ويارب الموفقية وراحة البال للكل
ومرة ثانية اشكرك اخوية العزبز والله يفتح بوجهك ان شاء الله

[اينشتاين العراقي]

تسلمين اختي ام يحيى على الكلام الحلو
 وماكو داعي للشكر لان احنه واجبنا نساعد بعضنا
وبالنسبه لكيس القوي اقصدبي انو قصتنا قويه وحقيقيه وعن كل حادثه عدنا مستمسكات مصدقه وتؤيد كلامنه علمود هيج جنا مطمنين انو اليو ان لازم يطلعونه باسرع وقت لان رجوعنه للعراق بي نهايه لحياتنه
وبما انو الملف مالتنا قوي فرفضنا امريكا واحنه مطمنين
واي استفسار اخر اني حاضر




اخوج اينشتاين