سؤال مستعجل جدا اخواني من فضلكم

[عسولة2]

مساء الخير اخواتي واخواني الاعزاء
عندي سؤال مستعجل من فضلكم وخصوصا للاخوه الموجودين في الولايات المتحده ... سؤالي هو هل ممكن عدم الذهاب للسكن الذي تحدده المنظمه نهائي والطلب من موظفي المنظمه من المطار الذهاب الى عنوان اخر.... وهل في هذه الحاله يتم الحرمان من باقي الحقوق اي من الفود ستامب والضمان الصحي؟؟؟؟
ارجو ردكم بسرعه
وللجميع كل التوفيق

[أبو قمر]

اخوي العزيز ..
هنا بلد حرية وين متروح روح بس لازم تنطيهم عنوانك الجديد .. بس راح تخسر الاجار الي يدفعولك اياه بالمكان الي استئجروه الك .. يعني راح يخصمون الاجار من مساعداتك ...وماكو شي اسمه حرمان هنا ..

اخوك ابو قمر

[عسولة2]

اخويه ابو قمر شكرا للرد السريع
بس حبيت اسالك ماكو امكانية انه المنظمه تدفع جزء من الايجار اذا كان اعلى من الحد الي مقرريه للايجار؟

[أبو قمر]

اذا حضرتك سنكل فالبرنامج الي هنا بتكساس اسمه ار اس اي , هذا البرنامج ينطيك نقد وانت تدفع الايجار بس احيانا يحطون اكثر من سنكل بشقة وحده ... كلشي يعتمد عالولاية والبرنامج الي انت عليه ...


شكرا

[عسولة2]

لا اخي ابو قمر السؤال لعائله ... يعني اذا من المطار طلبوا انه يذهبون الى عنوان اخر غير العنوان الي محددته المنظمه ماكو اي اشكال؟؟؟ علما انه الولايه تكساس مدينة فورت وورث

[أبو قمر]

تعرفين شسمها المنظمة ؟؟؟ RSA  كاثوليك لو وردليف ؟؟؟
انتم ترحون للبيت الجديد وثاني يوم من يطلبون منكم توقيع عقد الايجار لا توقعوه وهذا الشي عادي جدا وهواية عراقيين سووه ... الايجارات بفورت وورث حسب المنطقة وعدد الغرف يعني هنا منطقتنا جيدة 455 غرفة وحدة والغرفتين حوالي 600 والثلاث غرف خدود 800 , المناطق الي اتئجر بيها المنظمة تكون ارخص بكثير ...

[عسولة2]

المنظمه هيه وردليف
اخي ابو قمر اني سؤالي انه ميريدون يوصلون المنطقه لان حسب مسمعوا انه البيوت بمنطقه تنتشر فيها عصابات المافيا والمخدرات والامان فيها مفقود ....

[أبو قمر]

مع احترامي الي وصللكم الحجي كذااااااااااااب , لان هذا صار وياي اول موصلت وهم حجولي هيج .. وطلع كله جذب وتفيط .. ممكن المنطقة بيها سود ومكسيكان بس مشاكلهم بينهم .. بعدين الشرطة هنا مسيطرة ...
وعلى العموم اني اتصور اليوم الواحد مراح يظركم ..

تحياتي

[عسولة2]

اخي ابو قمر شكرا جزيلا على ردك السريع.... المشكله ياخي الكريم انه صاحبات المشكله بنتين لحالهم..يعني مبيت ليله واحد في منطقه خطره جايز يكون مشكله بالنسبة لهم.. فلهذا هم يريدون الذهاب بجوار اقاربهم ..فهل ممكن ان يسكنوا في دلاس ؟؟؟ وهل تصلهم المنظمه اذا سكنوا هناك؟؟؟ او هل ممكن السكن في فورت وورث لكن بمنطقه اخرى حيث هم يرغبون في تامين سكنهم قبل السفر
لك كل الشكر والتقدير