عندي استفسار واختكم طالبة المساعده

[احلى البنات]

السلام عليكم

ارجو من كل اعضاء هل منتدى الي يقرى رسالتي ان يساعدني

اني طلعلي توطين لمريكا واجالي رفض بشهر السابع وبعد 4 اشهر تقريبا اتصلو بيه مكتب اليون وكالولي عدكم توطين

بس حاب اسئل واستفسر من اصحاب الخبرة والي فايتين بهيج موقف


اني مقدمه هجرة على كندا عن طريق الكنيسة وهسه اني بعدني ممسوية مقابلة توطين اذا كالولي توطينج لكندا راح ياثر لان مقدمه معاملة هجرة

اني سمعت انو شخص طالعه توطين لكندا وهو مقدم معاملة هجرة همين بثناء المقابلة كايليلة انته مقدم على كندا كلهم اي  بس مطالع شيء كالولة لعد انتضر اوراقك وراح علية التوطين بل يوان


اني حايرة هسه شسوي شتنصحون اختكم

والكم جزيل شكر

[الفريدو]

اختي العزيزه طبعا اذا انتي في الاردن راح افهمك بعض المعلومات الي اعرفها
 انتي اذا عندك احد في كندا ومن الدرجه الاولى بلغي المفوضيه وراح يحولوج الى كندا وهذا شي اكيد
واما اذا انتي مقدمه على الهجره عن طريق الكنيسه و واصله مرحله متقدمه فنصيحتي تبقين عن طريق الكنيسه .. والاختيار الك اما الاول او الثاني ولا يمكن دمج الاثنين معا
وخلي في بالك اذا انقبلتي على كندا عن طريق المفوضيه فحسبي حسابك مو اقل من سنه راح يكون موعد السفر فانتي قيسي الخيارين والله كريم

والخيار لك انتي ....



اخوك : الفريدو

[alprince1980]

مساء الخير
اختي العزيزة انا نفس الحالة صارت معاي
انا عندي قبول على استراليا وحاليا دانتظر الوفد واتصلوا بي قبل فترة من اليو ان وقلولي عندك توطين وظليت محتار اذا اقلم او ما اقلم
وبعد مشاورات ونصائح كثير نصحوني اذا هما سئلوني بالمقابلة فاقلم

والي صار من دخلة اول سؤال سئلتي قالت انت عندك قبول على اي دولة او انت مقدم على فد دولة

فانا طبعا كبل قلتلها عندي قبول على استراليا
فهي قالت راح انوقف اسع المقابلة وننتظر اش يصير وياك وعطتني فد ورقة ادخل بيها حتى اعلمها باي شي يصير بالمعاملة
اختي حسب ما اعتقد انو هما يعرفون كلشي لان اي سفارة او اي تقديم لاي سفارة كبل اليو ان حتعرف لان السفارة تبلغهم

تحياتي الك واتمنى كلامي ايفيدك
واذا احتجتي غير سؤال انا بالخدمة
اخوك al.prince

[راهب الحب]

عزيزتي أحلى البنــات ::: أني ما مريت بنفس الموقف لأنهُ إنقبلنا لأمريكـا ودننتظر التجييك الامني لكن راح اگولج إللي متأكد منــهُ ...
أنتي لا تحجين شيء على الكفالة الكنسية وتوطينج إذا صار  لكندا عن طريق اليو إن أفضل وأحسن بـ 1000 % والسبب الأول إنه عن طريق اليو إن من اول يوم تدخلين لكندا راح تستوفين كافة حقوقج كلاجئة وكندا معروفة عنها بالحقوق الجيدة يعني ما راح تخسرين شيء إذا گلتي ما مقدمّة على كندا في حال تم توطينج إلى كنــدا ..
ومثل ما تعرفين إنه الكفالة الكنسية او الكفالة الخُماسية أول سنة تكونين على حسابج ومحرومة من أي حقوق وراح تشملج الحقوق بعد سنة لكن إذا رحتي توطين عن طريق الامم المتحّدة أفضلج وأحسنلج وهذا رأيي وتگدرين تستشيرين وتسألين وبالنتيجة القرار راجع إلج ...
تمنياتي إلج بالتوفيق والإستقرار ودُمــتِ بألف الـف خيـــر ... †







                                    أخــوكــُم / وسـام بهنـام داؤد الخابـــوري
                                              دمشــق / سوريــا

[متفائل جداً]

الاخت العزيزة احلى البنات

اني ايد كلام الخ راهب الحب اذا سالوج بل مقابل عندج معاملة او قبول كولي لا

لان اليوان احسن من الهجرة اليون بيها حقوق اكثر واقامتج تكون دائميا

ومن ناحيه الشغل ايضا اليون احسن لان من تروحين لدولة همه يشوفلكم شغل بينما اذا هجرة لازم معارفج

ربي يوفقج انشاء الله

اخوج متفائل جداً

[tiger-ALtlkefy]

الاخت احلى البنات
اذا طلع توطينج مثل ما تفضلتي على كندا وانت مقدمة على معاملة هجرة او كفالة كنسية لكندا  وما بلغتيهم  راح تاثر عليج لان بكل الاحوال راح تعرف السفارة الكندية كل وضعيتج من راح ترسل اسمك الى الامكريشن بكندا  فاذا قابلتي وما بلغتيهم مثل ما تفضل بعض الاخوة هنا راح تحطين نقطة مو حلوة بحقج وممكن ترنفضين لعدم مصداقيتج وياهم اما ان ان كان توطين لبلد ثاني فما ياثر  مثل ما حصل مع الاخ راهب الحب فهو كان على بلد ثاني  ومن انقبل توطين كانت امريكا

تحياتي

[الفريدو]

اختي العزيزه انا اوؤيد كلام اخونه تايكر

لان اسمك راح يبين عدهم وراح تدفعين الثمن انتي ومثل ماكلتلك اذا انقبلتي على كندا فابقي على المفوضيه احسن لان عندك حقوق احسن ..... والخيار لكي







اخوك : الفريدو