الى العوائل العراقيه بالاردن

[الضايع]

اخواتي واخواتي مساء الخير
اليوم زوجتي راحت الى منظمة كير اللي كدام الاستقلال مول واخذت وياها تأييد طالب لاولادي ونطتها للمنظمه كاللولها خلي نتأكد انه ماماخذه مساعدات قبل وبعد عشر دقايق كالولها اتفضلي للمخزن ونطوها لكل طالب جنطة العاب وبيها قاموس اكسفورد وكرة قدم وقصة تولين وبيها بنطلون رياضه وسويتر وكفوف صوف وكليته ولفحه والوان باستيل وماجك
للعلم اخواني زوجتي راحت على تسجيل عادي ولحكتهه مره عراقيه اصيله متعرفها وكلتلها على الاطفال
فحبيت اكللكم حتى اللي يحب ايروح باجر وانشاء الله بنفس الساعه ينطوه

[صابرين]

شكرا على المعلومة وان شاء الله جماعة عمان يستفادون

صابرين

[نهاد احمد]

الف الف شكر على هاي المعلومه
وان شاء الله الكل تستفاد
وبارك الله بيك
والموفقيه للجميع

نهاد -- ابو علي

[الفريدو]

اخويه الضايع تسلم على هاي المعلومه

بس شلون ضايع وتاخذ مساعدات ؟؟ هاي لوما ضايع جان شسويت 

الف عافيه اخويه وتستاهل كل خير





اخوك : الفريدو

[ام فائز]

اخواتي
ارجو اعلامي كيف يكون التسجيل على المنظمه علما انو اني ما عندي اطفال بس اريد تسجيل عادي

[الضايع]

اختي ام فائز مرحبا وحياج الله
اختي الكريمه اتروحين للمكان اللي كلت عليه بس تاخذين وياج ورقة اليو ان وتكلليلهم اني ماماخذه مساعدات منكم وبس

[الضايع]

اخويه الفريدو الف تحيه اولا والله مادور علمساعدات بس ربك ايسر الناس الطيبه مثلك ايكلونه على بعض الشغلات وثانيا الاسم اختاريته بلحظة يأس وهذا ضعف مني واني بشر وراح اغير الاسم واسمي نفسي المتفائل رغم انو اني من جماعة الحمايه اللي نايمه عليهم الطابوكه فشنو رأيك؟

[الفريدو]

اخويه العزيز والله جنت امزح وياك لان كل سوالفنه هم وغم وانتظار موعد السفر

فحبيت الطف الجو لان والله ملت روحنا وعلى العموم انته اخ عزيز وياربي تنشال عنك الطابوكه وتفرحنا بيوم سفرك والله يرزقك ويفتحها بوجهك بعونه تعالى






اخوك : الفريدو

[alprince1980]

يعطيك العافيه على نقل الخبر وانشالله الكل يستفاد

[اينشتاين العراقي]

تسلم اخويه الضايع
وطبعا من خلال ردودك يمكن اني اعرفك
او بالاحرى اعرف واحد يعرفك ههههههههههههه
لغز مو بله؟؟
هههههههههههه





شكرا اخويه وانشالله الجماعه هنا يستفادون من هالنصيحه
واحيي بيك مشاعرك الجميله تجاه العراقيين اخوانك
وتقبل تحياتي


اخوك اينشتاين

[الضايع]

والله اخويه انشتاين اني اتشرف بيك وبكل عرافي مثقف ومحترم

[ام فائز]

شكرا اخونا الضايع وان شاء الله  ربي يوفقك

[emadmrr]

الف الف شكر على هاي المعلومه وان شاء الله الكل تستفاد وبارك الله بيك بالعرقين الشرفاء

اخوك عماد الشمري

[الضايع]

اخواني واخواتي الطيبين اشكركم على الردود الطيبه ودعائكم اكبر هديه الي واني بخدمة الطيبين