رد من الاس اي في ارجو منكم المساعدة

[echo 9]

السلام عليكم اخواني واخواتي الاعزاء
مساكم الله بالخير جميعا وان شاء الله تكونون بخير حال
وصلني اليوم رد من الاس اي في يكولون بيه اكو نقص بالمعلومات الخاصة بالفورم DS-157 ويريدون مني اكمالهه كما هو نص رسالتهم ادناه
انا كاتب لهم كل شي بس الظاهر اخوكم مو هالكد ارجو منكم مساعدتي لان مطلوب انه ارسل لهم الفورم كامل ودمتم سالمين وذخر دوم
Echo 9

[echo 9]

انا اسف اخواني نسيت اسوي كوبي وبست للرد مالتهم
هاي نتائج العجلة
We have reviewed your application and request that the following documents be submitted as they were either missing or incomplete:

 

While reviewing the form DS-157 submitted, we note that the applicant has either not completed or provided incomplete information to the following questions #10,13,15,17. 

 

You must answer each question completely and NOT skip any questions.  Questions that are “Not Applicable” should be so marked.  Questions 9, 10, 12 and 13 should NOT be marked as “Not Applicable”.  You should either provide an answer to those questions or mark them as “None”.  Please note that questions 12, 15 and 17 need to have beginning and ending dates.
اخوكم
Echo 9

[Abo Andrew]

انشاء الله يجي ريفولفر وايساعدك بهل موضوع

وبالمناسبة من ادزهة من جديد كلهم على شغلة زوج بنتك مرة لخ

تحياتي

[echo 9]

شكرا اخي ابا اندرو
والله يخللي النا ريفولفر ايضا

[ريم عبد]

اخي ايكو9
عندك بعض الحقول الي ممجاوبها وتاركها فرغه؟؟
لان ديكلك لتترك اي حقل بدون تاشير حتى الي مابيه جواب تكتب نان
وهاي الحقول الذكوره ديريد بيها التاريخين مالت البدأ والانتهاء
واذا اتحب اشوفلك الارشيف واطلعلك المطلوب
اختك ريم

[echo 9]

اختي العزيزة ريم
انا ممنون جدا لحضرتج والاخ ريفولفر ببداية تقديمي بشهر العاشر شرح لي كلشي الرجال ما قصر وانا كاتب لهم كل شي وفاه ايضا شيريدون بس والله ما ادري هي المشكلة عندي لو عدهم ما مخللي اي حقل فارغ
كلها مملية ورجعت مرة اخرى للفورم الدزيته الهم لان حافظة عندي بالحاسبة ما كو نقص فما فاهم اصلا شيريدةن لو هي خطا من عدهم انتم اصحاب تجربة بهالموضوع فهموني
هم يريدون ما اترك حقل فارغ وما تارك اصلا السؤال المايشملني مخلي بيه none التواريخ البداية والنهاية مخليه والمعهد والكلية مخليه لعد شيريدون مني بعد ما دا اشوف نقص
وموضوع زواج البنية هم كتبت الهم من اول يوم من المشكلة مثل ما وصاني اخوية ابو اندرو
بس هم راح ارجع لنصيحتك خوية ابو اندرو واخللي الاعصاب بالمجمدة وما اطلعهن منها ابد
وراح ارسل الهم الفورم نفسه اللي ارسلته سابقا لان مابيه نقص
شكرا لكم جميعا
Echo 9

[ريم عبد]

اخي ايكو9 اذا جيكتها كلها الحقول الي بينوها وكلها صح دزها مره ثانيه
لان همه دائما هشكل ادزلهم الي ايريدوا ويرجعون ايكلولك دزنا  الاستماره
فطول بالك وياهم لان همه كلششششش محشششين

وياربي ايسهل امرك والله ايساعدك بعدك باول الطريق
اختك ريم

[echo 9]

شكرا اخت ريم على تواصلك معاي
شاسوي اختي العزيزة والله كلبتها مناه رديتها مناه ماكو نقص لذلك توكلت على الله وارسلت الفورم نفسه لهم وبلكي هالمرة يكولون نقص
الظاهر الجماعة يريدون يكسبون وقت لو صدك هاي هم محششييييييييييييييييييييييين

[Revolver]

اخوية ايكو,

شلون الصحة ان شاء الله مرتاح, شلونك وشلون الاهل ياربي بألف خير .. لديربال اخوية العزيز هسة انحاول انحل المشكلة والي هية جداً جداً جداً عادية واني 4 مرات راسلوني وكتبولي بنفس المسج .

هسة نجي انشوف  شيردون من عدنة ...


You must answer each question completely and NOT skip any questions.  Questions that are “Not Applicable” should be so marked.  Questions 9, 10, 12 and 13 should NOT be marked as “Not Applicable”.  You should either provide an answer to those questions or mark them as “None”.

هذا كلة " خريط " مثل ميكلون لأن اني ابداية التقديم مال حضرتك كتلك شتكتب ورسمتلك مُخطط على شكل صورة ودزيتلكيا ...

يعني يكلك الشغلات الي كايل بيها " None " لازم تنطي السبب وراح انطيك مثال:-

9 - List All Countries You have Entered in the Last Ten Years
(Give the Year of Each Visit)

اني بلضبط هيجي كتبت وانت اكتب مثل ما اني كاتب بس غير المعلومات :- Country : Syria    Year : 2009

تكتب اسم الدولة والسنة الي سافرت بيها .

10 - List All Countries That Have Ever Issued You Passport

اذا عندك اكثر من جواز عراقي لازم تذكرة, اني كتبت :- IRAQ .

السؤال الثنعش يكول لازم تكتب اخر شغلتين اشتغلتهن وشوكت بديت وشوكت انتهيت وبما انه انت مشتغل شغلة وحدة بس لازم  مثل ما اني راسملك بلمُخطط :-

وهذا اللنك مال المُخطط علمود اتشوفة على شكلة الطبيعي :- http://i33.tinypic.com/2n84krq.jpg

هسة خلصنة 12, ننتقل الى 13 .....

13 - List all Professional, Social and Charitable Organizations to Which You Belong
(Belonged) or Contribute (Contributed) or with Which You Work (Have Worked).

حبي اذا انت ممشتغل بأي مُنظمة تابعة للولايات المتحدة الامريكية تكتب بلفراغ " None " وبس

وعادي حتى لو كاتب, راح يكلولك انت مكاتب, عملية تأخير لا اقل ولا اكثر .


هسة نجي للمُهم والاهم هوة :

Please note that questions 12, 15 and 17 need to have beginning and ending dates


السؤال 12 مثل ما اني راسملك اتسوي نفس الشي , بس من اتكمل الفورم لازم تكتبلهم بلأيميل انو انت مشتغل شغلة وحدة بس,  وحالياً اني مستمر وية GLS .

السؤال 15 الخاص بلخدمة العسكرية, اذا خادم عسكرية لازم تكتب المعلومات الموجودة . اذا ( لا ) اتحدد العلامة مال "NO " الي بلمربع, وتكتب جوة كل المتطلبات . None, يعني جوة كلشي تكتب None

وهيجي اتصير :-

Name of Country     Branch of Service    Rank/Position    Military Specialty    From    To
None                   None                     None                None         None       None   

اني هيجي سويت بلضبط وراها بطلوا يدزولي ايميل بخصوص الفورم  ...

السؤال 17 حول المدارس والكليات الي انت داخلها, فقط تكتب الاعدادية مالتك وراها مثلاً معهد وراها كلية .. واهم شي تكتب السنين .. الاعدادية من فلان سنة لـ فلان سنة , و المعهد من فلان سنة لفلان سنة والكلية نفس الشي .... يعني مُجرد داضربلك مثل .

وترة عادي هذا الايميل الي دزولكيا ترة مُجرد ديريدون يأخروك وانت اخاف عندك اخطاء حاول اتصلحها وادزلهميا ..

ولتنسى تكتب بلأيميل انو انت مشتغل شغلة وحدة بس وانت هسة مستمر حالياً وية جي ال اس واذا يحتاجون شي خلي يتصلون بلسوبر فايزر مالتك ...


واتمنالك الموفقية اخوية العزيز ...

اخوك ريفولفر

[thehumble]

السلام عليكم ورحمة الله وبركاته.........
اخواني الطيبين اضع بين ايديكم موقع جميل مختص بتعليم اللغة الانكليزية

http://www.englishforarabs.com/

وهذه مواقع اخرى لتعلم اللغة الانكليزية:-

http://www.englishforarabs.com/UsefuLinks.html

[echo 9]

شكرا اخوية وحبيبي ريفولفر
والله ياخوية العزيز انا ما عندي اي خطا مثل ما وصيتني سويت وكانك وياي . كلشي كاتبه الهم التواريخ والنون والخدمة شهرين احتياط وبس والجواز بس من العراق ومسافر لعمان الاردن مرة واحدة 2001 والاعدادية والكلية والمعهد والسنوات مالتهن والجي ال اس والشركة الامنية القبلها وسنوات البداية والنهاية
بس الظاهر مثل ماكالت الاخت ريم عبد الظاهر الجماعة لو دايخين ( محششيييييييييين ) لو خطية الايميل هذا المفروض يروح لواحد ثاني واجاني اليه .شاسوي امري لله انا راسا تذكرت وصية اخونا ابا اندرو الله يحفظه واتذكرت ان الاعصاب بعدي مخليهن بالمجمدة ورحت ارسلت لهم نفس النسخة مال الفورم بلكي يهودون شوية ويخلونا نعرف ننام
تسلم اخوية ريفو ومخليك لساعة الضيج الله لا يجيب ضيج وشكرا على جهودك وياي
بالنسبة للاخ ذاهمبل  ايضا شكرا لحضرتك واعتقد انه الموضوع مو موضوع ترجمة لانه وبكل بساطة حتى لو كنت ما اعرف شيريدون انا عندي بالحاسبة مخللي ايزيلنكو وها البرنامج ايضا ناطق ينطيك معنى الكلمة بالعربي ولفظها بالنكليزي بالصوت وهمين عندي هيدفون فياريت الرابط مالتك تحوله لغير موضوع على جماعة اليو ان لان انا اس اي في يعني مكمل سنة واكثر مع خوالنا وقبلهم من 2003 شركة امنية ومو حارس او ماشابه بل منصب رفيع الحمد لله يتمناه كل واحد واعجبك باللغة فما حاجة لمثل هاي الامور انا من طلبت المساعدة القصد طريقة املاء الفورم مو شي ثاني
واعتقد انه اليحتاج الرابط هو حضرتك على مود تترجم معنى اسمك لان عدنا بمحافظتنا بالذات ذاهمبل معناه اللي يهمبل
Echo 9

[Abo Rami]

اخي العزيز
احنا كلنا صار ويانه هذا الشي بس صدكني ظل دز الهم الي كاك عليه الاخ ريفولفر وهسه يردون عليك بايميل وكلشي تمام انشاء الله وهي تصير سوالف وداعتك وبالموفقية
اخوك
ابو رامي

[ســـرى]

هاي انت هسه يالله بديت بمرحلة اللطم اللي على اصوله ;Dلان احنا هم لعبوا نفسنا ترة مثلك وعبالنا بس احنا هيج بس الظاهر هذولة مايعرفون هواية اشياء عن العراقيين لحد الان والانظمة العراقية بس الله يسهلك

[echo 9]

شكرا جزيلا على مشاركتكم وردودكم  اخواني szsz الاخ ابو رامي العزيز
احنا ودادعتكم كضينا كل عمرنا باللطم وراح نظل نلطم ويا الاس اي في لما الله سبحانه وتعالى يخلصنا ويسوي النا فرج والله كريم
رحم الله والديكم اخوان
الشكر ايضا لحبيبي واخوية ريفولفر ربي يديم المعروف عمري ريفو وبلكي الله يقدرنا ونرد ولو جزء بسيط من جمايلك يا ورد ربي يجعل صباحك خير ومحبة وسرور انه على كل شيئ قدير
Echo 9

[المهندس حمودي]

Echo 9
تحية طيبة
لا تستغرب من هذا الايميل . ترة مسئلة جدا طبيعية .  انا من قدمت رجعلتي نفس الكليشة . وبالظبط نفس الاسئلة الي هم كاتبينها الك . مع العم انا ماليها للاستمارة DS-157  بصورة صحيحة مثل ما ذاكرين هم . وبعدين جيكتها ورجعت دزيتها نفسها  من جديد بدون تغير . ومشت يعني ماكان بيها غلط بالمرة الاولى .
فما اعرف انت ان كانت نفس الاخطاء صحيح موجودة عندك ام لا .  بس حبيت اطمنك شوية والك مسئلة اعتيادية .
تحياتي

اخوك
المهندس حمودي