استلام الامل

[ethan texas]

السلام عليكم اخواني وخواتي

اشونكم يارب ابخير

مثل متعرفون اهنا با امريكا كلشي يجيك بالبريد حتى اوراقك  عدى الفوت ستامب تستلمة حتى اتخليلة رقم سري متكون من 4 ارقام  ومرح تكدر اتبدلة للرقم

بولاية رود ايلاند يجي دائما البريد ساعة 2 الضهر  

ساعة 2 وعشر دقائق نزلت ركض على صندوق البريد حتى اشوف   شنو جايني لكيت
طبعا 4 ضروف  
طبعا مو ضروف صحية او عائلية  لا ضروف ( مغلفات)

فتحت اول ضرف لكيت جايني   تخفيض مال غاز وكهرباء  
ثاني ضرف لكيت جايني شي مدا عرف شو هوة رح اسئل باجر واشوف شنو هوة
ثالث ضرف  لكيت بية  رسالة من المديكل ايكولي انو بشهر الواحد بالسنة الجديدة يلة يجيك المديكيل الاسنان والهليث
رابع ضرف لكيتة واخيرا وليس اخرا  ( السوشيل سكيورتي ) والحمدالله والشكر

وباجر  رح اروح اسوي الايدي لان الايدي متكدر اسوي من غير ميطلع السوشيل سكيورتي  
ومنتضر من البريد فقط ترخيص العمل وراها ما انزل للبريد يومية ساعة 2 وعشر دقائق  

والحمدالله والشكر يارب

ويارب الكم يارب واسمع عنكم كل اخبار حلوة يارب العالميين
 ملاحضة  قبل يوميين اجاني كتاب او ورقة  من السوشيل سكيورتي كالي انو الحد الاقصى لوصول السوشيل سكورتي اسبوعيين وبعد يوميين بالضبط اجاني السوشيل سكيورتي

وهذا الكتاب من يوصل هذا ممكن تمشي امورك بية لان سئلت كالولي هذا معتمد وهوة الي يثبت انو انتة مقدم على السوشيل سكيورتي وحتى اذا بعد انتهاء المدة المذكورة بالورقة ما اجاك السوشيل سكيورتي اتروح للدائرة وتسئل على سبب تاخر السوشيل  او تتصل بالرقم بالمزود بنفس الورقة
اخوكم جوزيف

[storm2]

الف مبروك اخوية جوزيف وانشالله الضرف الثاني الكرين كارت

[علي الوكح]

الف الف مبرووووووووووووووووووووووووووووك استلام السوشيل وانشاء الله تستلم الكرين كارد والجنسيه


علي الوكح

[صابرين]

الف مبروك اخ جوزيف وشكرا لمشاركتك حياتك اليومية مع اعضاء المنتدى

صابرين

[سوسن كليانه]

الف مبروك اخي جوزيف وانشالله يوم التشتغل ويكون الك مسقبل زاهر

[ام فائز]

اخونا جوزيف
الف مبروك والخبر الزين الي ننتظره هو يوم لحصول على عمل
بس كلي انت شنو قضيتك ويا الضاء والظاد ينرادلك دوره بيهم
موفق ان شاء الله

[abu shahed]

الف الف مبروك اخي العزيز الله يتمم عليك ويسر امرك وتحصل على الجنسيه اتمنى لك الموفقيه والازدهار والراحه والامان يارب امين



                           اخوك
                      79 النرجس

[دنفش]

مبروووووك وانشاء اللة تستلم الكرين كارت ووراها الجنسية الامررررررررررررريكية

[ريم عبد]

اخي العزيز جوزيف شنو هذا السرد الجميل
راح انسويلك يوميات جوزيف العراقي في امريكا
عيني بعدك هالكدوتك واخذت السوشيل لعد من تكبر شتسوي  واني بعدني امنيه ماعندي
ياربي ان شاء الله ايوفقك ويوم الي تستلم ظرف الشهاده الجامعيه و هاي اهم من الكرين كارت ومن الجنسيه لان شهادتك هيه جنسيتك
واتفرح كلب امك وخالتك وبيبيتك وترفع اسم ابوك وكلنا نفتخر بيك

عيوني جوزيف ولو انت هسه متجه لتعلم الانكليزي زين وبعد العربي ميفيدك (بس ويانه تحجي بيه) لكن فقط للتنويه
ظرف= مغلف او مظروف=envelope بالظاء اخت الطاء
هذا الحجي بس بيناته محد ايشوفه
ياربي ايوفقك وبكل خطوه سلامه
اختك ريم

[ام عبداللة العراقية]

اااااااااااااااااااااااااااااااااااااااااااااااااااااااااااالف مممممممممممممممممممممممممممممبروك

الف الف مبروك ان شاءالله الموفقيه

[القرش الاسود]

الف مبروك اخي العزيز وان شاء الله تتيسر كل امورك بعون الله

[ابو عبد الله التكساسي]

والحمدالله والشكر يارب

جو حبيبي واخوي الزغير
هذا الرقم هو حياتك في امريكا دير بالك عليه اكثر من اي ورقه او وثيقه اخرى

بالتوفيق
والله ذكرتني من اجه الغالي سوى وين الكرين كارد بيوم واحد بعد شهرمن دخولي امريكا

[Ross son of iraq]

الف ميروك اخوية العزيز ويارب الموفقية

[ethan texas]

مشكوريين يا اعز اخوة بالدنيا وبارك الله بيكم ويارب دوم بلعالي  وتحقيق جميع الاماني يارب 

وانشاء الله كلكم اشوف بيدكم الجنسية 

اختي العزيزة ريم  شغلة  الضاء والطاء

هذة معاناتة عمرهة 19 سنة  المدرسة شيبت وامي واهلي شيبو حتى  شارع بيتنا كلة شيب ومحفضت هذة

ما اعرف ليش  بس والله اني مو كسلان 

اخوكم جوزيف

[نهاد احمد]

الف الف مبروك اخي جوزيف
وان شاء الله تلكه شغل وتستقر
والموفقيه للجميع

نهاد  ابو علي

[alwismy]

مبروك جوزيف

اخبار حلوة

ربي يوفقك ان شاءالله

[سامسونغ]

الف مبروك اخ جوزيف وشايف كل الخير وتحقيق الأماني .

[مهند هادي]

الف الف الف مبروك

[emadmrr]

الف مبروك اخي جوزيف وانشالله الضرف الثاني الكرين كارت

وان شاء الله تتيسر كل امورك بعون الله

اخوك عماد الشمري