اريد انتقل الى نورث كارولاينا واريد معلومات من اهل الخير

[nana iraq]

اسلام عليكم ورحمة الله وبركاته
شلونكم ان شالله زينين وباحسن حال وين ماجانوا اهلنه الطيبين
ولو اتعبكم اريد منكم معلومات عن نورث كارولينا عن عاصمتها وعن مدينة سالم
وعنها كلها بصورة عامه
وعندي سؤال مهم هو اكو مدرسة تعليم لغه مجاني واختصاصات دبولمه ابلاش للاجئين بولاية نورث كارولينا
اذا اكو وين صايره بيا مدينه ياريت تذكرون الاسم
احنه حاليا بفلوريدا ونريد ننتقل
لان والدتي كلش دتختنك من الرطوبه العاليه اللي اهنا
والمساعدات موزينه
وعندي سؤال اخر اكدر الكى كفيل من هذا المنتدى يكفل اخويه يريد يجي من العراق لنورث كارولينا
ياريت الردود تكون بالتفاصيل
والله يسهل عليكم ويجازيكم بالف خير

[eynaseynaseynas]

الى صاحب او صاحبةالسؤال
اني ساكن بنورث كارولاينا بمدينة دورهام
الجو طيب جدا هسة خريف يعني الاوراق دا تتساقط واكو مطر بس مو كلش قوي والشتاء على الابواب ان شاء الله الجو طيب جدا
بالسبة للدراسة اللغة مجانية سواء بمدرسة اللغات الخاصة بالمنظمة او اكو كلية مجتمع بيها تخصصات مختلفة بفلوس ما عدا اللغة ببلاش وممكن تدرس بيها كل شي تحبة من كومبيوتر او تربية اطفال او خياطة او حلاقة او سياقة سيارات او شغلات للصحة وكومة اختصاصات وكل تخصص ما يتجاوز 300 دولار مع الشهادة مالتة والايجارات بالنسبة للغرفة 5 ورقات وللغرفتين من ستة الى سبع ورقات والشغل قليل بس ممكن تلكي مو ماكو نهائيا والمدينة مقسمة احيار للبيض واحياء للسود والمكسيكان بكل الاحياء موجودين حتى بماعون المركة يطلعون الك وما اعرف اذا اكو شي ثاني اسال وتتدلل

[nana iraq]

سلام عليكم ورحمة الله وبركاته
مشكور اخي على المعلومات الله يوفقك
1اريد اعرف شكد صارلك بنورث كارولينا الفتره
2واريدك تتاكدئلي ولو زحمة عليك اكو دراسة دبلومات ابلاش بالكليه مال لغات
3لان اهنا عدنه همين كليه مال لغات وبعد ما نخلصها يصير ندخل بنفس الكليه نخلص دبلومه ابلاش للاجئين فقط
4
5واريدك سالي اكو تقديم شقق حكوميه او لا
6واذا اكو بعد شكد من التقديم على الشقه تطلعلنه
مشكوره
الله يجازيك الف خير