صدمه كبيره ارجو الرد

[الليث الابيض11]

بعد حددوا موعد السفر لي يوم 6 - 12  اتصلت بيهم مرة اخرى بعمان واخبروني انه هذا الموعد هو موعد مبدئي فدهشت من هذا الكلام وسائلت عن السبب قالو ان التامين والمدكيل لم يصل لحد الان فقلت لهم اذن متى موعد السفر فجابوني عندما يصل التامين والمدكيل سوف نقوم بابلاغك فورا ...........


علما اني من المقدمين من بغداد وكملت الموافقه الامنيه من شهر السابع وحددولي ولايه اريزوينا


ارجو من الاعضاء الكرام الرد السريع معه جزيل الشكر والتقدير ....... اخوكم الليث الابيض11

[angie-dawood]

اخي شنو علاقة المدكيت بموعد السفر اشو مدافتهم شنو علاقة هذا بالسفر 

[الليث الابيض11]

شكر عل الرد اخت انجي العزيزة بل النسبه اني هم حائر جدا بهذا الموضوع وماعرف شنو المدكيت والتامين ممكن التوضيح رجاء

[Revolver]

أخوية بلة زحمة عليك حاول تتصل بيهم وتفتهم كلش زين .. وتعال بلغنة وان شاء الله منقصر وياك .

ريفولفر

[volca]

اخي العزيز
ممكن تعرف انته ع اي منظمه جاي باريزونا فينكس حته نكدر نسئلك هنا ونشوف شنو الفلم


تحياتي
اخوك علي اريزونا فينكس

[Abo Andrew]

  شجابا الجلاق عالدولمة  

يعني للاسف لو مليون سنة هم منعرف انجاوب سؤالك لان انت اول حالة نسمع هيج ايصير بيهة

[muhend]

بالله احنة ملتهين بالمكموعة(الامنية ) انوب تطلعونة الميدكير والتامين فد مرة اي الي ماعندة اجازة سوق انترنشنل ما يصير يسافر بيني وبينكم اني مليت وياريتني ما قدمت على الهجرة لان راح افقد شغلي من وراها الله يعين الناس --وبالتوفيق للكل

[الليث الابيض11]

شكرا للاخوان الذين ردو ا على اسئلتي  او عقبو على الموضوع

قبل قليل من كتابة الموضوع اتصلت مباشرة بعمان  طالبا التوضيح حسب ماقا له الاخوه في المنتدى وسالتها عن قضية
التامين وطركاعة المدكيت  ولحيت وياها هسه تنطون موعد لولا رحمه الوالديج  تره اني غليونه  راضي كلهن بعتهن وضليت حديقه سويلي جاره ومالي شغله بالتامين ولا ذيج الثانيه فحدثت مفاجئه  وصارت بالموضوع ليونه وكالت اتصل بيه  الاحد اكو  اثنين اذا مسافر احد منهم اخليك ابكانه  وانشالله الاحد اتصل وشوف -----------------------
 وشكرا للاخت انجي  وللاخوان مهند وابو اندروا   والاخ فولكا وريفولفر والله يحفضكم

[حظك حلو]

السلام عليكم اخوان الموضوع لامدكيل ولا طركاعة احنة بماليزيا صديقي علساس يسافر من شهر التاسع وبعدين اجلوه ولحد هسة ينتظر من خلال الي فهمت من الاخ صاحب الوضوع يراد شوية ملحة وبواجي للمكتب حتى الواحد يكسب عطفهم ويمشون الشغلة وهو الحل والربط بيد المكتب بس خباثة من المكتب والله يعين الجميع

[ام فائز]

والله اخواني يعني صدك لاعبين ابخلقتنا كل يوم يحجولهم حجايه ما نفتهم منهم والادهى انه كل واحد منهم يحجي حجايه الي هو يفهمها  والله طكت روحنا  ومنعرف شنسوي  حتى صبرنا خلص
لا اله الا الله
الله يوفقك اخونا وتسافر ابموعدك  ويوفق الجميع

[drlexa]

هاي شنو بعد؟؟؟ صارت عبالك نفرات دنصعد كيا لو تاتا.. اذا فلان ميسافر احطك بمكانه شون موديل هذا؟
عل عموم اخي خابرهم وامرك لالله...هي المشكله ديلعبون بينه لعب ومنكدر نحجي شي لان مصيرنه بيدهم...الله يسامحهم
بس لح عليهم لان شكلهم ديريدون يغلسون عليك هسه

تحياتي وتمنياتي بلتوفيق

اختكم من عمــّــان drlexa

[عاشق تراب العراق]

الله يساعدك اخوية و الله لعبو بينة طوبة

[زيوس]

الله يوفقك ان شاء الله ما تشوف الا بس الخير

[jujiaro]

اخوية العزيز ترة هذولة امسوين فلم وماكو هيجي شي
ونصيحتي خابر مصر حتى لا تعتمد على حجاية مصدر واحد
وبيها الخير انشاءالله


تحياتي

[أبو قمر]

اخونا العزيز
الله يوفقك وتسافر بموعدك بس نصيحة مثل كال اخونا اتصل بمصر المكتب الرئيسي هناك وافتهم منهم
هما احسن جماعة تكدر تفتهم منهم

[AbEr SbiL]

ان شاء يوم السفر اخويه العزيز

[ابوغانم]

اخي العزيز :
اعتقد ان سبب او احتمالية تأجيل السفر  بسبب وجود حاله صحيه بالملف .. وهذه الحالة ربما تحتاج
عنايه طبيه  بالفتره التي تسبق استخراج  الميدكير والاوراق الاخرى بالظروف الاعتياديه  لذلك يصرون على عمل التامين الصحي واعتقد هو لمصلحة  صاحب الملف حيث يكون مغطى بالتامين فور وصوله للبلد .. والله اعلم

اخوكم ..
ابوغانم

[اريد وطن]

اخويه الليث الابيض11

يارب الفرج ان شاء  الله وتسافر وتخلص

صدق هذول لعبو بعصابنه وفعلن ندمان جدا على تقديمي اني انتضار اتصال من سفاره كنديه بسوريا طبعن والحمد لله يمكن مصيبتي اهون هوايه من غيري

بس مع الاسف فقدت عملي واداره الاعمل بيها طلبت مني حد اعلى نص شهر 12 ترك العمل وطبعن مالومهم همه عدهم عمل ولازم يمشي وساعوني هوايه وطبعن انا في عمان العمل اصعب من الصعب ويعني دخل ماكو بعد والله ياخوان اخاف ضيعت الميتين فقدت عملي وهاي اتصال واللجوء يتاخر او يرفض ويعني اذا تاخر الله كريم على كولد اخويه مهند واحد اخاف يفقد عمله بس شنسوي لااكو موعد محدد من قبلهم  ويكلك نطيق 3 اسابيع بس تعرف موعد سفرك واي قانون بالعالم للعمل وقانون اخلاقي قبل الكل

لازم تطي مجال للادراه عملك خبر يعني مو كل اصحاب العمل موزينين غير واحد يبلغهم يابه اني ممكن خلال 2-3 شهر اسافر وهمه من حقهم يجيبون موضف يحل محلك

انا سؤالي للمنضمات اللجوء شنو داعي هذا التاخير يعني الواحد شنو يذلو ومين يعيش خلال هذه فتره الانتضار اني متاكد 80% من العراقيين الاجئين  عايشين دول الجوار ويصرفون من جيبهم زين هذول مو لازم يشتغلون علمود يعيشون لو شلون

الحمد لله على كل حال والله اشوف شوفات في منتدانا الرائي وعيني لله يارب افرجها يارب يارب يارب

اريد وطن / عمان وين الكي الوطن اخ ياعراق ليش هيج سويت بينا يارب الفرج للكل

[bee bee]

الله يكون بعونك وبعون الجميع يارب
شنسوي هاي قسمتنا ومكتوب لنا الشقاء
والأشهر والسنين تمشي واحنا بمكاننا
العالم وين صار واحنا وين؟؟؟

دعواتنا لك انه ماإتطول شغلتك أكثر
وأن شاء الله يتصلون بك وتفرج عليك قريبا يارب

والحمد لله على كل شي

تحياتي
ب ب