السلام عليكم

[علي النعيمي]

اخواني اني حطلع بعد كم يوم للاردن ارجو تزويدي بتفاصيل التقديم عاليو ان وكم المدة وقضيتي تهديد+ مرض ولدي كفي في السويد والمانيا ارجو اردو واكون ممنون لكم

[ام عبداللة العراقية]

اخويه المحترم ان شاءالله اول ما تفرحنه بقدومك للاردن
ودخلت الاردن ان شاءالله اي شي تحب تستفسر عليه راح نساعدك بي
وان شاءالله توصل بالف سلامه

[الحياوي]

اخويه العزيز
لا تنسئ اجيب معك كل مايخص ا لتهديد
اي وثيقه
اي شئ ممكن ايفيدك
ومن توصل يصير خير
مثل ما كالت ام عبدلله

[Noor Al Deen]

اول خطوة تسويها هي انك تحضر كلشي مستمسكات اصلية وخاصة اي شي يثبت بأنك مهدد..
بالاضافة الى التقارير الطبية وارقام هواتف + عناوين الكفلاء + ايميلاتهم لان رح يحتاجون يراسلوهم..
واي شي تحتاج اطلب وان شاء الله ما نقصر..

[ام فائز]

اخونا اهلا وسهلا بيك
ان شاء الله تكون مسيرتك ويا اليو ان والاي او ام سهله مو مثل مسيرتنا
اولا انت اول يوم توصل العمان ثاني يوم اتروح تاخذ موعد من اليو ان بدير غبار كل اصحاب التكسيات يعرفون الموقع  وتاخذ وياك جوازات العائله  وينطولك موعد  للتسجيل كلاجيء وعاد انت وياهم اشوكت يدزون عليك للتوطين الله يوفقك

[بغداد بقلبي]

السلام عليكم اخي الغالي بالنسبه الى سؤالك اني بالاردن منذ 6 سنوات ومقدم على اليو ان والحمد لله مقبول وكلشي من فضل رب العالمين تمام انته ان شاء الله بس توصل لعمان طبعا اذا عندك اقارب او معارف لازم اتاجر بيت وطبعا علمود تستفاد من مساعدات الي ايقدمها مكتب المفوضيه الساميه لشؤون اللاجئين لازم بيتك ايكون ايجاره غير مرتفع وايكون بمنطقه عاديه وغير غربيه وراقيه هاي بالنسبه للمساعدات والتي هيه تتكون من مبلغ مادي يصرف الك بكل شهر بواسطه فيزا بنك وانته يمكن ينطوك 150 دينار واكو مساعدات اخرى هيه المواد الغذائيه والعينيه بس هاي يرادلها روح وتعال بالنسبه الى عمان حلوه بس دير بالك من الناس والايجارات اكو اشكال وانواع بالنسبه شقه عائله من 100 ولحد 700 والي يكون سعرها من 100 الى 200 هاي تكون فارغهوالي اعلى منها تكون مفروشه واشكال والوان بس انته اذا جيت حاول تلكه سكن بمنطقة جبل اللويبيده منطقه زينه او جبل عمان اوكي بالنسبه الى مكتب المفوضيه عنوانه هو دير غبار واي تكسي اتوكفه قبل متصعد اتكله تعرف الامم المتحده الي بدير غبار ايكلك ايه اصعد وياه واذا لا كله يسلموا واذا سالك بدك اتقدم لجوء او اي من هذا القبيل كله لا ولاتحجي على ظروف العراق ابدا الي  يسالك كله العراق بخير وزين هسه اوكي لان همه ايحبون يشمتون وحاول عدم التحدث كثيرا اوكي تنزل مقابل مكتب المفوضيه وتكون معك جوازات سفر عائلتك واذا كانوا احسن اتكلهم اني تسجيل جديد همه راح ايكلولك اوكف بالسره ولمن يوصل سراك تطفئ تلفونك واطب جوه وموظف ياخذ الجوازات وايسجل يمه وينطيك بطاقه تسجيل راح ايكون لونها احمر او زهري بصراحه ما مذكره وايحددلك موعد التسجيل يمكن وره فتره حسب الضغط الي عندهم ومرات من بعد اشهر لا تتفاجا ابدا ويمو التسجيل راح ينطوك استماره بيها اسئله عامه وعائليه عنك انته وبيها تكتب قصتك كلها وكل الي واجهك وتنطهم اياها وبعدين يحين درورك  ايقابلك موظف من مكتب المفوضيه راح ايسلك اسئله من قصتك وانته اتجاوبه وتشرحله بكل هدوء ومن غير انفعالات اوكي واتقدمله كل الاوراق الي ثبت ا ضطهادك وتهديد حياتك  ووراها ينطوك هويه ورقه ك a4 وعليها صورك انته وعائلتك وتدخل عالم اللاجئين العراقيين وهمه يقرون قصتك وشوف اشلون راح يكون تقييمه الها اوكي ومرات الامر يستغرق سنين اخي الغالي اكرر سنين ومرات شهور والله كريم واتمنالك الموفقيه وايه اسئله اني بالخدمه

[jujiaro]

اخوية العزيز
الحقيقة الاخ (بغداد بقلبي) كفى ووفى وما قصر بأي شي .. بس احب اذكرك انه لازم تنهي كل التزاماتك بالعراق ... كلشي اتبيع و وتصفي وتبري ذمتك حتى لا ايظل بالك على شي وانته بالغربة لأن ترة شغلتك راح اتطول وكل موظف بالمفوظية يحجي شكل وخلي ببالك راح اتظل بهالحال على الاقل سنة , وانشاءالله نسمع الاخبار الحلوة منك ومن الجميع انشاء الله

تحياتي