كم الفترة بين مقابلة المحلفين والفحص الطبي

[shark2001]

السلام عليكم اخواني

اني قابلت محلفين قبل كم يوم بس عن سؤال بسيط للي مر بالتجربة متى يتصلون على الفحص الطبي وكم هي المدة بين مقابلة المحلفين والفحص الطبي؟

وشكرا الكم

اخوكم شااااارك

[drlexa]

مرحبه اخي العزيز
مبروك مقابله المحلفين وان شاء الله الموافقه باذن الله.
حضرتك ما ذكرت انت باي بلد...
ماكو شي ثابت كلمن وحظه....اكو ناس بعد اسبوع او عشر ايام من مقابلة المحلف وقبل استلام الظرف خابروهم عل فحص...واكو ناس استلمو الظرف كان موافقه وبعد شهرين من استلام الظرف يله خابروهم عل فحص...واما الي يستلم الظرف ويكون مرفوض ما يتصلون بيه عل فحص.
فاخويه العزيز ماكو شي محدد.

تحياتي وامنياتي بلتوفيق.
اختكم من عمــّــان drlexa

[درة]

اخوية العزيز انشاء الله يجيك الرد بالموافقة وتكون الامور ميسرة وبسيطة اخوية هية مو قياس اني قابلت محلفين او ورة 23 يوم جان الفحص مالتي ومثل مكتلك هية مو قياس ويارب تجيك الموافقة والفحص باقرب وكت

[زيوس]

هلو .....

اني قابلت محلفين هم قبل كم يوم وبالتحديد يوم 5 و بانتظار الفحص الطبي ... يعني مثلك تماما ..

ومثل مكالوا الاخوان المسالة مو قياس اني عندي ولد صديقي دزوا عليه بعد اربعة اشهر (ولو ما اريد اسبب الك اي احباط)
بس حبي هي المسالة اما حظ والي اني انطيه نسبة 90% والباقي على كلامك بالمقابلة وطبعا هاي ال90% تتضمن انه ما اذا كان المحلف ادمي وحباب راح يقتنع بكلامك ويكول " اي هذا خوش ولد واني موافق " واذا لا والله فالمسالة شوية تاخذ وقت واعتقد ذوله يسموهم جماعة قيد الدراسة يعني فلم هندي وما مترجم 
اذا تتذكر اول ما كعدت على الكرسي المحلف بعد ما عرف عن نفسه كلك اني اقرر انه انت تروح الى امريكا او يعني بين قوسين بس ربك وهذا الرجال يدخلوك الى امريكا ... والله كريم

حبي عود انطيني خبر اذا افتهمت شي ... اكون شاكر

تقبل مروري ... زيوس

[نهاد احمد]

السلام عليكم
الف مبروك على مقابله المحلف وان شاء الله تكون النتيجه بصالحك
وبالنسبه على موعد الفحص الطبي فهي مو شرط مثلا اني موعد الفحص الطبي اتصلو بي بعد 22يوم لان كانت هناك عطله وعيد الفطر المبارك بعد مقابله المحلف  انت وحضك 
والموفقيه للجميع

نهاد ابو علي \ مصر

[الصبر طيب]

مساء الخير أخويه
أحنا بالنسبه ألنا بعد مقابلة المحلفين
ب13  يوم خابرونا للفحص الطبي
وأكو جماعه بعد أسبوع
وأكو جماعه قبل أستلام الظرف خابروهم للفحص الطبي
وكانو ويانا بأستلام الظرف ومسوين فحص طبي
يعني أي قياس ماكو كل كيس ووضعيته وحسب قناعة المحلف بيه
وأنشاء الله بالتوفيق ويخابروك قريبا
ولدير بال تفرج
 الصصصصصصصصصصصصصبر طيب

[ام فائز]

 اخونا صباح الخير
مثل ما كالو الاخوات والاخوان
مو سوه
 بس لازم تعرف شي انو الي يخابرو على الفحص الطبي  هذا معناه انو المحلفين موافقين على الكيس مالته ولذلك اتشوف ناس قبل استلام الظرف يفحصون واكو ناس بعد استلام الظرف ابشهر شهري اتلاثه الى ان يوافق المحلفين مو سوه
فكول يا الله

[ام عبداللة العراقية]

خويه المحترم الف الف مبروك على المقابله وان شاءالله
عن قريب تفرحنه بتحديدموعد السفر

اخويه مثل ما قالولك الاخوه والخوات بين مقابلة المحلفين والفحص الطبي
فتره مو محدده
يعني هسه اني كانت مقابلة المحلفين بتاريخ 29-2-2009
واستلام المغلف بتاريخ 4-3-2009
والفحص الطبي الاول وليس الاعاده كان بتاريخ 3-4-2009

ومقابلة المحلفين الثانيه والي هي تعتبر الاعاده يعني مقابلة محلفين
لابني بعد ما ظفته على الكيس كانت بتاريخ 1-11-2009
والفحص الطبي الاعاده كان بتاريخ 10-11-2009
يعني اخويه المحترم الفتره مو محدوده
بس ان شاءالله انت عن قريب يتصلون بيك