اكو واحد عنده IZ نمبر وينتظر مقابله

[علي الحلي]

اخواني شنو السالفه هاي الايام ماكو واحد قابل مقابله اولى هاي الايام والي عنده علم خلي يفيدنا والاخوه الي اجاهم ايزي نمبر خلي يذكرون التاريخ الي اجاهم بي  للمقارنه. وشكرآ



علي الحلي

[echo 9]

السلام عليكم اخ علي الحلي
انا اجاني ال IZ 111XXX تاريخ 18 / 10 / 2009 وكان تقديمي على البرنامج بتاريخ 14/9/2009 ولغاية اليوم عمامك لا حس ولاخبر مع العلم انه خلال هاي الفترة حصل اكو نقص بالاوراق واضافات
مع العلم انه بعدها انا قدمت ايضا على الاس اي في بتاريخ 28 / 10 / 2009
شكرا جزيلا حبي
ثؤخ 9

[أبولو]

السلام عليكم
اخويه علي الحلي
 اني قابلت يوم 22 اكتوبر مقابلة أولى
 ولحد الان دا أنتضر الثانية او المحلفين لان قريت انه المحلفين جايين
 واحتمال يبقون للحد الكرسماس.ان شالله اله يسهل عليك وعله الكل.
اخوان الي عنده معلومات ليبخل علينا؟
   



                                                                       ابولو

[مهند هادي]

اخوية العزيز



أني قابلت يوم 20-8-2009 مقابلة اولى ولحد الان ماكو اي مقابلة محلفين ومن بغداد اني مقدم

[alawi the tiger]

اخوان السلام عليكم

اخوكم مقدم اوراقة بشهر السادس 2008 ورة اربع اشهر اجاني ايميل بي ال BGDوبعدين لغاية شهر العاشر 2009 اجاني ال IZ في نفس الايميل الخاص بالمقابلة الاولى وقابلت ولله الحمد ودا انتظر الثانية والكلام اللي يكول المحلفين موجودين ببغداد جدا صحيح لا ن صديقي مقابل بشهر السادس وقابل محلف يوم 10-11 وهذا كل اللي اعرفة والله يوفق الجميع ويفرج عن الكل امين يارب العالمين


اخوكم علي

[أبولو]

ممنون علاوي العزيز على هاي المعلومات
يا ربي تحقيق الاماني.
والسفر الى ام الدنيا


                                                                                       أبولو

[geb]

اني اجاني اي زي نمبر بتاريخ  5-11-2009
الرقم iz-1110xx

[سكوفيلد]

اخ علي اني اجالي IZ 107xxx  
بتاريخ  26 شهر العاشر ولي حد هسه صنطه سكوت

بس معرفنا حضرتك باي تاريخ اجالك ال IZ number

وشي ثاني انه ليش قسم اجاهم ال iz ويه تاريخ المقابلة الاولى وقسم لا؟؟؟

[wasu 81]

اخواني الاعزاء
اني قدمت يوم 24_10 _2009
واجاني اي زي نمبر يوم 1_11_2009




وربي يسهله علينا كلنا     
 
(واقابلك واكعد ابو رانيا geb )

[AbU.SaRa]

 أخوان أكو شغلة غريبة اليعرف خلي يجاوبنه أكو جماعة أستلمت IZ  ويه أيميل تحديد المقابلة وأكو جماعة لا قبل أيميل المقابلة وكلشي ما أجاهم بعد .................

        أني أجاني IZ بتأريخ 14-10-2009 وجاي ننتظر الفرج ........


                             الله كريم.................

[ahmed79]

تني اجاني IZ106xxx يوم 27/06/2009 والى حد الان كلشي ماكو سنطه لا مقابله ولا بطيخ علما اني مقدم بشهر التاسع 2008

[علي الحلي]

اخوان
قدمت اوراقي 22/9/2009
اجاني ايزي نمبر 14/10/2009

يعني اني واخي ابو ساره بنفس اليوم اني دزيت اميل اكتبت بي اريد اعرف موعد المقابله وكان الجواب ان اني دخل ضمن السستم وانتظر وبعد وقت قريب راح نتصل بيك .
اني الغرض من هذا الموضوع ان الكل ما مقابل من منتصف الشهر التاسع لحد الائن. لائن احتمال الجماعه غلسو على شغلتنه . وانشاء الله الكل يقابل



   اخوكم
   الحلي

[AbU.SaRa]

 أخوية علاوي خليك على أتصال بي عالرسايل وأيضا بالأخ سكوفيلد لأن أحنه تقريبا نفس الفترة وخلي نشوف التطورات أذا ما غلسوا الجماعة والله كريم ترة ماكو غير الصبر وأنشاء الله تفرج......

[سكوفيلد]

خلوها على الله وانشاء الله بيها الخير
بس الي قلقني هو ال تاريخ ال اي زت مال اخ احمد79

ترة شغلتك طولت هواية اخ احمد واذا تظن انه اكو سبب وره هذا التاخير كللنا عليه بلكي نكدر نساعدك


وخلونا على اتصال

تحياتي الكم

[جورجيا]

اني امقدمه نهايه شهر الخامس وحصلت على الايزي نمبر بتاريخ11_1
ولحد الان صنطه دا انتضر والله كريم
جورجيا

[المهندس سيوفي]

السلام عليكم
طبعا اني سالفتي هم نفس سالفة الاخ احمد 79 ---- اني مقدم بتاريخ 1/9/2008 ولغاية الان كلشي ماكو لامقابلة ولاشي --- بس بطرك الاي زي نمبر
صدكوني اخوان عجزت من ايميلاتي وياهم ومااعرف شنو السبب --- لحد قبل فترة دزيتلهم ايميل ورزالة قوية بس بنزاكة مثل ميكولون وجان يجاوبوني انه اوراقي الوظيفية تم التحقق منها وراح نتصل بيك حالما نحددلك موعد عالمقابلة الاولى ---- اول البارحة كلت خل اتحارش بالجماعة ودزيتلهم ايميل كلتلهم بما انه اوراقي الوظيفية تم التاكد منها ممكن اعرف شوكت اكدر احقق موعد للمقابلة الاولى --- جان يردون علية البارحة وكالوا الكليشة مالتهم المعتادة واللي هي
Your case is still in processing

اني بصراحة مليت ودااحس انه ماكو اي نتيجة وياهم
للعلم انه الاي زي نمبر اني حصلتة من شهر السادس الفات ولحد هسة هب بيااااااض
ورقمي الاي زي يبدي ب IZ106XXX

تحياتي
المهندس

[زيوس]

الاخوة الاعضاء

والله ضحكت على هاي الكلمات كلش حلوة وشكرا الكم

عمامك لا حس و لاخبر  ..... صنطة ...... اقابلك واقعد .... سنطة لا مقابلة ولا بطيخ .... الجماعة غلسوا على شغلتنا .... خل اتحرش بالجماعة ......... هب بياض ...

شباب فد ملاحظة : كل case يختلف عن الاخر مثل متعرفون اذن ماكو داعي تقارن نفسك وتدوخ نفسك بهذا الشي .. وطبعا الحظ يلعب دور كلش كبير بالموضوع وتمنياتي لكم بالتوفيق...

تقبلوا مروري رجاء

اخوكم زيوس 

مخلص المقابلة الاولى والثانية وبانتظار الفحص الطبي

[ريم عبد]

اخي المهندس سيوفي
يله لتضوج اني هم عندي كيس مثل حالتك
قدمت على الكيس بشهر 7/2008
بس مكملت الاوراق الا بشهر 7/2009 شويه بعت ثكل عليهم
ومن شهر السابع لى هسه بطرك ال BGD حتى IZ هم بعد محصلت
بينما هسه اتلاحظ اكو اخوان مقدمين بشهر التاسع ناطيهم IZ
الضاهر الي مقدمين جدد دتمشي شغلتهم اسرع من الفايلات القديمه
ياربي يفرجها عليكم وعلينا وعلى جميع المقدمين
اختك ريم