الاخوان المشرفين في المنتدى ومن لديه خبرة يدخل رجاءأً

[حسين علي كاظم]

السلام عليكم ورحمة الله
اود ان اسأل عن حالة خاصة بي وهي انني عندما قدمت بطلب الهجرة الى فرع المنظمة في العراق قدمت مع زوجتي واطفالي الاثنين ووالدتي واخي الاصغر مني وهم في المنظمة فصلوا الكيس نمبر مالتنا الى 2 case انا وزوجتي واطفالي بكيس ووالدتي واخي بكيس اخر وعندما اتت الموافقه الامنية جاءت اولا لكيس والدتي واخي وقالوا في رسالتهم انه انتوا الكيسين مرتبطين ارتباط وثيق فعليكم انتظار الموافقه الامنية مال الكيس الاول والان وقد جاءت الموافقه الامنية مال الكيس الاول وتم تحديد الولاية والحمد لله وهي ولاية فرجينيا الان اخي الاصغر ووالدتي قد غيروا رايهم بالسفر اي قرروا ان يعدلوا عن فكرة السفر. سؤالي هنا هل سيؤثرون على الكيس مالتي وعائلتي ام لا . وهل اخبر المنظمة بأميل بالذي استجد ام لا ؟ ام اتركها على حالها وعندما يطلبون الجوازات لغرض الفيزة اخبرهم انه والدتي واخي قد عدلوا عن فكرة السفر ؟ افيدوني يرحمكم الله
وشكرا لكل الاعضاء في هذا المنتدى الغالي

اخوكم حسين

[بغداد بقلبي]

السلام عليكم اخي الغالي الي ارعفه  الموضوع طبيعي ومراح اياثر عليك خلي والدتك واخوك يتصلون بالمنظمه وايكلولهم انهم قد عدلوا عن السفر وشغله عاديه جدا راح يتصلون بيهم وايحددون موعد للواده واخوك لكي يوقعوا  وثيقة تنازل عن الهجرة والتوطين في الولايات المتحده  طبعا اني ابلاردن واعرف ناس اهواي قاموا بهذا الشي وبدلوا وما اثروا على غيرهم وانته مدام  الامنيه مالتك  جاييه  وانه تم توطينك بولايه فرجينيا يعني انته تنتظر بس موعد سفر وماكو ايس  اشكال عليك اتوكل على الله بس خلى الاهل ايراجعون وضعهم واتفاهموا للمره الاخيره عسى ولعل غيروا نيتهم والله ولي التوفيق

[angie-dawood]

صح كلام اخي بغداد بقلبي اني اختي صارت نفس الحالة من قدمت باليو ان بالبداية وما رادت تسافر كالوا خلي تجي توقع انسحابها من الفايل وراحت ورقعت وشالوها من الفايل ورجعت للعراق وهسى رجعت تريد تقدم من جديد وانت هم اهلك نفس الحالة راح يسون وانشاءللة تسافر وتستقر وتشوف كل الخير ربي يوفقك اخي

[مهند هادي]

أخوية العزيز


لاتهتم ترة شعلة عادية بس يجب ان تتصل بيهم حتى يكون عدهم علم بالشغلة وان شاء الله تسافر وتستقر واتمنى لك الموفقية في الحياة

[حسين علي كاظم]

السلام عليكم اخوان
شكرا لكل من مر على موضوعي وابدى اهتمام بس اريد اعرف فد شي هم والدتي واخوي في فايل منفصل وهم الفايل كله انسحب يعني لازم ضروري يبلغون المنظمة؟  واذا مبلغوا المنظمة شنو راح يصير ؟
وشكرا جزيلا
اخوكم حسين

[angie-dawood]

نعم اخي لازم يرحون يبلغون ويوقعون على الانسحاب من فكرة السفر حتى لو انسحب منهم الفايل لازم يوقعون هذا الي اعرفه