سؤال الى خبراء siv و الاستمارات

[copmwolf]

سؤال للاخوة الاعزاء شغلة الدي اس مدوختني اريد افهم كيف املي سوال ١٢ بالتفصيل همة رايدين الاسم مااعرف اي اسم اسم الشركة لو اسم السوبرفيزر و توضيح بقية الحقول هذاالهم الاول


12. Not Including Current Employer, List Your Last Two Employers


الهم الثاني سؤال ١٣ شنو المفروض اجاوبة هل اسم الشركات المشتغل بيهة لو اتركهة none لان يطلب بيهة اسم انظمات كل واحد يحجي شك و ما اعرف الشغلة الاصح فارجو من الاخوان توضيح دقيق
ملاحظة: شاكتب يدزولي صحح نقطة ١٢ و ١٣

[Revolver]

تددل اخوية,

شوف حُبي النقطة 12 اتكول اذكر أخر شغلتين اشتغلتهن قبل الشغلة الحالية ملاتك : انطيك مثال :

مثلاً انت هسة دتشتغل دكتور,  وقبلها جنت مُهندس, وقبلها جنت وزير ...

شتسوي بهل الحالة تكتب المُهندس والوزير, وتعوف الدكتور لأن هية هاية شغلتك الحالية .. وهم راح انطيك مثال :

ودوس هنا حتى تكبر الصورة : http://i33.tinypic.com/2n84krq.jpg

حبي هذا المُخطط سويتة للأخ العزيز echo وهمينة جان طالب نفس سؤالك .. انت بس غير المعلومات وراح تفتهم كلشي ...

واي شي اني حاضر

ريفولفر

[copmwolf]

تسلم ريفولفر على الجواب الوافي بسردت جواب لسؤال 13

[Revolver]

تأمر امر اخوية,

بلنسبة للسؤال رقم  13 الخاص بلمُنظمات , فأذا انت مشتغل بمنظمات تابعة لحكومة الولايات المتحدة, فتذكر المعلومات عنها, اما اذا ممشتغل فكلشي متكتب غير كلمة وحدة وهية : None .

وتدلل

ريفولفر

[vincenzo]

صاحب الموضوع
سؤال 13 واضح وميرادله شي
اما 12 ففعلا غثيث لمعضم اللي مقدمين
دور ببحث المنتدى على موضوع لBaghdadGhost حول ال DS-157 لان بوكتهه تناقشنه بالتفصيل واعتقد راح تستفاد

[echo 9]

السلام عليكم اخ copmwolf
اخي العزيز نصيحتي الك انه تتبع تعليمات اخونا وحبيبنا ريفولفر خطوة بخطوة لان انا قبلك دخت بيها
هذا اولا وثانيا يا معود لاتويها صدك وتروح كاتب الهم مهندس ووزير اكتب الهم شنو اشتغلت واسم السوبر فايزر مالتك واسم الشركة والعنوان لاخر شغلتين اشتغلتهن قبل شغلتك الحالية ولا تذكر شغلتك الحالية
هاي عمي بركات اخونا ريفو هسه الواحد صار عنده فد معلومة يقدمها
اخوك
Echo 9

[copmwolf]

تسلم اخوي eco 9
والله شوية شغلة DS-157  بيهه شغلات غامضة  و مليتهة و انشاء الله ميرجعوها و ايكولولي بيهة خطا