شكد تطول المدة لاستلام فيزا الـ SIV

[صوفيا]

اخواني واخواني الاعزاء
اول شي احب اشكر كل الاعضاء المحترمين على اسلوبهم الرائع وتعاونهم لمنفعة الاخرين
اليوم عندي سؤال يخص احد الاخوان والاصدقاء طلب مني ان اعرض استفساره على اهل الخبرة منكم
الولد مقدم عاى برنامج الـ SIV وكمل المقابلة مالته بالسفارة الامريكية بالمنطقة الخضراء بتاريخ 1 اكتوبر واستلموا الجواز مالته ولحد اليوم ماكو لاحس ولاخبر منهم وهو باقي ينتظر بس ميعرف شكد تطول الشغلة لان عنده اصجقاء اخرين كملوا مقابلتهم وراه واستلموا الفيزا مالتهم هو هذا الولد اعزب بس خطيه كلش قلق ومحتار وميعرف شيسوي دزلهم عدة ايميلات والرد دائما يكون انتظر adminstrative proccesing فيريد يعرف يعني شكد تطول هذه الشغلة وينطوه فيزا لو ديلعبون باعصابه
اخوان اهل الخبرة اللي يكدر يساعد بجواب الرجاء ميتأخر
اسكركم اختكم صوفيا

[Revolver]

عيوني صوفيا,

جبتلج رد من احد الاخوة الي بلمُنتدى ويكول بي :
حديثا الذين قابلوا على برنامج SIV الخاص بالموظفين مع الحكومة الامريكية لم يتم منحم الفيزة بشكل سريع بل يتم ابلاغهم بأن هنالك اجراءات ادارية يجب ان تتم وبعدها يتم منحكم التأشيره والمقصود بالاجراءات الادارية هو Administrative Processing وهذه الاجراءات ليس لها وقت محدد

وهذا اللنك شوفي يجوز يفيدكم :

http://www.usaimmigrationattorney.com/SecurityNameChecksAndAdministrativeReview.html

ريفولفر

[Revolver]

للرفع,

أصحاب الخبرة بلا امراً عليكم, يكدر احد يساعد اختنة صوفيا ؟؟؟

ريفولفر

[دنفش]

ماكو بيها وقت محدد يعني اكو ناس اخذوها ورة المقابلة بكم يوم واكو ناس طولت 41 يوم اني بالنسبة اللي طولت شهر الموضوع هو ما دام  اخذوا الجوازات فما ماكو مشكلة بس الانتضار هو المشكلة وانشاء اللة تستلموها هاي الايام

[winner]

تحية الى الاخت العزيزة صوفيا
انا لي صديق قابل يوم 24 /8/2009  ولحد الان لم يستلم الفيزا وعندما يراسلهم يقولون ان الحالة في الAdministrative Processing

وللعلم وحسب مامكتوب في موقع السفارة الامريكيا فان هذه المرحلة تاخذ من اسبوعين الى عدة اشهر
يمكن الاستفادة من هذا الرابط
http://iraq.usembassy.gov/interviews.html   

هذا الشخص عندما قابل طلبوا منه اسماء عائلته فربما التجيك الامني لهم سبب التاخير؟؟!!
لاني اعرف بعض الاشخاص طلبوا منهم اسماء عائلتهم (الاخوة والاخوات) قبل المقابلة وقد استلموا الفيزة بعد فترة بسيطة من المقابلة