محتاج مساعدتكم بموضوعي بال un مال ماليزيا

[ModyMe]

مرحبا شباب وبنات المنتدى

قصتي باختصار انا جيت الماليزيا من قبل سنه وقدمت لل يو ان وقبل كم يوم اخذت الكارد مال يو ان
بعد 3 مقابلات تقريبا ..
المهم لما اخذت الكارد وحده هنديه كلتلي تم قبولك كلاجئ وسالتني اذا اكو اي احد من اهلي بالخارج كتلها خلتي وابنها بكندا
قالت عند 3 حلول ..
اما يستقر وضع العراق ونرجعك للعراق ..
اما ماليزيا تفتح باب التوطين وتتوطن كماليزي وهذا شي مستحيل
اما هذوله اهلك البلخارج يطلعوك

زين لعاد همه اليو ان  شنو شغلتهم ؟؟ 
زين اني خالتي متشتغل هناك ولاابنها اولا
ثانيا همه طالعين هجره من زماااااااان وعدهم الجنسيه الكنديه
مو من اليو ان ..

الله يحفظكم شنو الحلول اللي كدامي ؟؟
ممكن احد ينطيني طريقه ؟؟
علما انو اني جوازي انباك وقدمت عالبو ان بالهويه العراقيه مو بالجنسيه بس بالهوبه
هويةالاحوال المدنيه ههههههههههه

 اني متبهدل هنانه مدري شسوي الله يخليكم احد يفيدني و بالنسبه للجواز شسوي هسه اريد اطلع جواز وخايف مدري شنو الاجراءات  بالله احد يفيدني

[الحياوي]

اخي العزيز  مادام قبلوك لاجئ يعني معترف ييك 
سوف تقوم المنظمه  بايجاد الحل لتسوية اوضاعك
المساله تحتاج صبر
تقبل مروري بك
توكل علئ الله

[ابو الحسن]

عمي السلام عليكم
حبيبي احنا كلنا في الهوا سوا
واني لو عندي فلوس ادفع الغرامة مابقيت بماليزيا
عمي كلها عندها هويات والامم المتحدة في ماليزيا وبالاخص هاي الهندية نفسها بلغتني انه ماكو توطين ابدننننن للعراقيين وكالت روحوا لدول الجوار احسن الكم
عمي تريد نصحيتي اذا عندك كم فلس سوي الك جواز وادفع الغرامة واتوكل على الله وروح لدول الجوار
واني حاضر لاي استفسار واني الممنون
ابو الحسن - ماليزيا

[baidaa11]

اخويه بالنسبه لموضوع الجواز تكدر تروح للسفاره وتكول جوازي ضايع

وهمه يسوون اعلان بالجرايد على مااعتقد اسبوع او مااعرف شنو القانون بماليزيا

ومن تخلص المده ومحد يلكى يسوولك جواز جديد هذه معلوماتي بس لازم تروح تبلغ السفاره وهمه يدلوك على الحل

الله يفرجها على الكل يارب

[Revolver]

أخي العزيز,

جبتلك هذا الرابط بلكي يفيدك وتستفيد منة :

http://www.ankawa.com/forum/index.php/topic,356135.0.html


ريفولفر

[مظلومه سوادي]

اخي العزيز

متكولي اشورطك 

عيني امامك حل واحد ياتسويه وتطلع كلاجيئ من ماليزيا وترتاح ياتضل كاعد وانت ونصيبك
فد عشر سنين ياللا يطلعوك منا 

عزيزي روح على نفس الهنديه اللي سدتهه بوجهك وانطيها عنوانك وتلفونك بورقه وكوللهه
اتمنى تشرفيني بالبيت حتى تتعرفين على عاءلتي وتشوفين شلون عايشين
المهم
اذا اجتكم انطيهه جم ورقه وكوللهه انمتى تحولين ملفنه على وحده من السفارات
ومن هالسوالف
ولايضل بالك تره كل اللي ديطلعون عن طريق يو ان ماليزيا ديسوون هيج
وبالتوفيق