التقديم من سوريا

[غريب عن الوطن]

السلام عليكم اخواني اعضاء منتدانا الرائع الجميل
ممكن احد ايساعدني ويكلي اشلونه العيشة ابسورية يعني اشكد ايجار الشقة اكو شغل ماكو شنو الشغل المتوفر أكدر احصل عليه وممكن عنوان UN بسوريا بالضبط واكون ممنون منكم اذا أتكون اجوبة واضحة

[العزاوي 55]

السلام عليكم اخي غريب عن الوطن
العيشه زينه تقريبا الاسعار نفس العراق او افضل شويه والشغل الي يريد يشتغل موجودبالبناء وملحقاته وبغير شغلات بالمعامل الانتاجيه يعني الشغل حسب همة الي يريد يشتغل اما بالنسبه للايجار حسب عائلتك وعددهم يعني من غرفه ومنافعه الى غرفتين وثلاثه وكلشي بسعره
عنوان الun اذا انته اول مره تسجل تراجع الدائره الموجوده في دوما والسيارات الي توصلك للمكان  من الكراجات بس تسال يدلوك على السيارات والسائق ينزلك مقابيله
مع تحياتي

[chaldian prince]

بارك الله بكم
هم الي بعد استفسار اي المستمسكات ضروريه يجب ان تكون بحوزة المتقدم وهل يجب ترجمتها ؟
مع الشكر مقدما .

[العزاوي 55]

بالنسبه للمستمسكات بس الجوازات بالمقابله الاولى وبعد التحويل للتوطين ان شاء الله شكو عنكم مستمسكات تاخذوه وهمه يصوره وما كو داعي للترجمه

[راهب الحب]

حبيبي الغالي غريب عن الوطـن :::
بالنسبة لإيجار الشقق فأكدر أنطيك فد سعر مُقارب يعني إذا غرفة وصالة فارغة تحصلها بحوالي ورقة ونص وإذا مفروشة فأكيد أغلى وهكــذا  وتعتمد على المنطقة إللي راح تسكُن بيهـا والمناطق المكتظة بالعراقيين تكون أغلى نسبياً من غير مناطق ...
أكو شغلة ضرورية لازم تأخذها بالحسبان وإللي مدا يتطرقلها الأخوة ....
التسجيل باليو  إن هي وثيقة الإعتراف بيك كلاجيء من قبل المفوضية السامية لشؤون اللاجئين والتابعة للأمم المتحـّدة يعني مو معناها إنته توطنت وتنتظر إجراءات السفر يعني أكو لجنة تدرس الملفات  وهي إللي تحدد إذا إنته يشملك التوطين أو لا   أو تنتظر فترة غير معروفة حتى يجيك الفرج ؟؟؟؟
قسم التوطين هو أحد أقسام المفوضية السامية لشؤون اللاجئين إللي يدرس إمكانية توطين اللاجئين في بلد ثالث يعني حالك راح يصير حال الآف العراقيين إللي مسجّلين باليو إن  ودينتظرون الفرج والله الموفــّق ...... †








                                         أخـــوكــُم / وسـام بهنـام داؤد الخابــوري