السلام عليكم اخواني واخواتي الاعضاء الاعزاء.
مثل ماتعرفون سفرتي الى كاليفورنيا- سان خوسيه اني وزوجتي يوم 22 من هذا الشهر ودا انتظر والله كريم, تقريبا حظرت كل شي, واني مفتهم موضوع حقائب السفر مية بالمية والفضل ايعود لاخواننا الاعزاء الذين افادونا بخبراتهم.
طلبي هنا والشي الذي لم افتهمة والذي اطلب منكم نصيحة وبالتحديد هو موضوع الكاش الي راح اخذة وياية بالسفرة, اني اصلا المبلغ الي عندي هوة بس 10000 عشرة اللاف دولار, وحسب مدا افتهم من الاخوان الاعزاء ان اقسم المبلغ بالنص بيني وبين زوجتي وهذا فد شي افتهمتة, ولكن حتة ولو اقسمة فالسؤال هوة وين راح اخلي المبلغ من اشيلة وياية يعني ممكن اخلي خمسين ورقة بمحفظتي , زين وكلام الاخوان ايكولون المنظمة اذا عرفوا واحد عندة الفين دولار راسا راح يبدون يجرجرون وياه,
وخلي انكول ضميتهة للفلوس بالهاند باك زين مو اتكولون الهاند باك تتفتش تفتيش دقيق بالمطار زين وهذا الي ديفتش مراح ايكول شنو هاي الفلوس وخصوصا اذا كان موظف IOM قريب عني فراح اديح اذا عرف هاية الكايس عدهم عشرة اللاف دولار.
لهذا ويا اخواني الاعزاء اطلب النصح منكم في كيفية التعامل مع الكاش,
اخوكم الوفي دوما روس ابن العراق
