ساعدوني اخواني ابوس ايديكم

[عراقي 77]

السلام عليكم شلونكم اخواني ان شاء الله بخير وعافية اني اخوكم عراقي 77 انتميت جديد للمنتدى وصدكوني مصدكت من شفت تعليقاتكم على الهجرة الخاصة بالعراقين
اخوان اني حصلت على فيزة الى امريكا عن طريف nvsiv وان شاء الله موعد السفر بداية الشهر الجاي بس عندي جم سؤال الف رحمة اللوالديكم ساعدوني والله يخليكم بس الي يعرف
1-اخوان بصراحة اني حصلت على الفيزة وقفت معاملت زوجتي لان كلتلهم انو اني زعلان وياها وكالولي لح ادزه عليه من توصل كلتلهم ان شاء الله ممكن اتكولولي ((اذا استقريت بامريكا وحبيت ادزه على زوجتي خوما لح يسوولي مشكله خصوصا انو اني مقدملها معاملة بس وقتها
2- ابني ما ضفته على المعاملة مال الفيزة وهسة مرتي حامل  بالثاني اذا اريد ادزه عليهم خوما يكولولي ليش ما ضفته وي زوجتك خصوصا انو اني حصلت على الفيزة قبل شهر وابني عمرة 9 اشهر
بس ها
اني من مشيت بالمعاملة جان ابني مجاي بعدة وبعدين من مشيت بيها مضفته
اخوان دوختكم مو
سوالي بسهولة يصير ادزة على زوجتي ولدي بعد ما احصل على الكرين كارت وشلون اخلص من المشاكل الي وكعت نفسي بيها على الفاضي ساعدوني ارجوكم

[ابو عبد الله التكساسي]

اخي الله ايساعدك
بس اريد منك ما تنفعل وتسال من جديد لا الصراحه مدا اجمع من الموضوع
شنو علكيفك واساءل اي شي تريده
ماشي
انتضر منك الرد

[يمتى الفرج]

أخي الكريم
يا ريت تشرح الموضوع مرة ثانية لأن بصراحة الموضوع مربك جدا" وغير مفهوم حتى نكدر نساعدك

[حظك حلو]

اخوان اني فهمت الاخ شنو يريد بس اني ما عندي معلومات حتى اساعدة الرجاء مساعدته .هو يقصد انه راح يسافر شهر الجاي هو من مقدمي الsivوهو جان مقدم لزوجته تطلع معاه بس هو وقف المعاملة مالتها ومن يوصل الامريكا يريد يقدملها بس يسال خو ماكو مشكلة بالتقديم لان هو قدملها قبل وقفها هاي وحدة والشغلة الثانية انه هو من قدم مضايف ابنه لان بفترة التقديم زوجته كانت حامل وبعد ما وضعت حملها ما ضاف الابن بعدين وهو هسة عمره 9 شهور يعني من راح يقدم مرة ثانية ما كو مشكلة لان بالتقديم الاول ما كان عنده طفل يعني يكدر يدز عليهم من يحصل كرين كارت تقبلو مروري

[عراقي 77]

السلام عليكم  اخواني
والله العظيم فرحت من لكيت اهتمام بموضوعي الله يجزيكم ويبارك بيكم بصراحة الموضوع مثل ما كاله اخوية حظك حلو بالتمام والكمال ساعدوني اخوتي ترى اخوكم لح يطك راسة والله يفتحها بوجهكم
وتسلمون مقدما

[ام فائز]

اخونا  عراقي 77
يعني ما اريد ابدا بالعتب عليك على هذا التصرف يجوز كان عندك ظروف خاصه  احنا ما نعرفها والي جعلتك اتقدم على ايقاف معامله زوجتك بس اتصور ما دام انت امخبرهم انو انت متزوج فماكو مشكله بعدين من اتروح اتسويلها لم شمل لان احسن مما اتاخر سفرتك ويجوز اتصيرلك مشكله

[بغداد بقلبي]

السلام عليكم اخي الغالي شغلتك سهله وعاديه مجرد روتين انته ان شاء الله من توصل بسلامه وتستقر من الممكن ان اتسوي معامله جمع شمل تاخذ بعض الوقت والروتين وعادي ممكن ان عائلتك تجي يمك بس انته اذا تكدر هسه اتضيف اولادك حاول لان من اتسافر وانته امسجل بس انته وزوجتك اشويه الشغله تره اتصير صعبه اخي اذا تكدر بس مجرد انه اتسجل انه عندك اولاد ضروري جدا لان اهناك لمن اتروح وبعدين اتريد ادز عليهم بمعاملة جمع شمل راح ايكلولك انه انته امسجل عندك زوجه وبس وما ذاكر عندك اولاد وراح ايكلولك بس زوجتك يسمح الها بالقدوم اني اعرف ناس صارت وياهم هاي الحاله انه الاب سافر وكانت زوجته حامل وهو امسجل بس الاولاد الي عنده فلمن سوى معاملت جمع شمل كلوله بس المتسجلين يجون والطفل الي زوجته كانت حامل بيه ما قبلوا ايضيفوه فانته شغلتك  سهله بس بلغهم انه عندك طفل واكو واحد تاني بالطريق وهمه راح ايقومون بالازم ولاتخاف ما بيها اية مشاكل لان انته اموافقين عليك بس مجرد يتاجل سفرك مدة بسيطه ويمكن شهر اواثنين ارجوا منك ابلاغهم علمود اطفالك مو شيء اخر والله ولي التوفيق

[زيوس]

حبي مرحبا ...

لا يطك راسك ولا شي ... ثم هي مو نهاية العالم اذا تاجلت شغلتك شوية حبيبي اهم شي بالحياة الصحة والسلامة مو تمام ؟
زين نجي على شغلة اولادك طبعا هم تحت عمر 18 سنة فراح يصيرون وياك بنفس الفايل .

يا اخي هو هسه انت عليش دايخ هو انت مو siv اول ما توصل راح ينطوك كرين كارد واعتقد تكدر ترجع اذا انت مضطر فد كم شهر تبقى يم زوجتك واولادك على ما تكمل معاملتك مال لم الشمل وابوك الله يرحمه

تقبل مروري رجاء

[مازولا]

السلام عليكم اخواني الاعزاء ... مع احترامي للردود الموضوعة ... لكن هل  لم الشمل بهذه السهوله ... يعني بس يوصل امريكا و يحصل الكرين كارد ورة شهر يكدر يسوي لم شمل و يجيب عائلته ... او بعبارة اخرة هوه يكدر يسوي المعامله لكن شكد تطول الى ان تتم الموافقه و تجي العائله ... اذ كانت هاي المدة بسيطه فخلي يسوييهه و اذا كانت طويله فلازم يفكر بغير طريقه ... احجيلكم عن ولد صديقي هم على الاس اي في الجديد ... و قدم و اخذ كل الموافقات و وصلت الشغله للسفارة على المقابله ... بس ترة ويايه هنا بالخليج مو بالعراق ... بالمقابله كللهم انو هوه خاطب و يريد يتزوج ... كللوله راح نخليك ستاند باي الى ان تتزوج ... و من تتزوج جيب النه اوراق زوجتك ... هوه هم وره اربع خمس تشهر راح لبغداد و تزوج و جابهه لزوجته ... بعدين قدم اوراقهه للسفارة راسا ... لا نبراسكا و لا ان في سي ... وره اسبوع خابروه كلوله تعال استلم الفيزا الك و لزوجتك ... بس مثل ما كلت هاي تره مو بالعراق ...
اني اللي اشوفه انو انت اذا مقدم و واصل مرحله معينه ... دز ايميل للمرحله اللي انت بيهه ... و كلهم اني عندي زوجه و طفل و راح استقبل طفل جديد ... و شوف همه شيكولولك ... و شكد ما تتاخر تره ما بيهه شي ... ما راح البرنامج يسدوه ... و لا امريكا راح تطير ... و تكون اسرع من لم الشمل ... و اذا اكو احد متاكد انو لم الشمل و وصول العائله لامريكا سهل و سريع خلى يكول لان يجوز اني معلوماتي شويه قديمه ...
مع تحياتي ... اخوكم مازولا

[عراقي 77]

السلام عليكم اخواني ان شاء الله بخير وعافية
والله العظيم متدرون شكد دتفرحوني بنصائحكم الغالية الله يجزيكم بالف خير ويبارك بيكم ترى هاي الامور صار غريبة بعراقنا العظيم بس صدك الدنيا بخير وبالفعل اني دزيت رسالة كلتلهم الموضوع بالتمام اليوم وان شاء الله اكون وياكم على الخط من يجاوبوني شباب اشكركم من كلبي اخوتي ادعولي وخلو امهاتكم يدعولي همين لان البركة كلها بالام اخواني اشكركم واذا واحد عند ملاحظة همين على الموضوع او اكو حاله مشابه مثل شكد طولو ويعني فانتم ما تحتاجون توصية
تسلمون اخوتي اخوكم عراقي

[siv2007]

اخي العزيز صاحب الموضوع مع التقدير لكل الردود التي تحمل المعلومه المهمه بس نصيحتي الك تكتب ايميل للسفاره او nvc وتشرح حالتك وراح تستلم الجواب القانوني المضبوط100%

[عراقي 77]

السلام عليكم اخواني
ان شاء الله بخير بصراحةاخوان اليوم استلمت رسالة من nvcوكالولي بيها انو قضية انغلقت من يمنه وعلى موضوعك لازم تتصل بالسفارة بس لازم تنطينا cc بها الموضوع ولحد الان السفارة بالعراق مدزتلي
والله كريم

اخوية ماجلان
طبعا اشكرك على صراحتك ولو جانت قاسية وسودة الدنيا بوجهي فوك ما هية مسدودة وعلى كلا اشرحلك الموضوع بالتفصيل عسى الله ان ساعدني بيه بمعلوماتك
بخصوص زوجتي بالفعل هي موجودة بالمعاملة مالتي من البداية بس يوم المقابلة ما جتي ويايه وممقدملها ds-230ولا مسويلها فحص طبي وبالمقابلة سالوني عنها كلتلهم انو احنه منفصلين في الوقت الحاضر فكالولي يعنيزعلانين كلتلهم نعم وكالولي انو حضرتك لح اتقدملها تكملة معاملة من توصل وكلتلهم نعم وللعلم اني ذاكرهابالاستمارة مالتي موجودة انو احنه منفصلين وليس مطلقين اصلا حته قسيمة الزواج مترجمه وكامله وانطيتهمياه بالمقابلة هذا بالنسبة لزوجتي
بالنسبة الابني
بصراحة ابني اجه يوم 1/1/2009 واني مشيت بالمعاملة بشهر 5/2008وبصراحة اني توقفت بالمعاملة ولغيت الفكرة مال السفر بس بعدين رجعت بيها شهر 8/2009 وبصراحة ماضفته لغلططططططططططط مني
اما زوجتي هسة حامل
وبصراحة اني مقرر انو ان شاء الله بعد السفر 6 اشهر ادز عليهم وجنت متخيل الامر بسهولة وميطول بالزايد سنة بس اتفاجئة بان الامر ممكن يطول 5 سنوات
اخواني اني تعبتكم وضوجتكم بس بصراحة غلطة وكذبت واني اعترف بغلطي بس اخواني هسة اني محتاج مساعدتكم حيل حيل
اشكركم وجزاكم الله الف الف الف خير والله يبارك بيكم ويسهل اموركم واذا ما فدتوني على الاقل اني فدتكم بعدم الغلط مثلي
تسلمون وما اكول غير ادعولي الله يساعدني
وتسلمون
السلام عليكم اخوكم عراقي

[مازولا]

اخونا العزيز ... الحل الوحيد انو انت تتصل بالسفارة و تشوف شنو يكولولك على اضافه زوجتك و طفلك قبل ما تسافر ... و اذا ما كان بيهه مجال ... يمكن احسن شي تقدم من جديد من البدايه و تمشي بالمعامله الى ان تكمل يعني فد سنه او اكثر ... بس الصدك ما ادري يصير تقدم مرة ثانيه لو لا ... اللي اعرفه انو همه كاتبين في كل مرحله انو اذا ما استلمو منك جواب خلال سنه تسقط المعامله و لازم تقدم من جديد ... اخويه اسالهم و الله كريم ... اخوكم مازولا

[nana1972]

اخي عراقي 77
اني من قريت موضوعك حسب ما اعرف موضوع جدا عادي وما يحتاج الى هيج قلق لان مرت علينا هيجي حالات وللعلم انت طلعتك بالفيزه احسن من اللجوء لان اعرف نفس حالتك راح الزوج وبعدها سوه لم شمل لعائلته ويذكر اسماء عائلته وهي ايضا قدمت كل ما يثبت من اوراق بان هو رب العائله زوج واب وانه هو المعيل لهم فبعد اقل من 8 شهور سافرت زوجته واولاده . يعني المهم اكو اوراق ثبوتيه للاولاد وللزوجه حتى ولو كانت حامل . فأذا لا تخف عزيزنا عراقي 77 فموضوعك غير مقلق . والله يسهل امورك ويبعد عنك القلق
نانا / سان دييكو

[nana1972]

عزيزي اخي ماجلان
واحنا با اي او ام كانت عائله اتراجع معنا وقالت لنا بانها ليست مثلنا تراجع على اللجوء وانما ذاهبه الى زوجها امقدم على لم شمل وزوجها كان مسافر بفيزه الى اميركا ذهب وهي حامل اربع شهور والتاخير كان مجرد اثبات هويات الاولاد ومدة اقامة زوجها هناك وفعلا قبل سفري باسبوعين اتصلت بي لتودعني وقالت بانها ستسافر الى زوجها هذا ما حصل امامنا.......
اختك / نانا

[عراقي 77]

السلام عليكم اخوان
اختي او اخي نانا
الله يجزيك بخير ويبرد كلبك مثل ما بردت كلبي واشكرك ياوردة على هاي الاجابة بصراحة مثل متعرفون اني دزيت للسفارة على موضوعي واج الرد والحمد الله انو لازم ادز الد س 230 الهم اثنينهم وبالفعل دزيت الهم وكلتلهم انو زوجتي حامل وان شاءالله ابلغكم بالمستجدات
تسلمون اخواني واخواتي والله يبارك بيك وشكرا جزيلا لاختي نانا او لاخوية شكرا وشكرا لكم جميعا
والسلام عليكم اخوكم عراقي