مترجم ومتعين معلم ؟؟ يطلب المساعدة ؟؟

[المترجم الملعم]

طبعا انا من قبل فترة طويلة ازور الموقع واقرا المواضيع الجميلة الي يكتبونها الاعظاء .
فاليوم قررت ان اسجل واكون عضو جديد بالمنتدى واتمنى ان تقبلوني صديق الكم جميعا ..

عندي سوال ماللكيت اله اجابة بالمواضيع الي تكتب .. الا وهو

اني مترجم اشتغل وعندي تاريخ طويل بهاي الشغلة . وشهاداتي ومقدم بيها على برنامج اللجوء مال الاي او ام .
وقابلت هسه قبل فترة اول مقابلة .
بس اكو شغلة انا ما ذكرتها . والي هيه تعيني . انا متعين بس بالاسم . من قبل سنتين او 3 او اكثر ما اعرف بالظبط . بس اذا ارجع اشوف اوراقي مال التعين الكاه التاريخ بالظبط .

الي صار انه من قابلت هسه المقابلة الاولى وسالوني عن حياتي العملية . ذكرت كلشي . بس ما ذكرت التعين . لان تعرف انا معلم وما ادوام اصلا . بس اسمي موظف واسمي متعين .
فما اعرف شنو تاثيرها هاي الشغلة سلبي عليه ؟؟ لو اذكرها بالمقابلة الثانية ؟؟ لو اغلس ؟؟ لو شنو اسوي ؟؟ ما ادري شنو اسوي ؟؟؟

فكلت خلي استشير اهل الخبرة .
الي يكدر يساعدني بهذا الموضوع اكون جداا ممنون منه


والسلام عليكم ورحمة الله وبركااته

[Baghdady73]

اخي العزيز

شنو المشكلة من ذكر كونك معلم!!يعني باعتقادي هذا الشيء ايجابي اكثر منه سلبي ومسالة مهنية بحتة ما الهة اي علاقة باي شي سياسي..

بغدادي

[المترجم الملعم]

اخي بغدادي
شكرا جزيلا على الرد مالتك . بس انا شنو قصدي . انه نا ما ذكرت هذا الشي بالمقابلة مالتي هسه هاي الاولى . لان ما عندي تفاصيل عنه . وشي الثاني . انه انا هسه يجوز مفصول من زمان وما ادري
فما اعرف هذا الشي اذا اجت المقابلة الثانية اذكره لو لا ؟؟ وهم راح ياثر على سير القضية مالتي لان ما ذكرت بالاولى ؟؟ لولا ؟؟

وتحياتي

[Baghdady73]

بامكانك ذكر ذلك في المقابلة الثانية كون المقابلتين الغرض منها جمع المعلومات لفايلك الشخصي وتقديمها للوفد الامريكي بصيغتها النهائية ولكن طالما انك لا تعتبر هالنقطة جوهرية ولن تستفيد منها حاليا فالافضل عدم ذكرها خصوصا وانها ستربك مصداقية تقديم المعلومات بعض الشيء ولكن في حال قدومك الى امريكا فان الكيس ووركر سيقوم باخذ جميع تفاصيل خبرتك المهنية وبامكانك ذكر كل شيء وانا لم اذكر كل الخبرات التي زاولتها فقط التي تفيدني في سير القضية ولكني ادرجتها كلها عند وصولي الى كاليفورنيا وانشاءالله ميسرة

بغدادي

[المترجم الملعم]

اشكرك اخي بغدادي على هذا الايضاح .  يعني ماكو داعي اذكرها لهاي الشغلة اصلا .

بس عندي سوال على شغلة الكيس وركرCase worker  .. هو هذا نفس الشخص الي قابلني بالمقابلة الاولى هو يبقة وياي على الكيس مالتي حتة من اوصل الى اميركا  الكاه هناك ؟؟ لو هم يتغير ؟؟ او مو شرط ؟؟

[زيوس]

مرحبا ....

كونك معلم لا يؤثر على سير قضيتك .... وحاول تكون صادق دائما لان حبل الكذب قصير مثل ما يقال تدري ليش لان راح المحلف يقارن كلامك بالمقابلة الاولى ويسالك مجموعة اسئلة وانت بطبيعة الحال اذا كاذب بالمقابلة الاولى راح اكو احتمال تنسى الي تكلمت بيه بالمقابلة الاولى ... وبالنتيجة راح تاثر سلبا على سير قضيتك.
بالنسبة للموظفين مال الهجرة وظيفتهم مقابلتك وخلص ليش يعني انت تقصد كل واحد يقابله شخص بالiom راح يطلع وياه لامريكا ؟!!!  جا انت غير طلعت تقرا بالمنتدى من زمان ؟؟؟ هو هذا شعليه بيك يا اخي ..

ثم انت ليش مسويها هوسة على نفسك يا اخي ... اهدأ وعلى راحتك حبي لان بعد وراك حصبة وجدري مثل ميكولون .... ولا تدوخ نفسك صارت اوكي مصارت بالجهنم ..

وتقبل مروري
زيوس

[دنفش]

اخي العزيز
ما دام ما ذكرت انو انت ما تشتغل بالمقابلة الاولى ما انصحك تذكرةا بالمقابلة الثانية لان مو من صالحك جدا تغير اقوالك اخي ترة همة بس يريدون يلكفون زلة على الواحد وبعدين حسب ما افتهمت انو انت مفصول يعني انت اصلا صدك مو معلم وين المشكلة؟

[y.a.r.a]

اخي المترجم الملعم
اني من راي الاخ دنفش لتحاول اتغير اي معلومه او اتضيف اي شي مختلف عن المقابله الاولى
وخصوصا هذا مراح يخدم القضيه مالتك وانسى موضوع انت جنت قبل معلم
اما الجزء الثاني
عندما تصل لامريكا راح تستقبلك منظمه ايكون ملفك واصل عدهم وراح يتخصص شخص واحد بملفك هوه هذا الكيس وركر الي ايساعدك بالمعاملات وبالتقديم على شغل وهذا تذكرله شهاداتك واذا عملت سابقا لمساعدتك بايجاد الشغل الملائم ولو هيه عادة كل الاشغال بالبدايه اتكون اشغال عامل غير ماهر
وياربي ايوفقك وايسهل امرك

[المترجم الملعم]

بغدادي
دنفش
يارا
زيوس

شكرا جزيلا الكم على هذا الرد الجميل . وربي يوفقكم كلكم انشاء الله .

[eng.a7med]

الاخ المترجم الملعم
السلام عليكم

كونك معلم شي طبيعي بس رايي

الخاص لا تذكرها علمود اتحافظ على مصداقيتك امام المحلف
هاي نصيحة و القرار الك

تحياتي و تمنياتي بالتوفيق

[عكعك التطوى]

اهلا وسهلا بك اخي الكريم وعلى الرحب والسعه

اخي المترجم ممكن اتضيف اي معلومه قبل مقابله المحلف وهذا الشيء لايؤثر على قضيتك ابدا ولا يعتبر عدم مصداقيه او تغيير بالاقوال لان المقابلات التي تسبق مقابله المحلف تعتبر تحضير وتجهيز وتكمله ومراجعه المعلومات الي تذكرها  لتكون جاهزه للمقابله الاخيره ولكني بالرغم من ذلك وحسب حاله عملك الي ذكرتها انصح بان لاتذكرها بالمقابله لانها سوف تفيدك بموضوع صدور الامنيه بسرعه

تحياتي