السلام عليكم اخواني وخواتي
طبعا الموضوع مكرر بس قبل مرة كان الموضوع من غير صور او مواقع حتى تعرفون اكثر عن طبيعة التنقل بالمواصلات برود ايلاند
طبعا الباص مو مثل الكيات مالتنة
شي جميل جدا ويعجبك بس تركب بالباص
طبعا الدفع ايكون مسبق عن طريق شراء كارت شهري او 15 ركبة وهذا تشترية من الستوب شوب
كارت الشهري اشكد متريد تركب بالشهر تركب واصور سعرة 75 دولار اصور حسب ماسمعت
وكارت ال 15 ركبة صح انو انت تكدر تركب بس 15 مرة بس مثلا
انت رحت للسوق وتعرف نفسك بعد اقل من ساعتيين رح ترجع فة ليش تخسر ركبة من كارتك
تاخذ ترانسفير يعني عودة رح ينطيك بطاقة الك حق ترجع بالكارت مرة وحدة وبلاش وخلال ساعتيين
بس متكدر اسوي هذة الطريقة بالكارت الشهري
طبعا الكارت يستخدمة شخص واحد
مرات ابن خالتي ينسى الكارت اني دائما اشيل كارت ابو ال 15 ركبة وكارت ابو الشهر
شسوي اني اركب اني واخذ تراسفير وانطي الكارت لا ابن خالتي يركب بية
طبعا الباص بالنسبة للمعوقيين اكو بوابة تنزل الى الرصيف ويصعد المعوق او الي راكب على كرسي متحرك ويفرغلك مجال صاحب الباص السايق وهوة الي ايفسحك المجال
طبعا الي ينزل الة الحق على الي يركب يعني مثلا انت واكف تنتضر الباص ووكف الباص ميصير تصعد اذا مينزل الي داخل الباص يلة انت تصعد
واكيد مو مثل العراق او الوطن العربي اصيع نازل نازل لا اتريد تنزل اكو حبل اجرة واكو لوحة اضوي احمر ينكتب ستوب ريكوستت اتصور مدا اذكر زين
وميوكف ولا اينزل ولا ايصعد ركاب الة بمحطة الباص
وهذا الموقع الخاص بالمواصلات
اخوكم جوزيف
http://www.ripta.com/content1987.html
