اعتقد المحلفين وصلوا بغداد (حددولي موعد مقابله مع المحلفين بشهر 12)

[ok_ok755]

السلام عليكم

تحيه طيبه الى جميع الاخوه والاخوات واتمنى اني يكون الجميع بالف خير وسلامه.


طبعا احب ابشر الجميع بوصول المحلفين الى بغداد واليوم اتصلوا بيه اي او ام بغداد وحددولي موعد لمقابلة المحلفين بشهر 12 علما اني قابلت بشهر 7 2009 المقابله الاولى تحياتي للجميع.

[abu shahed]

الف الف مبروك اخي العزيز انشاء الله تكون مقابله سهله وتحصل على الموافقه والسفر القريب بأذن الله



                     اخوك
                79 النرجس

[ok_ok755]

شكرا الك اخي العزيز واتمنى الك الموفقيه.

[مهند هادي]

الف الف الف مبروك حبي والله فرحتلك وان شاء الله التوفيق بس حبيت اسألك خابروك تلفون لوبالايميل واني هم مقابل بنهاية شهر الثامن بس بعد لحد الان


اخوك مهند هادي بغداد

[Revolver]

شايفين كل الخير واتمنالكم كل الموفقية جماعة بغداد, ربي يسهل اموركم وامورنة.

ريفولفر

[ok_ok755]

اخي العزيز مهند هادي شكرا واتمنى يتصلون بيك باسرع وقت حبي اني دزولي ايميل اليوم يعني اني طولت فوك 3 اشهر عن المقابله الاولى.


اخي ريفولفر اشكرك على مرورك الكريم واتمنالك الموفقيه .

[storm2000]

الف مبروك ان شاء الله تسهل المقابلة عليك
ولو راح اطول عليك حبيت افيدك بموضوع اني قابلت بالشهر الخامس 2009 والمقابلة الثانية كانت الشهر 10 /2009 وكان المحلف رفيع اشقر ولحوح جدا بخصوص العسكرية والحزب تصور مقابلتي طولت 3 ساعات
3 مرات ايدز عليه فحاول تجنب موضوع العسكرية والحزب تمنياتي لك بالنجاح
اخوك

[زيوس]

حبي تاكد و لا تعتقد لان اني قابلت يوم 5 -11 بعد 6 اشهر بالتمام والكمال على انقضاء المقابلة الاولى وانطيك هنت hint على الموضوع (لا ترتبك وعلى كيفك ولا تقلق و بالمناسبة كل من وحظة بالنسبة للمحلف يعني اني طولت مقابلتي اقل من ساعة وبينما الاخ اعلاه ثلاث ساعات يجوز لان اني مخادم عسكرية)

لا تكذب وكن صادقا وحاول تتذكر انت شمتكلم بالمقابلة الاولى يعني حاول لا تضيف حجي زايد ولا تناقض المعلومات الي بالمقابلة الاولى

الله يسهل عليك وعلينا وعلى جميع الاخوة الافاضل

تقبل مروري رجاء
 

[ابو عبد الله التكساسي]

حبي تاكد و لا تعتقد لان اني قابلت يوم 5 -11 بعد 6 اشهر بالتمام والكمال على انقضاء المقابلة الاولى وانطيك هنت hint على الموضوع (لا ترتبك وعلى كيفك ولا تقلق و بالمناسبة كل من وحظة بالنسبة للمحلف يعني اني طولت مقابلتي اقل من ساعة وبينما الاخ اعلاه ثلاث ساعات يجوز لان اني مخادم عسكرية)

لا تكذب وكن صادقا وحاول تتذكر انت شمتكلم بالمقابلة الاولى يعني حاول لا تضيف حجي زايد ولا تناقض المعلومات الي بالمقابلة الاولى

الله يسهل عليك وعلينا وعلى جميع الاخوة الافاضل

تقبل مروري رجاء
 

حجي كل حلو
بالتوفيق للجميع

[angie-dawood]

الف مبروك انشاءللة ربي يسهلها عليك المقابلة ويارب التوفيق

[ok_ok755]

storm2000
اخي العزيز كلامك ذهب واتمنى الك الموفقيه بس يا اخي المقابلات تعتمد على شخصية المحلف الامريكي اكو ناس مقابلاتها نص ساعه واكو 4 ساعات واني الحمد لله ما خادم عسكريه واما بالنسبه للحزب فالشعب العراقي جان كله بالحزب وهمه الامريكان يعرفون هذا الشي واتمنى المقابلات تكون سهله على الجميع.

زيوس
اخي العزيز اشكرك على النصائح وشكرا على مرورك.


✿AnGie✿
الله يبارك بيج ويا ربي الله يسهل امورج مثل ما تسهلين امور الناس تحياتي الج.

[AbU.SaRa]

أخوية ألف ألف مبروك أنشاء الله تخلص المقابلة وتطفر بأسرع وقت ممكن........