الاخوان الي بسوريا

[MAGGIC]

السلام عليكم جميعا


شنو قصه المحلفين مايردون يجون لسوريا
همه الان بالاردن وراح يوصلون لمصر وكذلك للبحرين هذا حسب ماقرائته في المنتدى من مواضيع الاخوة

الرجاء اذا كان شخص عندة معلومات او سيتصل ب iom بهذة الايام ويستطيع ان يعلم بموعد وصول المحلفين الرجاء ان لايبخل علينا بالمعلومات ويكتبها لنا


تحياتي للجميع

[abdo_99]

اخي العزيز

كلنا بانتظرا الوفد  وماكو خبر من سوريا ابدا وكل ماتصل يكولون وفد بعد اجه الى سوريا

الله كريم اتمنى من الاعضاء يجاوبون ادا واحد عرف معلومه على الوفد

[moon27]

فعلا هو امر محير وصول الوفد الى سوريا
لماذا هذا التاخير في وصوله لا احد يعلم

طيب متى سياتي حتى ال iom مال سوريا ميعرف    !!!!     لعد منو يعرف ؟؟؟؟

 
زين يا جماعة اللي بامريكا اكو فد رقم او احد تكدرون من امريكا تخابرون وتتاكدون من الموضوع

ياجماعة الخير ساعدونا تره احتارينا صار مثل اللغز

نرجوا من كل يستطيع المساعدة ميقصر انشاء الله وخاصة  ✿AnGie✿

[عاشق تراب العراق]

اخوية ماجك ان شاء الله يبينون هالايام لان واضح بدو يهلون على الدول باذن الله يجون لسوريا لان انت تدري اللي يوكع بنكرة سوريا بصعوبة يطلع منها فحتى الوفد اكيد اخر دولة يجيهة سوريا

[MAGGIC]

الاخوان الاعزاء

abdo_99

moon27

شكرا لردودكم وان شاء الله التواصل بينا  لمعرفه اخبار الوفد لان حتى لبغداد راح يرحون بشهر 12
احنا شبينا بس  انكول الله كريم ان شاء الله تفرج علينا وعلى كل المكنتضرين

واذا اكو احد من سوريا عندة معلوما ياريت اضيفها

تحياتي

[MAGGIC]

اخي الغالي  عاشق تراب العراق


ان شاء الله دعائك مستجاب ونطلع من الحفرة

هسه لو اكو سيارة تسحبنا لان صدك مغرزين 

تسلم ياورد على ردك وتشجيعك الي دوم وان شاء الله تسمعني بموعد سفرك باسرع وقت ومثل ماكلنا احجزلي يمك شقه من الحكك 

ان شاء الله تسهل امورك وتسافر واحنا وراك

تسلم على المرور

[moon27]

 اي ياجماعة هيج خلي كل واحد يرفع معنويات الثاني لان المعنويات هسه تحت الصفر

واني اكول هاي مو حفرة عادية بس حفرة غميجة حيل

ودنتظر والله كريم والله يفرج على الكل انشاء الله

[عاشق تراب العراق]

ههههههه اخوية ماجك و الله احجزلك يمي بس  خلي يعطسون لا و اليوم مخابريني من الصبح و الله ليش تبعت ايميلات لمصر ؟؟؟؟؟؟؟؟
اخوية moon27 متشوف الجو بسوريا مو ذاك البرد لان احنة من معنوياتنة اللي تحت الصفر سحبنة كل الحرارة و يرادلنة على كولة اخونة ماجك كرين حتى يسحبنة يجوز يفيد

دعواتي و امنياتي بالفرج للجميييييييع

[MAGGIC]

الاخ العزيز  moon27

ان شاء الله تنرفع معنويات الكل ويتصلون عن قريب وتنحل كل المشاكل
ويكون السفر قريب ان شاء الله

حتى نخلص من هل نكرة حفرة سميها شماتسميها


تحياتي الك

[MAGGIC]

اخوي الغالي عاشق تراب العراق


هههههه تدري ليش خابروك ( عمي اغارن تخابر مصريات ) مايقبلن 


حرشه بيك الله يسهل الك وتسافر ولازم تحجزلي شقه مابيها مجال


تحياتي الك

[moon27]

 
بس اكو ملاحظة وهي انو كلهم جماعة un و ال iom  محد يرح الكلب وبالعامية محد يمسح على ايد مجروح ولو المثل بعد اقوى من هيج يعني محمد ينطي حجاية تريحك او يكلك انشاء الله عن قريب يوصل لو بعد ساعة يوصل الوفد يكلك منعرف شوكت يوصل ...

 الله يفرجها علينا وتصير سوالف انشاء الله

[MAGGIC]

اخي العزيز moon27


الي رجليه بالماء مو مثل الي رجليه بالنار

طبعا ميهتمون لان الشغله مو شغلتهم

الي انكوله اولا واخيرا الامر بيد الله ومن الله التوفيق والتسهيل ولا خير بالبشر لان الله ارحم الراحمين


تحياتي

[ام_علي]

السلام عليكم
احب انقللكم معلومة انشاء الله صحيحة اليوم اكو قريب لي يشتغل باليو ان عنده بيك اب ينقل الحصة دزو عليه علمود الحصة الجديدة ومن راح يكول اكو هوسة ورايحين وجاين سال كالو انو الوفد الامريكي شرف لسوريا
اليوم
فانشاء الله يكون صحيح الخبر  وتفرج علينا

[عاشق تراب العراق]

ان شاء الله خير و تفرج على كل المنتظرين

[MAGGIC]

الاخت العزيزة ام_علي

الله يبشرك بمليون خير وان شاء الله الخبر يطلع صحيح ويتصلون بالمنتضرين

واذا خابرونا ينرادلج ذبيحه بس مو ديك احمر مثل احد الاخوان كاتب بالمنتدى ينرادلك جمل اذبحه الك على هذة البشارة

اللله يبارك بيج ويفتحها الك

تحياتي

[MAGGIC]

الاخ العزيز عاشق تراب العراق

الله يفرجها عليك اولا ويفرجها على الكل وان شاء الله السفر القريب
والاستقرار ونطلع من هاي النكرة الي صارت حفرة وصارت فجزة



تحياتي الك

[abdo_99]

الف رحمه على الوالديك يا ام علي والله يبشرك بالخير

يارب الفرج يالله يسهلها على كل ناس وبفرحهم


ابو مرتضى

[MAGGIC]

اخوي ابو مرتضى
ان شاء الله تسهل امور الكل ويسافرون


هسه المهم غدا يوم السبت وراح يبلشون اتصالات اذا الوفد واصل فياريت اذا احد اتصلو بي على مقابله الوفد او حددوله موعد ياريت يكتب بالمنتدى حتى يكون عند الاخوان المنتضرين خبر ويستعدون للمقابله


والتوفيق من رب العالمين


تحياتي

[فراس خزمي]

كولو يا الله .   هو اكو وفد بسوريا موجود بس ه>ا الوفد مختص بالمرفوضين وبقيد الدراسه وتوزيع الفيز  .
اما بخصوص وفد المقابلات ماكو شي الى هسه واني داأنتضر وفد صار شهر ونص وانشاء الله خير والخير يعم على الجميع وتفرج علينا كلنا ..
هاي شبيكم اشو مئيسين وضايجين؟ تره اني صارف دبه دهن والضخط عندي مره يصعد ومره ينزل صاير مرجوحه ههههههههههههه

[Ehab_Thommas]

الاخت ام علي
الله يبشرج بالخير وان شاء الله يكون الوفد واصل
بس اني اليوم حجيت وية شخص من اليوان كلي
الوفد مجاي
هذا وفد مال مقابلة الثاية ومثل ما ذكر الاخ فراس قيد الدراسة والرفض

وياريت اذا واحد نطوا موعد الوفد الاميركي يبلغنا ولو هذا الشخص قال بشهر الواحد يجي الوفد
بس الله كريم

[MAGGIC]

اخي العزيز فراس خزمي

تسلم على هذا الخبر وان شاء الله يوصل الوفد ويقابلون الكل
تسال ليش ضايجين اكيد انا انتضر صارلي 3 اشهر الوفد وقبل الوفد طولت مقابلاتي من شهر 11 \ 2008 وخلصت كل المقابلات بالشهر 8 \ 2009 وهسه 3 شهر اجمع صار سنه ولاتنسى ورانا حصبه وجدري ان شاء الله اذا قابلنا الوفد وانقبلنا راح ننتضر الامنيه والدورة والفيز والله اعلم يمته نسافر احسبها وشوف شكد من الوقت راح يصير
بس التسهيل من رب العالمين ان شاء الله



اخي العزيز  Ehab_Thommas


انا مثلك اريد اي شخص يتصلون بي ويحددوله موعد مقابله وفد حتى نعرف راسنا من رجلينا
والله بسهل على الكل وتمشي امورهم ونخلص لان العمر كم عشر سنين بي مو زهكنا والله

بس انكول الله كريم والفرج بين لحضه والثانيه من رب العالمين


شكرا جزيلا لمروركم

تحياتي

[المستجير]

السلام عليكم كيف حالكم خواني واخواتي وصدقائي وحبابي  وجاي اتلوق الكم بالكت احد يجاوبني لان مليت من انتظار وسؤال ومحد جاوبني لاهجره دوليه ولا غيره كله انتظر واحنه نتصل بالكت احد منكم يجاوبني ومانتظر اكثر اني قابلت لوفد وطلعت الموافقه بس ماكو لاخبر ولا حس صار ست اشهر ياريت لي عنده جواب سؤالي ويعرف شي يجاوبني ][/ftp][/size][/size][/color]

[MAGGIC]

الاخ  العزيز المستجير

اخي العزيز الموضوع هو كل واحد وحضه اكو اجتي الموافقات الامنيه مالتهم بسرعه واكو دينتضرون فترة يعني بالعامي بعد استلام النتيجه مال محلف تبقى انت وحضك مساله وقت
وتكدر اتشوف موضوع الاخوة الي اسمه جمعيه انتضار الموافقه الامنيه لمدة سنه فاكثر ممكن تستفاد منه

وان شاء الله يفرجها عليك وعلى كل الي ينتضرون وان شاء الله يسهل امورنا جميعا ونخلص ونستقر

تحياتي الك

[MAGGIC]

السلام عليكم اخواني


ماكو اي خبر جديد عن الوفد الامريكي ؟؟؟؟؟


تحياتي