الى الاخت انجي المحترمة او احد الاشخاص الي على علم ودراية بامور الهجرة

[الصابرة]

السلام عليكم اخواني واخواتي سمعت قبل فترة من اقاربنا الي بامريكا والي همة مقربين النا من الدرجة الاولى يعني والد زوجي ووالدته  انو اكو اشخاص جاين الى امريكا ما اعرف من اي بلد بالضبط وانو من جوي الى امريكا كانو ناقلين ملفهم ايضا من بلد الى بلد اخر لتسريع المعاملة فهل يجوز هذا الامر علما انو كالونا انو اكو قرار يسمح بنقل الملف من بلد الى بلد اخر  فهل هذه المعلومة صحيحة براءيكم

[Abo Rami]

اختي هذا الموضوع شائك ومعقد اني ما انصح بيه لان راح دخلين بدوامه اله اول ماله اخر ونقل الملف اذا كان اكو رفض من االبلد الاول
لبو رامي

[ريم عبد]

اختي الصابره
اذا ممكن اتذكرين انتي باي بلد والى اي بلد اتريدين اتنقلين ملفكم وليش؟؟
حتى ايجاوبوج الاخوان على السؤال بالتحديد
والله ايصبركم

[angie-dawood]

اختي العزيزة الصابرة مثل ما كالت الاخت ريم ممكن توضحين النا انتي باي بلد والى اي بلد تريدين تنقلين ملفك وباي مراحلة واصل ملفكم واهل زوجك شكد عدهم بامريكا عدهم جنسية لو لا وانتي باي دولة الجوار حاليا كل هاي التفاصيل لازم نعرفها حتى نكدر نجاوب على سؤالك وبنسبة لنقل الملف عادي اكو ناس نقلت ملفها من سوريا الى تركيا بس مو معناها انو الدائرة او شخص يسرع المعاملة لا ماكو هيجي شي هي حسب ارقام الفايلات وتاريخ التسجيل او نوع القصة لو كان الحجي مثل ما كلتي كان اني اولا شخص يقوم بهذا الشي وخصوصا اخواني هاي صار خمس سنوات بسوريا ولي هسى ماكو شي دينتظرون شوكت يهل هلال الوفد بسوريا كلها ياعمري معتمد على الحظ وانتي وحظج من كل شي من بداية التسجيل الى يوم السفر وما عندنا غير الصبر

[المهندس حمودي]

الاخت الصابرة

تحية طيبة

بالنسبة لل IOM  تكدرين تنقلين ملفك من اي بلد الى اخر وهذا نص العبارة الي يدزونها هم بالاميل

بسبب قيود سعة برنامجنا USRAP في بغداد ، فإن الطلبات التي نتلقاها حالياَ تستغرق مدة زمنية اطول من الطلبات التي تتلقاها الدول المجاورة. إذا كنت تشعر أنك في خطر ، وتحتاج  إلى مغادرة العراق فورا ، أو إذا كنت ترغب في الحصول على موعد مقابلة أسرع ، برجاء إبلاغ مركز معلومات بغداد بأنك ترغب في الاستكمال بأحد الدول المجاورة وسنتخذ الخطوات اللازمة  لتيسير الاجراءت وتحويل ملفك  إلى المكان الآخر. اذا كنت قد ابديت رغبتك في تحويل ملفك الى دولة مجاورة ، سوف يتم الاتصال بك خلال  14 يوما من تاريخ استلام الطلب.

ومثل ما تفضلوا الاخوان والاخوات انت ما نا طيه تفاصيل .. يعني ما ذاكرة في اي بلد انت ؟؟ على شنو انت مقدمة UN  او IOM  ؟؟ 
يعني اذا بامكانك تنطينهم اكثر تفاصيل .. راح يكدرون يساعدونك اكثر

تحياتي
المهندس حمودي

[الصابرة]

السلام عليكم اخواني واخواتي اشكر مروركم الكريم وتعاونكم معي طبعا اني سالت هذا السؤال مسبقا واحنا مقيمين حاليا في اليمن وبانتضار لجنة المحلفين وليهسة ماكو شي والله كريم انشاء الله بس سمعنا من والدة زوجي اكو قرار يسمح بنقل الملف وهمة مقيمين في امريكا من سنة وثمن شهور تقريبا فحبينا تاكد حتى اذا اكو هيج قرار كلنا نشوف بلكت نحول ملفنا الى الاردن ونجرب مناك لان هنا باليمن طولت الشغلة وراح نكمل السنة الثانية تقربا وندخل بالثالثة وايضا نكول الله كريم واني اشكر تعاونكم مرة اخرى اخواني وبالتوفيق للجميع يارب