مهنة الخياطة تصليح ملابس او العمل بالمحل لخياطة الملابس ما يحتاج شهادة
مهنة الحلاقة مثلا كبداية تعمل بالبيت للناس المعرفة او الاصدقاء ما يحتاج كبداية الى محل لكن الشهادة ضرورية
مهنة تصليح الكمبيورتر كبداية ما يحتاج محل هم بالبداية للمعارف والاصدقاء الى تكسب زبائن واهم شي يكون العمل زين يعني مو منا تصلح ومنا يخرب هيجي حالة تخسر الزبائن والسمعة مال عمل
مهنة تصليح الكهربائيات كبداية ما يحتاج الى محل مجرد عده للتصليح الى ان تكسب الزبائن واذا اللة وفق تكدر تفتح محل مع ايجازة لفتح المحل
مهنة الصباغة ما تحتاج الى محل كبداية مجرد شراء سيارة لتمشيت الامور
مهنة تنظيف الزوالي يحتاج ماكنة لتنظيف الزوالي وسيارة فان واغلب الناس يعملون هاي المهنة ومكسبها جدا زين مثل اربع غرفة نوم وصالتين ينضفوها بسعر 190 دولار هم مكسب زين حمد اللة
مهنة بيبي ستر يعني المهنة للنساء الاعتناء بالاطفال اثناء غياب اهاليهم في العمل هم مهنة زينة كل ساعة ياخذون لكل طفل 5 دولارات
هواية اكو مهنة يكدر الواحد يشتغلها كبداية الى ان يتعلم لغة ويشتغل عند الامريكان اكو مهنة هي تعتبر اغلى مهنة مكسبها واللة ذهب خصوصا هنا بمشكن وبمنطقة ديربون مهنة فتح الفال وقراءة الفنجان ماشاءللة جماعتنا ما يقصرون بالذهاب الى هاي الاماكن وكل فنجان قهوة يفتحون بسعر 35 دولار وشوفي كم وحدة تدخل تقراة فنجان
يعني اقل شي تحصل 200 دولار باليوم وهي تضحك عليهم هاي المهنة الي موجودة بمشكن وقسم من الولايات حسب وجود الجالية العربية بالولاية
