حسب رأي من طلعلته الموافقة .... شنو احسن قصة تهديد ممكن يوافقون عليها؟؟

[chicho]

مرحبا

حسب متابعتي لاخبار الموافقات والمحلفية وقصص التهديد بالقتل

شفت انه اكو شغلات معينة بالقصة تكون تاثيرها اكبر على المحلفين وفي المقابلات

ياريت اللي مسوي مقابلة المحلفين وطالعتلة الموافقة  يحجيلنا عن اهم شي بالقصة اللي سوى تاثير قوي على

المحلفين وادى الى تسريع الموافقة

ننتظر مشاركات واراء من الجميع  لكي ادعم مقابلتي الثانية في اليو ان بما ينصحوني به الاخوان

وانشاء الله تطلع الموافقة للجميع

[Ross son of iraq]

اعتقد نوعية عملك مع الامريكان ممكن اتكون الها سبب في الموافقة واكيد القصة وطبعا اني من قابلت وحسب نصائح الاعضاء هنا ذكرت وركزت على ان اني مالي مستقبل في بلدي بعد رحيل الامريكان وما اتوقع راح اكدر اعيش هنا بعد بسبب التهديدات الي اتعرضلها وبسبب اعداد الناس الكثيرة الي يعرفون بيه اني اعمل مع الامريكان, هاي وجهة نظري والي ذكرتة بمقابلتي وكل انسان واكيد قصتة وفلمه يختلف وتقبل مروري
اخوك روس ابن العراق

[chicho]

اخي Ross son of iraq

اشكرك على الرد وردة لكني لم اعمل مع القوات الامريكية

 فقط تلقيت تهديدات لاسباب اخرى منها اني السني الوحدي الذي املك محل في شارع كله من الشيعة

و ايضا لسبب اخر يتعلق باهل زوجتي كونهم معروفين  كاعلاميين في زمن صدام

حيث قاموا بوضع اسمائهم في قوائم الاغتيالات على الانترنت

وبعدها ارسلوا تهديدات لي ولعائلتي بالقتل او الرحيل من منطقتنا

فهل توجد اضافات قوية ممكن ان اتحدث عنها في المقابلة الثانية تكون ذات فائدة اكثر؟؟

[bee bee]

أخي chicho
اللي انت دتحجي كلش كافي
وهمه يدورون على تهديد للشخص نفسه واللي صار مصدر خطر خلاه يترك البلد
وبقاءه هناك يمثل خطر على حياته او حيات عائلته
يعني متفيدهم انه الوضع مو زين وانفجارات بكل مكان... يعني لازم تهديد شخصي
وحط اببالك انهم راح يسألوك شنو نوعية التهديد : تلفون لو رساله لو واحد وجها لوجه هددك
وشنو اللي كالولك اياه بالضبط ...الخ.... واذا رساله ياريت اتكون جايبها وياك ك دليل
ونقاطك الي ذاكرها تقريبا كافية ... وهيه هم تعتمد على قناعة اللي ديقابلك

مع تمنياتنا الك بالموفقية وان شاء الله تتسهل امورك

تحياتي
ب ب

[y.a.r.a]

اخي chicho
اذا عندك تهديد  واحد بي اثبات هذا كلش كافي
يعني مو مهم اذا هوايه شغلات او فد قصه كلش مؤثره بس المهم الي تدعي بيه لازم اتثبته حتى لو كان بنظرك مو كلش قوي بس عرض حياتك للتهديد وعندك مستمسك ايدعم كلامك
هذا ايكون كلش كافي
لان البعض ايخبصوها بعدة شغلات وتالي اتضيع المصداقيه واتضيع السبب الرئيسي
وياربي ايوفقك وايسهل امرك

[ابو عبد الله التكساسي]

اخي
افضل قصه هي الواقع الي مريت بيه انت مو احد غيرك وصدكني صدكني الحجي الصدك  ماكو احسن منه لان ابد ما تنسى تفاصيله

[ابوتريكة]

اتفق مع الاخ شوقي بانه انت اذا ردت اتزيد بالحجي راح تنسى تفاصيل الحجي بعد فترة اشهر من الزمن وبالنتيجة ما راح تتطابق الكلام الاولي مع الكلام الي راح تكولة بعدين وتنسف الاسباب والقصة فالاحسن تحجي اسبابك الحقيقية (مثل ما يكولون بالعامية ال يجذب جذبة ينساها بعد فترة)وتبقى القصة باذهان الباقين الا الشخص نفسة لان الشغلة مو حقيقية حتى تبقة ابالك بتفاصيلها الدقيقة
اخوك ابوتريكة

[fddd]

السلام عليكم حبيت اضيف معلومة انه يسالوك عدة اسئلة عن التهديد واسئلة ممتوقعة مثل اذا ورقة تهديد وين لكيتها وشوكت وشنو جان مكتوب عليها وبيها اية قرانية لو لا وشنو تصرفك وراها ورا اشكد طلعتو وليش تعتقد هددوك ومنو وليش مترجع هسة واكو رابط للاخ عكعك مفصل وتجارب عن المقابلات وكلش مفيد

[ام عبداللة العراقية]

اخويه المحترم اولا ماكو فرق بين سني وشيعي كلنا اولاد ادم وحوى
واتوقع الي هددوك مو الشيعه هذول دخلاء ومو عراقيين وبريىء منهم العراق

                      ثاني شي

انو الشي الي يفيدك كون اكو ادله عندك تثبت التهديدات
يعني لو عندك احد جدا يقربلك مقتول (بعد الشر) عندك شهادة الوفاة
وطبعا هذي الشهاده مال المتوفي كون ماثر عليك لهذاالسبب قدمت على السفر

وانو تكون عامل مع الامريكان

الله ان شاءالله يوفقك ويسهل امرك

[zeni tee]

والله مثل ماتفضلو الاخوان حجي الصدق ماكو احسن منة بنسبة الي اتعرضت لحادثين واول هو محاولة قتل بسبب شهادي الدراسية والثاني محاولة اختطاف هم لسبب شهادي  ولحد الان التهديد موجود والخطر مستمر وماكدر ارجع لبلدي

[الناسك]

اخواني ماطول صارت السالفة هيج حبيت اتفيدونا
عندي سؤال
هل يؤخذ بالتهديد الذي بسبب الوظيفة مع الامريكان ... وهل يهمل الذي بسبب الوظيفة الشخصية
ومن هو الاكثر تأثيراً ... علماً ان التهديدات كانت تاتي عن طريق مكالمات موبايل ورسائل مستحها ولا يوجد اي اجراء اود دعوة شرطة ... ولم اشتكي قط . يعني ماكو مستمسك ...
ارجو ان تفيدونا .

[siv2007]

النجاة في الصدق

[max582]

سلام عليكم......
زين شباب اني مترجم في جنوبي العراق واني اصلي من اربيل وساكن هناك ....في حالةاذا سئلوني عن التهديد؟شكللهم......وانتو تعرفون اربيل منطقة امنة زين زين شنو الحجة مالتي ارجو المساعدة ....اخوكم max582....