الام والاب

[الحياة فرص]

السلام عليكم
شلونكم اخوان . اكلكم عيني اعرف هذا الموضوع انفتح هواية بس ليش بالواقع قصدي المترجمين الي وياية يكولون غير حجي قضية الام والاب يصير تاخذهم وياك على ال SIV يعني مو الا اسوي اوراقهم على ال IOM وهذا الموضوع اكو عندي اقربائي بامريكا اتصلو بناس هم طالعين هنا وكالولهم عادي يصير تقدم لامك وابوك ويا ارواقك على ال SIV قريت هواية بالمنتدى على هالموضوع بس اريد واحد متأكد لان مدا اعرف المن اصدك واعذروني اخواني مو قصدي حجيكم مامضبوط بس الشغلة ومابيها اريد بس الشي المضبوط ( علما انه اوراق ال SIV الي اريد اقدمها اني وزجتي وامي وابوية وبس ولحد هسة ما مقدمها ) ومشكورين مقدما

[ام عبدالله]

السلام عليكم اخي العزيز اني ساكنه ابكلفورنيا صارلي شهرين او نص شفت اهوايه عراقيىن ساحبين امهم او حتى اخوتهم الي متزوجين همه او عوائلهم طبعا او همه امقدمين على ال siv او طبعا هذا الشي متاكده منه ىن همه جيرانه او يتمتعونبنفس الحقوق التي يتمتع بهاالمهاجر يعني كلشي علىاحساب المنضمه الايجار والاكل وباقي الاشياء وشكرا اني حاضره لاياستفسار  زملتكم ام عبدالله

[Abo Andrew]

اخي العزيز
سؤالك بيمن اتصدك جوابة الك هو

اتصدك بالقوانين والتعليمات واللي انت مقاريها فيما يخص البرامج المتاحة من الحكومة الامريكية للعراقيين بالنسبة للهجرة واللجوء

الام والاب لا يتم سحبهم بطريقة الاس اي في فقط الزوجة والابناء تحت 21 سنة

بس بصفتك مهاجر حاصل على موافقة فيزا هجرة خاصة اس اي في تكدر اتقدم الى اهلك حتة يجون كلاجئين عن طريق منظمة الاي او ام

ثانيا اريد اسالك سؤال يرحم هذاك الاب

هية صعبة ادز ايميل لجماعة الاس اي في وتسالهم هذا السؤال ؟؟ شنو اتخاف ايعظوك ؟؟؟ لان هذا سؤالك ترة جوابة كلش بسيط سواء احنا جاوبنا او لهمة ترة صدكني كلش متعاونين بهل الامور
على اية حال التعليمات هي

IOM  عربي

http://arabic.iraq.usembassy.gov/root/pdfs/refugee-factsheet_instructions_-july2008---arabic.pdf

اقرا الفقرة الاخيرة بخصوص حاملي ال SIV

SIV انكليزي وعربي

http://travel.state.gov/visa/immigrants/info/info_4172.html

http://www.travel.state.gov/pdf/SIVArabictranslation.pdf

واذا هم محاب تقرا المواقع اللي دزيتهة الك هم مو مشكلة راح اكتبلك نص القانون منقول من المواقع اعلاه

ماذا عن عائلتي؟ هل يسمح لهم بالهجرة معي ؟

الازواج والأبناء القصر غير المتزوجون المرافقون او اللاحقون للانظمام الى مهاجر اساسي يمكنهم منح الفئة ذاتها من تأشرة الهجرة الخاصة

What about my family? May they immigrate with me

Spouses and unmarried children, younger than 21, accompanying or following to join a principal immigrant may be accorded the same special immigrant classification as the principal visa applicant

تحياتي

[الحديقه]

أخوان ولو سؤالي مله علاقه بجماعة ال SIV بس اني اختي وزوجه واطفاله وصلو لاميركا قبل اربع اسابيع وقبل اسبوع استلمو السوشيل سكيورتي مع العلم همه طلعو عن طريق الامم المتحده يكدرون همه هسه يسحبونه اني ووالدي والدتي واحنه لحد الان ملفنه بالامم المتحده وممتحول على التوطين لحد الان.

تقبلوا مروري........
أخوكم
الحديقه-عمان