موعد سفر من بغداد لكن النصيحه

[الاريج]

السلام عليكم احبائي موعد سفري بشهر ال 12 من بغداد لكن اريد ان اقول لكم هل استطيع اخذ معي دواء كميه يعني براسيتول فد 50 شريط وغيرها من الادويه ارجو المساعده والنصيحه الي راحو هل فتشو الجنط واذا يشوفوهن اخو ميحاسبون وتحياتي للجميع ويوم الي سفركم ارجو الاجابه

[y.a.r.a]

اخت اريج
اولا الف مبروك على تحديد موعد السفر وياربي ايسهلها عليكم لان هاي شدة السفر وحدها شدة جبيره
بالنسبه للادويه اي تكدرين تاخذين وياج الادويه الي تحتاجيها بس خليها بجيس واذا اتكون بيهاباكيتاتها احسن حتى لتثير الشك انها مخدرات او شي اخر ممنوع ويفضل ان اتخلين وياها الوصفه مالت الطبيب
ويفضل ان تاخذين وياج انتي بايتك مجموعه زينه ومسكنات حبوب وابر  وادوية للمعده وبعض المراهم الي تحتاجيها وكل شغلات الفرست ايد مثل لصقات الجروح والمعقم اذا عندج اطفال تاخذيلهم خافض حراره وتحاميل وبعض الادويه البسيطه الي دائما يحتاجوها واذا كبار هم ادوية الامراض المزمنه
هاي الادويه راح تحتاجيها بالفتره الاولى لان اولا غاليه ثانيا متكدرين اتحصليها بدون وصفه طبيه
وياربي ايوفقكم
اختك يارا

[Revolver]

احب اضيف شغلة وحدة واعتقد كالوهة الاخوة الي سافروا قبلنة, انو وية الادوية ياريت اتكون اوراق الطبيب وياها يعني " الراجيتة " , يعني كلشي يصير, ومو شرط بس حسبوا كلشي .

واتمنالكم الموفقية وتوصلون بلسلامة .


ريفولفر

[الاريج]

اشكركم اخواني واخواتي اوكي لعد راح اخذ معي ادويه وانشاء الله ماكو شي يصير ومراح اخذ وصفه للطبيب وتحياتي مره اخرى ويارب الوفقيه للجميع لكن احت يارا عندي اسئله خاصه وما اكدر احجي بيها هنا للعلم انشاء الله الكل اخواني ياريتتجاوبيني راح ارسلك رساله على الخاص وتحياتي

[eng.a7med]

السلام عليكم

شكد متردين تاخذين ادوية عادي اني اخذت وياية علاكة مليانة ملي و محد كال شي بس الافضل خليهن بالجنط الجبيرة

[/b]

[ابو عبد الله التكساسي]

اختي
انتي تحتاجين الى الادويه فقط في البدايه من فتره وصولك لان ما عندك تامين صحي ولكن بعد هاي الفتره ممكن ان تاخذين اي دواء بلاش من اي صيديليه بالمدكيت الي عندك
ومكن تاخذين الادويه وياك من تجين لامريكا بالجنط الجبيره وما عليهن شي

[ام عبداللة العراقية]

الف الف الف مبروك حبيبتي الاريج

                                          ان شاءالله توصلون بالف سلامه