السويد تتخذ اجراءات تعسفية تجاه اللاجئيين العراقيين فيها

[MAGGIC]

تسبب تخلي الحكومة العراقيه  عن العراقيين في الخارج الى تمادي بعض الدول في توجية الاهانات واستخدام اساليب لا انسانية بحقهم واكد مديرعام الدائرة القانونية في وزارة الهجرة والمهاجرين محمد صالح الحمداني ان اللاجئين العراقيين في السويد يواجهون معاملة سيئة من قبل الشرطة هناك، حيث يعاني العراقيون من الابعاد والترحيلات السريعة والعنف الجسدي والتخدير وتقييد الايدي وتسفير الآلاف اضافة الى ارسال 519 قضية ابعاد خلال السنة الحالية. واضاف الحمداني بحسب مصادر اعلامية  ان ماقامت به الشرطة السويدية اثناء عملية ترحيل اللاجئين العراقيين يعتبر مخالفاً للقانون الدولي وان هذه الاجراءات تعتبر مخالفة لاشكال العودة المنصوص عليها في الفقرة (2) من مذكرة التفاهم الموقعة بين الحكومة العراقية والمملكة السويدية وخلافاً للمادة رقم 3 و5 من الاعلان العالمي لحقوق الانسان كما وتعتبر دليلاً على عدم اعتراف السويد بالحماية الدولية للاجئين والذي يشتمل السلامة البدنية، الحقوق، المساعدة الاساسية، حرية التفكير، النقل، عدم التعرض للتعذيب او المعاملة المهينة اضافة الى الحقوق الاقتصادية والاجتماعية

[عاشق تراب العراق]

الله يكون بعونهم و فعلا احد اصدقائي رجع من السويد ابعاد قسري و مع العلم هو واصل هناك من 2007 و 3 مرات نرفض مشكور اخوية ماجك عل الخبر

[john simon]

اعزائي الكرام
شوفو الدول الديمقراطيية مثل السويد  بعد ماجانت تنطي الى العراقيين حق اللجوء,  هسى كامت اترجع بيهم او بعد فوكاتها اتعذب بيهم عود هما ناقصهم عذاب المسسافة الطويلة كطوعها او زصلز الى القطب الشمالي او بعد ماعدهم نصيب ان يستقرو اب بلد مسالم مساكين يالعراقيين زين ما يروحون مظلومين او معذبين , بس الاضرب من هايا ديقبلون لاجئين جدد من العراقيين حسب قرار الاتحاد الاوربي اللي صدر قبل سنة بتوطين 10000 لاجيئ عراقي من دول الجوار مثل سوريا او الاردن, يعني يطردون من الباب او يدخلون من الشباك, هيجي صارت الدنيا كلها مصالح لانه يستلمون على كل لاجيئ جديد يدخلو لاوربا 4000 يورو شهريا طبعا.
 الله كرييم بلكي تفرج عليهم والسلام اقرو النص الكامل للمقال والسلام
جوسي البغدادي استشاري مجلس اللاجئين الالماني

تسفيرات جماعية للاجئين العراقيين في السويد
وزارة الهجرة: الشرطة السويدية معاملتها سيئة مع اللاجئين العراقيين
PUKmedia 11:57 18/11/2009

صرح محمد صالح الحمداني مديرعام الدائرة القانونية في وزارة الهجرة والمهاجرين العراقية ان اللاجئين العراقيين في السويد يواجهون معاملة سيئة من قبل الشرطة هناك, حيث يعانون العراقيون من الابعاد والترحيلات السريعة والعنف الجسدي والتخدير وتقييد الايادي وتسفير الآلاف اضافة الى ارسال 519 قضية ابعاد خلال السنة الحالية.
واكد الحمداني في تصريح صحفي ان ماقامت به الشرطة السويدية اثناء عملية ترحيل اللاجئين العراقيين يعتبر مخالف للقانون الدولي وان هذه الاجراءات تعتبر مخالفة لاشكال العودة المنصوص عليها في الفقرة (2) من مذكرة التفاهم الموقعة بين الحكومة العراقية والمملكة السويدية وخلافاً للمادة رقم 3 و5 من الاعلان العالمي لحقوق الانسان كما وتعتبر دليلاً على عدم اعتراف السويد بالحماية الدولية للاجئين والذي يشتمل السلامة البدنية, الحقوق, المساعدة الاساسية, حرية التفكير, النقل,عدم التعرض للتعذيب او المعاملة المهينة اضافة الى الحقوق الاقتصادية والاجتماعية .

وشدد الحمداني على اهمية اتخاذ القرارات العاجلة لمعالجة الموقف لان ماتم من تحقيق داخلي خاص بحق الشرطة السويدية لايكفي لذا ينبغي على الحكومة العراقية متابعة التحقيق لمعرفة نتائج الاجراءات القانونية المتخذة بحقهم كما طالب بتشكيل فريق عمل من مختلف الوزارات للتباحث مع الوفد الفني لرجال الشرطة والهجرة السويدية المفترض ارساله من قبل السويد الى العراق لغرض التنسيق مع وزارة الداخلية والهجرة والدوائر المعنية العراقية بشان كيفية عودة اللاجئين العراقيين.
كما ذكر انه ينبغي على المجتمع الدولي تقديم المساعدة الانسانية للاجئين العراقيين ويجب ان يحصل اللاجئون على نفس الحقوق والمساعدة الاساسية مثل اي اجنبي اخر من المقيمين بصورة قانونية في تلك البلدان مع الاخذ بنظر الاعتبار احترام رغبة العراقيين بالعودة الطوعية ومراعاة الظروف الحالية التي يمر بها العراق .


http://www.pukmedia.com/News2/18-11-2009/news19.html

[Revolver]

لا اله الا الله, النة الله عمي ماعدنة غيرة, ومشكور اخوية على الخبر .

ريفولفر

[بغداد بقلبي]

السلام عليكم اخي الغالي الحكومه السويديه تعرف ويامن تتصرف هاي التصرفات الغير حضاريه والغير انسانيه لان اكو ناس مو مال احترام شوفوا هذوله الشباب واحكموا همه رايحين ايطربكون لو رايحين ايعيشون في سلام وامان http://www.youtube.com/watch?v=sALgCe3y860

[ابو عبد الله التكساسي]

السلام عليكم بغداد بقلبي
والله سبقتني بالي اريد اكوله
يعني معقوله واحد محترم البلد الي مظيفه وماشي على قوانينهم وما اله علاقه بالمشاكل والمكسرات والرايح والجاي وتجي الحكومه اتسفره؟؟
اخوان شويه فكروا بالردود وجاوبو بموضوعيه مو هيج النقاش ايكون
يعني العراق اشبيه ؟؟ احسن واغنى بلد بالعالم مو هالشكل ؟ بس شوفوا العراقيين اشسوو بيه
عمي العيب مو بالوطن ولا بالكاع ولا بالقوانين
العيب بالانسان الي يتصور نفسه فوق القانون واضربلكم مثل زغيرون
تعرفون العراقيين الي توطنوا بامريكا بحداث ال 91 (( جماعه رفحه)) هذولي اكثرهم بولايه نبراسكا
وصل صديقي لنبراسكا ايكلي ابو  عبود هذولي شغلهم كليته مخدرات وتهريب وتزوير ومشاكل ويا الحكومه ويوميه مداهمه عالبيوت مالتهم من قبل الف بي اي كتله شنو ليش هيجي ايسوون
يكولي انه علساس الامريكان مو خوش اوادم وهم محتلين العالم و و و .. من هاي الاراء الي ما الها اساس منطقي بس مجرد تصفيط حجي
المهم
قبل لا تحكمون ليش البلد المسالم الاول بالعالم استعمل (( التعذيب الجسدي)) او يطالب
الحقوق, المساعدة الاساسية, حرية التفكير, النقل,عدم التعرض للتعذيب او المعاملة المهينة
يعني شنو الهم حقوق بدون التزامات او واجبات ؟؟ مدا افتهم

عموما الله ينصر المضلوم الي بيناتهم والله يكسر ضهره الي يعم عالباقين الي ما الهم ذنب بس
كونهم عراقين انسحكو بالرجلين من وره اخوانهم

اخوان ارجوكم هذا رائي الخاص فقط مو واحد يجي يجرح ويكولي انت كذا وكذا ومن هاي السوالف وكلامي للجدد الي ميعرفوني ويحكمون عليه من كلام سطور قليله

اخوكم ابو عبد اله التكساسي

[MAGGIC]

الاخوان الاعزاء

شكرا لردودكم جميعا وكل الردود منطقيه او واقعيه

بس اكو شي اسمه الاخضر يحترق بسعر اليابس اي بعض العراقيين يدورون مشاكل وهنا الكارثه من تنسحب على كل العراقيين لان الناس من تسمع عراقي خربط راح يكلون الكل مخربط مع احترامي للجميع بس المشكله ليش تنسحب على الكل ؟؟
اذا انلاحظ السويد دترجع اعداد كبيرة يعني كل هذوله اصحاب مشاكل لو اناخذو بالرجلين ؟؟

الله بستر على كل العراقيين ويستطيعون ان يجدون المكان الامن لهم ولعوائلهم
وبالخيرين نكدر نغير نضرة العالم عن العراقيين ونكدر نبني صورة حقيقيه للعراقيين ولحضارة البلد والعلم والذكاء الي اكدر اكول عنه اكثر ذكاء من بقيه دول العالم

الله بسهل امر الجميع بالتوفيق والاستقرار

تحياتي

[Abo Andrew]

اني اعتقد السويد حرة بالشي اللي اتسوي

والسبب هو بلدهة والحكومة متريد لاجئين خوما كوة

ثانيا لو العراقيين اللي بالسويد جان بيهم فائدة وطوروا نفسهم واتعلموا وعافو الولفير والمساعدات مجان رفضتهم الحكومة بس لان اغلبية جماعتنا ما بيهم خير وللاسف رايحيين سياحة ومجلبين بالمساعدات طول حياتهم هاي غير التصرفات السوقية اللي ذكرها احد الاشخاص باليوتيوب

يعني لو ايرحون يتعلمون لغة مو اشرفلهم من الدنبك اللي كامشي

ملخص الحجي السويد كاعد اتنظف بلدهة من الاشخاص اليي مبيهم خير

وعبالكم بس بالسويد

البارحة سمعت خبر خلة جلدي كام اكزكز

اثنين نسوان اتعاركو اب VONS علمود اللحم لان مسوين تخفيض وجان باقي قطعتين وكامو يتكافشون وحدة منهم اخذت شيشة ما اعرف مال شنو وجان تنهبد براس امريكي

يمعود اكو مخازي متنحجي



تحياتي

[ابو عبد الله التكساسي]

ويجي الاخ كاتب الموضوع ايكول تعسفيه
عمي الله يساعد الي ما اله ذنب بهاي المساءل

[john simon]

اعزائي الكرام
نحنا ما كلنا مو كل بلد ما الى حرية القرار بان يقبل اللاجئين او لاء, اني شخصيا انتقدت المعاملة التيي يعملون بيها اللاجئين لانه عدنا اب المانيا قوانين اذا اللاجئ رفض طلب واجبر على التسفير لازم يعامل معاملة حسنة لانه اغلب بلدان العالم وافقت ع8لى قوانين حقوق الانسان.
عندنا اب المانيا منظمات انسانية اترافق اللاجئيين المسفرين الى بلادهم لاجل ان لايتعذبون من قبل رجال الامن الحكومية المرافقيين لهم, اني انتقذ الاساليب التي ييعاملون بيعا اللاجيئ لانه مو صحيحة وشكرا على المداخلة
جوسي البغدادي استشاري مجلس اللاجئيين الالماني

[volca]

وما خفي كان اعظم

تسمع وتشوف قصص اتوكف العقل ع العراقيين وخاصه جماعه رفحه الملقبين ب (رفحاوي)

[MAGGIC]

اخي العزيز Abo Andrew

كلامك منطقي بالضبط اكثر العراقيين يردون الاتحاد الاوربي للاكل والشرب والنوم وبس

لاتنسى اكو ناس تدخل مدارس لغه وتكمل معادله شهتادة وتصير احسن مناصب بس المشكله البعض يخربط مو الكل وهذا مو معناة ناخذ الابن بذنب ابيه يعني اذا احد موزين مو من اللازم اذيه الاخرين بالمعامله

ولاتنسى ضغوط الحكومه على حكومات دول الاتحاد الاوربي مثل السويد والدنمارك
اما بالنسبه للحاله الي ذكرتها الي صارت بين امراتين تدل على عدم التربيه والاخلاق مع احترامي للكل هذة النماذج يجب محاسبتها ولايجب محاسبه الاخرين على هذا العمل



الاخ العزيز shawqi shumran

هيه فعلا تعسفيه للي ماعندة ذنب وخيرة كافي شرة


الاخ العزيز  john simon

الله يوفقكم بعملكم لخدمه اخوانكم العراقيين الذين لاحول ولا قوة لهم


الاخ العزيز volca

فعلا اكو حالات اذا سمعنا بيها راح يشيب شعر الراس
والمضلوم هو الانسان الي ليس له دخل في مشاكل الاخرين لان يقع عليه الضلم كصاحب المشكله



تحياتي للجميع